ကွတ်ခိုင်မြို့နယ်တွင်စစ်ကောင်စီတပ်က ယနေ့ညနေတွင် တိုက်ပွဲမဖြစ်ဘဲ လက်နက်ကြီးဖြင့်ရမ်းပစ်၍ အသက် ၈ နှစ်အရွယ်ကလေးငယ်တစ်ဦးထပ်မံဒဏ်ရာရခဲ့သည်။
ကွတ်ခိုင်မြို့နယ်၊လွိုင်ဆမ်ဆစ်တောင်ခြေအနီးမန်နောင်ကျေးရွာတွင် ဇူလိုင် ၂၅ရက်က ကေအိုင်အေနှင့် စစ်ကောင်စီတပ်တိုက်ပွဲဖြစ်ပွားရာစစ်ကောင်စီတပ်ကပစ်သောလက်နက်ကြီးကျည်ထိမှန်ကာ အသက် ၃ နှစ်အရွယ် ကောင်ကလေးတစ်ဦးသေဆုံးခဲ့သည်။
အဆိုပါ အသက် (၃)နှစ်အရွယ်ကလေးငယ်နာရေးကိုယမန်နေ့(ဇူလိုင် ၂၆ရက်)ကမှ ပြုလုပ်ပြီးစီးခဲ့သည်ဟု ဒေသခံများကပြောသည်။
ထိုအပြင်ယနေ့(ဇူလိုင် ၂၇ရက်)ညနေတွင် တိုက်ပွဲမဖြစ်ဘဲ စစ်ကောင်စီတပ်က လက်နက်ကြီးရမ်းသမ်းပစ်ခတ်၍အော်ခဲရွာမှအသက် (၈) နှစ်အရွယ်ကလေးတစ်ဦးထပ်မံ ဒဏ်ရာရခဲ့သည်ဟု ဒေသခံတစ်ဦးကပြောသည်။
Public Service Announcement
“ကျောင်းဆင်းချိန်ကြီး လက်နက်ကြီးနဲ့ပစ်တာ။ ကလေးရဲ့ကျောကုန်းကို လက်နက်ကြီးစထိမှန်တာ” ဟု ယင်းဒေသခံကဆက်ပြောသည်။
ဦးဂျင်မီ၊ ဦးဇေယျာသော်၊ ဦးအောင်သူရဇော်နှင့်ဦးလှမျိုးအောင်တို့အား စစ်ကောင်စီက မတရားသဖြင့်သေဒဏ်စီရင်ခဲ့ခြင်းကို အပြင်းအထန်ရှုတ်ချကြောင်းကေအိုင်အေပါဝင်သည့် မြောက်ပိုင်းမဟာမိတ်အဖွဲ့ကယနေ့ထုတ်ပြန်ထား၍ ရှမ်းပြည်နယ်မြောက်ပိုင်းတွင်တိုက်ပွဲများပိုပြင်းထန်လာနိုင်ကြောင်းဒေသခံများကပြောသည်။
