မကွေးတိုင်း၊ မြိုင်မြို့နယ်တွင် တပ်ထောက်ခံပွဲအား ကင်းစောင့်ပေးနေသည့် အကြမ်းဖက်စစ်အုပ်စု တိုက်ခိုက်ခံရပြီး စစ်ကောင်စီတပ်သား လေးဦးသေဆုံး သွားကြောင်း ပြည်သူ့ကာကွယ်ရေးတပ်မတော်-မြိုင်က သတင်းထုတ်ပြန်သည်။
သြဂုတ် ၁ရက် နံနက် ၉နာရီ ၄၅မိနစ်ခန့်က မြိုင်မြို့နယ်၊ ဥယျာဥ်မရွာတွင် တပ်ထောက်ခံပွဲ ပြုလုပ်နေစဥ် ဥယျာဥ်မကျေးရွာ ဇရပ်အနီး၌ ကင်းစောင့်နေ သော အကြမ်းဖက်စစ်ကောင်စီ၏ အင်အား ၄၀ ခန့်ပါ ဖောကား ၂စီးအား တိုက်ခိုက်ခဲ့ခြင်းဖြစ်ကြောင်း မြိုင်(ပ.က.ဖ)၏ ထုတ်ပြန်ချက်တွင် ဖော်ပြသည်။
ရှော့တိုက်ဒုံး ၉ လုံး၊ မိုင်း၂လုံးအသုံးပြု၍ တိုက်ခိုက်ခဲ့ရာ စစ်ကောင်စီတပ်သား လေးဦးသေဆုံး၍ သုံးဦးဒဏ်ရာရရှိပြီး တစ်ဦးမျက်စိကွယ်သွားသည် မြိုင်(ပ.က.ဖ)က ဆိုသည်။
ဖြစ်စဥ်နှင့်ပတ်သက်ပြီး မြိုင်(ပ.က.ဖ)အဖွဲ့ထံဆက်သွယ်မေးမြန်းထားပြီး ပြန်လည်ဖြေကြားခြင်း မရှိသေးပေ။ ထိခိုက်သေဆုံးမှုအခြေအနေနှင့် ပတ်သက်၍ People’s Springက သီးခြားအတည်ပြုနိုင်ခြင်းမရှိသေးပေ။
အကြမ်းဖက်စစ်ကောင်စီတပ်သည် ဇူလိုင် ၂၅ရက်မှစတင်ကာ မြိုင်နယ် အရှေ့ပိုင်းကို စစ်ကြောင်း ထိုးလာခဲ့ပြီး ဒေသတွင်းပြည်သူ့ကာကွယ်ရေး တပ်ဖွဲ့များနှင့် တိုက်ပွဲများဖြစ်ပွားခဲ့သည်။
အကြမ်းဖက်စစ်ကောင်စီတပ်က လေးရက်အတွင်း ပြည်သူ့ကာကွယ်ရေး ရဲဘော်ညီအစ်ကို နှစ်ဦးအပါအဝင် လေးဦးကို ဖမ်းဆီးသတ်ဖြတ်ထားသည်။