ဗိုလ်တထောင်မြို့နယ် ၄၅ လမ်းမှာ ပြီးခဲ့တဲ့ မတ်လအတွင်း ဖမ်းဆီးခံရတဲ့ တက္ကသိုလ်ကျောင်းသား ၄ဦးကို အင်းစိန်ထောင်တွင်းတရားရုံးက ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅ (က) နဲ့ ဒီနေ့မှာ ထောင်ဒဏ် ၃ နှစ်စီချလိုက်ပါတယ်။
တက္ကသိုလ်ကျောင်းသားတွေဖြစ်တဲ့ ကိုကျော်ထက်အောင် ၊ကိုသက်အောင်မိုး၊ မုံရွာစီးပွားရေး တက္ကသိုလ် ကျောင်းသူဟောင်း မမိုးမဉ္စူ(ခ)ရှလောင်ဝ်နဲ့ ရန်ကုန် အနောက်ပိုင်းတက္ကသိုလ်မှ ကိုစိုင်းမင်းခန့်ကျော် တို့ကို စစ်ကောင်စီကထောင်ချလိုက်တာပါ။
ပုဒ်မ ၅၀၅(က)နဲ့ ထောင်ချလိုက်တဲ့အပြင် အကြမ်းဖက်ပုဒ်မတွေနဲ့ပါ ထပ်မံအမှုဆင်ဖို့ စစ်ကောင်စီရဲ့ရန်ကုန်တိုင်းနယ်လုံဝန်ကြီးက အမိန့်ထားတာကို ရဲသတင်းရင်းမြစ်တွေဆီက သိရကြောင်း ရန်ကုန်စီးပွားရေးတက္ကသိုလ်ကျောင်းသားများသမဂ္ဂ(ရွာသာကြီးနယ်မြေ)က သတင်းထုတ်ပြန်ထားပါတယ်။
ဒီလ သြဂုတ်လ ၈ ရက်နေ့မှာ အရှေ့ပိုင်းခရိုင် တရားရုံးမှာ အကြမ်းဖက်ပုဒ်မတွေနဲ့ အမှု ကို ထပ်မံ ရင်ဆိုင်ရမှာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။
Public Service Announcement
