မန္တလေးတိုင်း နွားထိုးကြီးမြို့နယ်ထဲမှာ ရွာသားတစ်ဦးကို စစ်အုပ်စုကအကြောင်းမဲ့ ဖမ်းဆီးသတ်ဖြတ်ခဲ့တယ်လို့ မြင်းခြံလူထုလှုပ်ရှားမှုကော်မတီက ဒီနေ့မှာသတင်းထုတ်ပြန်ပါတယ်။
မနေ့က မနက်ပိုင်းက နွားထိုးကြီးမြို့ပေါ်ကို ဈေးဝယ်သွားတဲ့ရွာသားတစ်ဦးကို ကန်နီဘုန်းကြီးကျောင်းဝင်းအတွင်း တပ်စွဲထားတဲ့ စစ်အုပ်စုက အကြောင်းမဲ့ ရိုက်နှက်ဖမ်းဆီးခဲ့တာလို့သိရပါတယ်။
ရိုက်နှက်ဖမ်းဆီးခံရသူ ရွာသားဟာ ဖမ်းခံရတဲ့ညနေပိုင်းမှာတင် သေဆုံးသွားတယ်ဆိုတာကို ကြားသိရတယ်လို့ မြင်းခြံလူထုလှုပ်ရှားမှုကော်မတီက အသိပေးထုတ်ပြန်ထားပါတယ်။
သေဆုံးသူဟာ ထွန်စက်မောင်းသူတစ်ဦးလည်းဖြစ်ပါတယ်။ သူရဲ့ ဖုန်းထဲမှာ မြေဧကစကေးတိုင်းတဲ့ Mapsဆော့လ်ဝဲတွေ့ရတယ်ဆိုကာ စစ်အုပ်စုက ဖမ်းဆီးသွားတာပါ။
Public Service Announcement
