Connect with us

Hi, what are you looking for?

LuduNwayOo

သတင်း

NUG၊ NUCCတို့နှင့် တိုက်ရိုက်ထိတွေ့ဆက်ဆံရန် အာဆီယံကို မလေးရှားနိုင်ငံခြားရေးဝန်ကြီး တိုက်တွန်း

တချိန်တည်းတွင် မလေးရှားနိုင်ငံခြားရေးဝန်ကြီးက အာဆီယံအထူးကိုယ်စားလှယ်၏ သက်တမ်းကို တစ်နှစ်ထက်ပိုမို သက်မှတ်သင့်ကြောင်းနှင့် အာဆီယံအထူးကိုယ်စားလှယ်မှာ နိုင်ငံခြား ရေးဝန်ကြီးဖြစ်ရန်လည်း မလိုအပ်ကြောင်း ယမန်နေ့သတင်းစာရှင်းလင်းပွဲ၌ ပြောသည်။

အာဆီယံနိုင်ငံခြားရေးဝန်ကြီးများအား တွေ့ရစဉ်၊ ဓာတ်ပုံ . Saifuddin Abdullah/FB
အာဆီယံနိုင်ငံခြားရေးဝန်ကြီးများအား တွေ့ရစဉ်၊ ဓာတ်ပုံ . Saifuddin Abdullah/FB

အာဆီယံအနေဖြင့် စစ်ကောင်စီ၏ ပြိုင်ဘက်များဖြစ်သည့် NUG၊ NUCC တို့နှင့် တိုက်ရိုက်ထိတွေ့ဆက်ဆံရန်လိုအပ်ကြောင်း မလေးရှားနိုင်ငံခြားရေးဝန်ကြီးက ယမန်နေ့တွင် ပြောသည်။

မလေးရှားသည် တုန့်နှေးနေသည့်မြန်မာ့ငြိမ်းချမ်းရေးဖြစ်စဉ်တွင် ရှင်းလင်းပြတ်သားသည့်အဆုံးသတ်အဖြေကို လိုလားနေပြီး အခြားသောအာဆီယံအဖွဲ့ဝင်နိုင်ငံများသည် ပြည်သူလူထုထောက်ခံမှုရရှိထားသည့် အမျိုးသားညီညွတ်ရေးအစိုးရ၊ အမျိုးသားညီညွတ်ရေးအတိုင်ပင်ခံကောင်စီတို့နှင့် တိုက်ရိုက်ဆွေးနွေးမှုများလုပ်ဆောင်ရန် နိုင်ငံခြားရေးဝန်ကြီး Saifuddin Abdullah က တိုက်တွန်းခြင်းဖြစ်သည်။

“အခုဟာက တဖက်သတ်ပဲ။ ကျွန်တော်တို့ဟာ စစ်ကောင်စီနဲ့ပဲဆွေးနွေးညှိနှိုင်းနေတယ်။ ဒါကြောင့် အာဆီယံအထူးကိုယ်စားလှယ်အနေနဲ့ NUG ၊ NUCC တို့နဲ့ဆွေးနွေးထိတွေ့ဖို့ မလေးရှားက ကြိမ်ဖန်များစွာအဆိုပြုနေတာဖြစ်ပါတယ်။ အဲဒါမှ မြန်မာပြည်သူတွေအတွက် တိုးတက် မှုတွေကို လူသိရှင်ကြားလုပ်ဆောင်နိုင်မှာပါ” ဟု မလေးရှားနိုင်ငံခြားရေးဝန်ကြီးက သတင်းထောက်များကို ပြောသည်။

အာဆီယံနိုင်ငံများအနက် မလေးရှားတစ်နိုင်ငံသာ NUG နှင့် လူသိရှင်ကြားထိတွေ့ဆက်ဆံပြီး စစ်တပ်၏ အကြမ်းဖက်မှုများ၊ ကတိမတည်မှုများကို တက်ကြွစွာပြောဆိုနေသည်။ NUG ကမူ တရားဝင်ထုတ်ဖော်ကြေညာခြင်းမရှိသည့်တိုင် မလေးရှားသာမက အခြားအာဆီယံအဖွဲ့ဝင်နိုင်ငံအချို့နှင့်လည်း ထိတွေ့ဆက်ဆံမှုရှိသည်ဟု ပြောကြားထားသည်။

Public Service Announcement

Public Service Announcement

တချိန်တည်းတွင် မလေးရှားနိုင်ငံခြားရေးဝန်ကြီးက အာဆီယံအထူးကိုယ်စားလှယ်၏ သက်တမ်းကို တစ်နှစ်ထက်ပိုမို သက်မှတ်သင့်ကြောင်းနှင့် အာဆီယံအထူးကိုယ်စားလှယ်မှာ နိုင်ငံခြား ရေးဝန်ကြီးဖြစ်ရန်လည်း မလိုအပ်ကြောင်း ယမန်နေ့သတင်းစာရှင်းလင်းပွဲ၌ ပြောသည်။

ကိုးကား – channelnewsasia ၊ Bernama

ဆက်စပ်သတင်းများ

သတင်း

မြန်မာနိုင်ငံမှာ ဓာတုလက်နက် သုံးစွဲမှုဆိုင်ရာ စွပ်စွဲချက်တွေက ၂၀၀၅ နဲ့ ၂၀၁၄ ခုနှစ်တွေမှာလည်း ပေါ်ပေါက်ခဲ့ဖူးပေမယ့် တိကျတဲ့ လက်ဆုပ်လက်ကိုင် သက်သေ မရှိခဲ့ပါဘူး။

သတင်း

NUCCက အသိအမှတ်ပြု စုဖွဲ့ထားသည့် ကြားကာလ ချင်းအမျိုးသားအတိုင်ပင်ခံကောင်စီ(ICNCC) လည်းရှိနေသေးကြောင်းချင်းညီနောင်က ပြောသည်။

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။