Connect with us

Hi, what are you looking for?

LuduNwayOo

သတင်း

စမ်းချောင်းမြို့နယ် ကျွန်းလယ်အုပ်ချုပ်ရေးမှူးရုံးကို ဖောက်ခွဲတိုက်ခိုက်

မဟာမိတ်အဖွဲ့သားများ ပစ်မှတ်မြို့နယ်မှ အန္တရာယ်ကင်းစွာဆုတ်ခွာနိုင် ခဲ့ကြောင်းလည်း အသိပေးထားသည်။

(စစ်ကောင်စီတပ်သားအချို့ စမ်းချောင်းမြို့နယ်အတွင်း လက်နက်ပြ ခြိမ်းခြောက်ဆဲဆိုနေစဥ် ၊ ဓာတ်ပုံ - CJ။ ပုံအဟောင်းကို အသုံးပြုထားပါသည်)
(စစ်ကောင်စီတပ်သားအချို့ စမ်းချောင်းမြို့နယ်အတွင်း လက်နက်ပြ ခြိမ်းခြောက်ဆဲဆိုနေစဥ် ၊ ဓာတ်ပုံ - CJ။ ပုံအဟောင်းကို အသုံးပြုထားပါသည်)

ရန်ကုန်မြို့ စမ်းချောင်းမြို့နယ်ရှိ စစ်ကောင်စီလက်အောက်ခံ ကျွန်းလယ် အုပ်ချုပ်ရေးမှူးရုံးကို အဝေးထိန်းမိုင်းဖြင့် ဖောက်ခွဲတိုက်ခိုက်ခဲ့ကြောင်း Emerald Girls Army (EGA)က ယနေ့(သြဂုတ် ၁၃)ထုတ်ပြန်သည်။

ယနေ့နံနက် ၄နာရီ ၅၁မိနစ်ခန့်က စမ်းချောင်း ဖျာပုံလမ်း၊ ကျွန်းလယ် အုပ်ချုပ်ရေးမှူးရုံးကို နိုင်ငံရေးအကျဉ်းသားများ ကိုယ်စားပြုတိုက်ခိုက်ရေးအဖွဲ့ Freeland Attack Force (FLA)နှင့် Emerald Girls Army (EGA) မဟာမိတ်အဖွဲ့မှ အဝေးထိန်းမိုင်းဖြင့် သွားရောက်ဖောက်ခွဲ ဖျတ်ဆီးခဲ့ပြီး ထိခိုက်ပျက်စီးမှု အခြေအနေအား စုံစမ်းဆဲဖြစ်ကြောင်း ဖော်ပြသည်။

မဟာမိတ်အဖွဲ့သားများ ပစ်မှတ်မြို့နယ်မှ အန္တရာယ်ကင်းစွာဆုတ်ခွာနိုင် ခဲ့ကြောင်းလည်း အသိပေးထားသည်။

“ရုံးရှေ့ပဲမှာပဲ အလူမီနီယံမှန်တံခါးမှာကိုချိတ်ပြီး ခွဲခဲ့တာပါ။ မိုးအရမ်းသည်း နေတော့ (ရုံးနား) ကပ်နိုင်ခဲ့တယ် ခြေလုံလုံနဲ့ပေါ့။ ပေါက်ကွဲသံကတော့ အတော်ကျယ်ပေမဲ့ ကြက်တွန်ပီးရုံ အချိန် မိုးကလည်း အရမ်းသည်းနေတာကိုး။ သိလိုက်သူနည်းမယ်ထင်တယ်”ဟု Emerald Girls Army(EGA)မှ ရဲဘော်တစ်ဦးက ပြောသည်။

အကြမ်းဖက်လက်အောက်ခံမှန်သမျှ စစ်ရေးပစ်မှတ်ဟုမှတ်ယူသည့်အပြင် စမ်းချောင်းမြို့နယ်သည် စစ်ကောင်စီ၏ ဖိနှိပ်မှုအခံရဆုံးမြို့နယ်များထဲမှ တစ်ခုဖြစ်သောကြောင့် ယခုကဲ့သို့ တိုက်ခိုက်ရန် ရွေးချယ်ခဲ့ခြင်းဖြစ်ကြောင်း ၎င်းရဲဘော်က အသိပေးသည်။

ပြည်သူများအနေဖြင့်လည်း အကြမ်းဖက်စစ်ကောင်စီလက်အောက်ခံအဖွဲ့များ နှင့် ၎င်းတို့တပ်စွဲ အခြေချထားသည့်နေရာများကို အတက်နိုင်ဆုံး ရှောင်ရှားသွားလာကြခြင်းဖြင့် တော်လှန်ရေးတွင် ပူးပေါင်းပါ၀င်ပေးကြရန် မေတ္တာရပ်ခံထားသည်။

You May Also Like

သတင်း

ယမန်နေ့(ဖေဖော်ဝါရီ ၂)ည ၇ နာရီ ၅၀မိနစ်ခန့်က ဝေါမြို့နယ် မြစ်ကျိုးကျေးရွာရှိ စစ်ကောင်စီလက်အောက်ခံ နယ်မြေရဲစခန်းအား KNLA၊ PDF ပူးပေါင်းတပ်များက ဒရုန်းဖြင့် ဗုံးသီးတစ်လုံးပစ်ချကာ ဖောက်ခွဲတိုက်ခိုက်ခဲ့ခြင်းဖြစ်သည်ဟု ဆိုသည်။

သတင်း

ဇန်နဝါရီ ၁၃ရက် ညပိုင်းက ဆိပ်ဖြူနှင့် ပွင့်ဖြူလမ်းမပေါ်၊ အောက်ဆိပ်ကျေးရွာ၌ ဖွင့်လှစ်ထားသော ဆုံဆည်းရာ KTVဆိုင်အား မိုင်းခွဲတိုက်ခိုက်ခဲ့ခြင်းဖြစ်သည်။

သတင်း

အခင်းဖြစ်ပွားပြီးနောက် စစ်ကောင်စီဝင်အများအပြား ရောက်ရှိလာပြီး စမ်းချောင်းရှိ သဇင်လမ်းအား ပိတ်ဆို့၍ စစ်ဆေးမှုများ ပြုလုပ်ခဲ့ကြောင်း ရပ်ကွက်နေပြည်သူများက ပြောသည်။

သတင်း

ယမန်နေ့ (ဒီဇင်ဘာ ၁၈) ညနေပိုင်းကလည်း ရန်ကုန်မြို့ရှိ ပန်းဆိုးတန်းမှ ဒလမြို့သို့ ကူးသန်းပြေးဆွဲသည့် ချယ်ရီကူးတို့ သင်္ဘောပေါ်တွင် ဗုံးပေါက်ကွဲမှုဖြစ်ပွားခဲ့ပြီး ပြည်သူ ၁၇ဦးထိခိုက်ဒဏ်ရာရရှိခဲ့သည်။