တန့်ဆည်နယ်ပျူစောထီးခေါင်းဆောင်တစ်ဦး၏နေအိမ်တွင် တပ်စွဲထားသော စစ်ကောင်စီတပ်ကို ဒရုန်းဖြင့် ဗုံးကြဲတိုက်ခိုက်ပြီး နေအိမ်အပြင်ဘက်ထွက်လာသူများကို ထပ်မံပစ်ခတ်တိုက်ခိုက်ခဲ့ရာ စစ်ကောင်စီတပ်မှ ခုနစ်ဦးသေဆုံးသွားကြောင်း တန့်ဆည်(ပကဖ)ကယနေ့(သြဂုတ် ၁၄)ထုတ်ပြန်သည်။
အင်္ကုက္ကားရွာ အရှေ့မြောက်ဖက် ပျူခေါင်းဆောင်နေအိမ်တွင်တပ်စွဲထားသော စစ်ကောင်စီတပ်နှင့် ပျူစောထီးများကို ယနေ့နံနက် ၈ နာရီ ၄၅ မိနစ်ခန့်တွင် ဒရုန်းဖြင့်ဗုံးကြဲတိုက်ခိုက်ခဲ့ကြောင်း ဖော်ပြသည်။
အဆိုပါ ဗုံးသီးကြဲချတိုက်ခိုက်ခံရခြင်းကြောင့်အပြင်သို့ပြေးထွက်လာသော စစ်ကောင်စီတပ်နှင့် ပျူများကို တန့်ဆည်(ပကဖ)နှင့် ရွှေဘိုခရိုင် တပ်ရင်း (၆)၊ PKP တပ် ဖွဲ့စသည့် တော်လှန်ရေးပူးပေါင်းအဖွဲ့မှ ပစ်ခတ်တိုက်ခိုက်ခဲ့ရာ စစ်သားနှင့်ပျူ ခုနစ်ဦးထက်မနည်းသေဆုံးပြီး အများအပြားဒဏ်ရာရသွားကြောင်း ထုတ်ပြန်သည်။
အထက်ပါတိုက်ခိုက်မှုအတွင်းအကြမ်းဖက်စစ်ကောင်စီတပ်မှပစ်ခတ်သော လက်နက်ကြီးထိ၍ ရွှေဘိုခရိုင် တပ်ရင်း (၆)မှ ရဲဘော်သုံးဦး မစိုးရိမ်ရဒဏ်ရာရရှိခဲ့ကြောင်းလည်းအသိပေးထားသည်။
Public Service Announcement
တန့်ဆည်နယ်အတွင်း စစ်ကောင်စီတပ်နှင့် ပျူစောထီးများအား တိုက်ခိုက်လျှက်ရှိရာ သြဂုတ် ၃ ရက်နှင့် ၈ ရက်နေ့များ၌ ဗျက်ကြီးရွာအနီးနှင့် ချောင်းဆုံရွာများတွင် တိုက်ခိုက်မှုများလုပ်ဆောင်ခဲ့ရာ စစ်သားနှင့်ပျူ ၁၈ ဦးထက်မနည်းသေဆုံးပြီး လက်နက်ခဲယမ်းအချို့ပါ သိမ်း ဆည်းရရှိခဲ့သည်။
