ကရင်နီ(ကယား)ပြည်နယ်၊ ဒီးမော့ဆိုမြို့နယ် အိုးခူးရီနှင့် သေးဆူလဲကျေးရွာရှိ အကြမ်းဖက် စစ်ကောင်စီတပ်ကို တိုက်ခိုက်ရာ စစ်ကောင်စီတပ်သားများ ထိခိုက်သေဆုံးမှုရှိကြောင်း ကရင်နီအမျိုးသားများကာကွယ်ရေးတပ်( KNDF) တပ်ရင်း -၅က ယနေ့(သြဂုတ်၁၆) ထုတ်ပြန်သည်။
တိုက်ပွဲ ဖြစ်စဥ်များအရ ယမန်နေ့(သြဂုတ် ၁၅ ရက်) နေ့လည် ၂ နာရီခွဲခန့်တွင် ဒီးမော့ဆိုမြို့ နယ်အနောက်ခြမ်း အိုးခူးရီ(ခ) ခေါက်ပလော့ရှိ စစ်ကောင်စီတပ်ကို စနိုက်ပါဖြင့်သွားရောက် ပစ်ခတ်တိုက်ခိုက်ခဲ့သည်ဟု ဆိုသည်။
အဆိုပါ ပစ်ခတ်မှုကြောင့် စစ်ကောင်စီတပ်သားတစ်ဦးသေဆုံးသည်ဟု အတည်ပြုနိုင်ခဲ့ပြီး အောင်မြင်စွာပြန်လည်ဆုတ်ခွာနိုင်ခဲ့ကြောင်း အသိပေးသည်။
ထို့အပြင် ယမန်နေ့ ညနေ ၄ နာရီ ၃၅ မိနစ်ခန့်တွင် သေးဆူလဲရွာရှိ စစ်ကောင်စီတပ်ကို လက် နက်ကြီး (၅၀) မမဖြင့် သုံးကြိမ် သွားရောက်ပစ်ခတ်တိုက်ခိုက်ခဲ့ကြောင်း ဖော်ပြသည်။
Public Service Announcement
ထိုပစ်ခတ်မှုကြောင့် စစ်ကောင်စီတပ်ဘက်မှ ထိခိုက်သေဆုံးနိုင်သော်လည်း သီးခြားအတည် ပြုနိုင်ခြင်းမရှိသေးပေ။
အကြမ်းဖက်စစ်တပ်မှ လက်နက်ကြီးများဖြင့် ပြန်လည်ပစ်ခတ်တိုက်ခိုက်ခဲ့သော်လည်း ထိခိုက်မှုမရှိခဲ့ကြောင်း KNDF တပ်ရင်း – ၅က ဆိုသည်။
လက်ရှိ ဒီးမော့ဆိုမြို့နယ်၌ စစ်ကောင်စီတပ်က အင်အားဖြည့်တင်းနေပြီး ၎င်းတို့ ခြေကုပ်ယူ ထားသော ဒေါငံခါးရပ်ကွက်၊ကုန်းသာနှင့် သေး ဆူလဲကျေးရွာ တို့အပြင် စံပြ (၆)မိုင် အနီးတစ် ဝိုက်တွင်ထိတွေ့မှုများ မကြာခဏ ဖြစ်ပွားနေသည်။
