ကန့်ဘလူနယ် အင်ငုတ္တို နှင့် ပင့်သာရွာကို စစ်ကောင် စီ နှစ်ရက်ဆက် မီးရှို့နေ

ကိုးတောင်ဘို့ရွာတွင် တိုက်ပွဲဖြစ်

စစ်ကိုင်းတိုင်း ကန့်ဘလူမြို့နယ်​ရှိ အင်ငုတ္တိုရွာနှင့် ပင့်သာကျေးရွာကို စစ်ကောင်စီက နှစ်ရက်ဆကမီးရှို့နေပြီး ဒေသတွင်း၌ စစ်ဘေးသင့်ပြည်သူတစ်သောင်းကျော်အထိ ရှိနေပြီဟု တော်လှန်ရေးအင်အားစုများက သတင်းထုတ်ပြန်သည်။

ကန့်ဘလူမြို့နယ်​ မြောက်ပိုင်းမှ အင်ငုတ္တိုရွာနှင့် ပင့်သာရွာကို ယမန်နေ့ နှင့် ယ​နေ့ (ဩဂုတ် ၁၇ ရက်​) နှစ်ရက်ဆက်တိုက် မီးပတ်ရှို့​နေ​ကြောင်း ကန့်ဘလူအခြေစိုက် ပြည်သူ့တော်လှန်ရေးသတင်းများဖော်ပြပေးနေသော Infinity Group က သတင်းထုတ်ပြန်သည်။

အင်ငုတ္တိုရွာနှင့် ပင့်သာရွာ၏အ​ခြေအ​နေအ​သေးစိတ်ကို ယနေ့ညနေအထိ တိတိပပ မသိ​ရ​သေးကြောင်းလည်း ထပ်မံထုတ်ပြန်ထားပြီး “ကန့်ဘလူမြို့နယ်​မြောက်ခြမ်းကို အာရုံစိုက်​ပေးပါ”ဟု တောင်းဆိုထားသည်။

စစ်ကောင်စီတပ်သည် ကန့်ဘလူမြို့နယ်အတွင်း နေ့စဥ် စစ်ကြောင်းထိုးနေ၍ ပြည်သူ့ကာကွယ်ရေးတပ်များက နည်းမျိုးစုံဖြင့် တိုက်ခိုက်နေကြရသည်။

Public Service Announcement

ထို့အပြင် ကန့်ဘလူမြို့နယ် ကိုးတောင်ဘို့ကျေးရွာအတွင်း တပ်စွဲထားသည့် စစ်ကောင်စီတပ်ကို ဒေသခံပြည်သူ့ကာကွယ်ရေးတပ်က ယမန်နေ့တွင် တိုက်ခိုက်ခဲ့ကြသည်။ တိုက်ပွဲသည် ၄နာရီခန့် ကြာခဲ့ပြီး စစ်ကောင်စီဘက်က ထိခိုက်သည့်အရေအတွက်ကို မသိရသေးကြောင်း Kotaungbo People Defend Force က ထုတ်ပြန် ထားသည်။

လတ်တလောတွင် ကန့်ဘလူမြို့နယ် ချပ်ကြီး​ဒေသ နှင့် ပင့်သာ​ဒေသတို့၌ ဒေသခံပြည်သူ​တစ် သောင်း​ကျော် စစ်​ဘေးသင့်​နေသည်။