Connect with us

Hi, what are you looking for?

LuduNwayOo

News

ကန့်ဘလူနယ်​မြောက်ခြမ်းရှိ ​ရွာများအား စစ်အုပ်စု မီးရှို့ဖျက်ဆီး၍ ​နေအိမ် ၃၀​ကျော်ပြာကျ

အကြမ်းဖက်စစ်တပ်နှင့် ပျူစောထီးများသည် ချပ်သင်းရွာအ​ရှေ့ဘက် ဦးကင်းကြည်​ကျေးရွာရှိ နေအိမ် နှစ်လုံးအား မီိးရှို့သွားခဲ့သည်။

(ပြီးခဲ့သည့်လပိုင်းအတွင်းက ကန့်ဘလူမြို့နယ်အတွင်းရှိ ကျေးရွာများအား အကြမ်းဖက်စစ်တပ်က မီးရှို့ဖျက်ဆီးနေ၍ ဒေသခံများထွက်ပြေးတိမ်းရှောင်ခဲ့ကြစဥ်။ ဓာတ်ပုံ - CJ)

စစ်ကိုင်းတိုင်း၊ ကန့်ဘလူမြို့နယ်​မြောက်ခြမ်းရှိ ​ကျေးရွာများအား စစ်​ကောင်စီတပ်နှင့်ပျူစောထီးများက ဝင်​ရောက်မီးရှို့ဖျက်ဆီးခဲ့၍ ​နေအိမ် ၃၀​ကျော် ပြာကျခဲ့ကြောင်း ဒေသခံများက ပြောသည်။

ကန့်ဘလူမြို့နယ်​မြောက်ခြမ်း ချပ်သင်း​ဒေသနှင့် ချပ်ကြီး​ဒေသရှိ ​ကျေးရွာများအား အကြမ်းဖက်စစ်​ကောင်စီတပ်နှင့် ပျူစောထီးများက ယ​မန်နေ့(မေလ ၁၇ရက်) နံနက်ပိုင်းက ဝင်​ရောက်မီးရှို့ခဲ့​ခြင်းဖြစ်ကြောင်း ဒေသခံများက ပြောသည်။

အကြမ်းဖက်စစ်တပ်နှင့် ပျူစောထီးများသည် ချပ်သင်းရွာအ​ရှေ့ဘက် ဦးကင်းကြည်​ကျေးရွာရှိ နေအိမ် နှစ်လုံးအား မီိးရှို့သွားခဲ့သည်။

ထို့​နောက် ဦးကင်းကြည်ရွာအ​ရှေ့ဘက်ရှိ တင်​မော်​​ကျေးရွာသို့ ဝင်​ရောက်စဥ် ဒေသခံကာကွယ်​ရေးတပ်ဖွဲ့ (ပ.က.ဖ)အဖွဲ့နှင့် ပစ်ခတ်မှုဖြစ်ပွားရာ (ပ.က.ဖ)ဘက်မှ ရဲ​ဘော် သုံးဦးဒဏ်ရာ(အသက်အန္တရာယ် မစိုးရိမ်ရ)ရရှိသွားကြောင်း ဒေသခံများက ပြောသည်။

Public Service Announcement

(ပ.က.ဖ)အဖွဲ့များဆုတ်ခွာသွားစဥ် စစ်အုပ်စုက တင်​မော်ရွာကို မီးတင်ရှို့ရာ ​နေအိမ် ၂၅လုံးခန့်ပြာကျသွား​ကြောင်း ဒေသခံတို့က ပြောသည်။ အကြမ်းဖက်အုပ်စုသည် ပုဏ္ဏားကြီး​ကျေးရွာရှိ နေအိမ် တစ်လုံး၊ ချပ်ကြီးဒေသ၊ ပိ​တောက်ပင်ရွာရှိ နေအိမ် ရှစ်လုံးတို့ကို ထပ်မံမီးရှို့သွားခဲ့သည်။

မေလ ၁၄ ရက်​ကလည်း ချပ်သင်းရွာမှ အကြမ်းဖက်စစ်​အုပ်စုသည် ဆားကျင်း​ကျေးရွာရှိ နေအိမ် ​လေးလုံးကို မီးရှို့ဖျက်ဆီးခဲ့သေးသည်။

အကြမ်းဖက်စစ်တပ်နှင့် ပျူစောထီးများဝင်ရောက်ဖျက်ဆီးမီးရှို့နေမှုကြောင့် ချပ်သင်းနှင့် ချပ်ကြီးဒေသရှိ ကျေးရွာများမှ ပြည်သူထောင်ချီ ထွက်ပြေးတိမ်းရှောင်နေရကြောင်း ဒေသခံများက ပြောသည်။

You May Also Like

သတင်း

ကျောက်လုံးကြီးKLG တပ်မဟာသည် အမျိုးသားညီညွတ်ရေးအစိုးရ၊ကာကွယ်ရေးဝန်ကြီးဌာန၏ အောက်တွင် ယင်းမာပင်ခရိုင်၊ အမှတ် ၂၁၊၂၂၊ ၂၃ တပ်ရင်းများအဖြစ် ဖွဲ့စည်းထားပြီးဖြစ်သည်။

သတင်း

စစ်ကောင်စီတပ်သည် သရက်ပင်ဝန်းကျေးရွာအား မီးမရှို့မီ ရွှေဘိုမြို့နယ်အတွင်းရှိ အင်ကြင်းပင်နှင့် စိုင်တိုးကျေးရွာများကိုလည်း မီးရှို့ဖျက်ဆီးခဲ့သေးသည်။

သတင်း

ဝက်လက်မြို့နယ်တွင် ဇန်နဝါရီလတစ်လအတွင်း အိမ်ခြေ ၂၀၀၀နီးပါး မီးရှို့ ဖျက်ဆီးခံခဲ့ရပြီးကလေး ၁ဦးအပါအဝင် ပြည်သူ ၅ ဦး သတ်ဖြတ်ခံခဲ့ရကြောင်း ဒေသတွင်းသတင်းရင်းမြစ်များက ပြောသည်။

သတင်း

စစ်ကောင်စီတပ်၏ မီးရှို့ဖျက်ဆီးမှုကြောင့် သံတောင်(၁၃)မိုင်မြို့ပေါ်ရှိ ဒေသခံများ၏ နေအိမ်အနည်းဆုံး(၃)လုံး မီးလောင်ပျက်စီးခဲ့ကြောင်း သံတောင်ဒေသခံများက ဆိုသည်။