မန္တလေးမြို့ ချမ်းမြသာစည်မြို့နယ်ရှိ စစ်ကောင်စီခန့်အုပ် ချုပ်ရေးမှူးတစ်ဦးအိမ်ကို လက်ပစ်ဗုံးဖြင့် ပစ်ခတ်တိုက် ခိုက်ခဲ့ရာ အုပ်ချုပ်ရေးမှူးဖြစ်သူ ဗုံးထိမှန်ဒဏ်ရာရသွားကြောင်း MDY-PDF က ယနေ့(သြဂုတ် ၁၈) ထုတ်ပြန်သည်။
ချမ်းမြသာစည်မြို့နယ် ကျွန်းလုံးဥသျှောင် အကွက် (၅၀၄)၊ သားတော်ရဘုရားရပ်ကွက် အုပ်ချုပ်ရေးမှူး ဦးသန်းညွန့်နေအိမ်အား သြဂုတ် ၁၄ ရက် ညနေ ၆ နာရီခွဲခန့်က ဗုံးပစ်တိုက်ခိုက်ခဲ့ခြင်းဖြစ်ကြောင်း ဖော်ပြသည်။
“အသီး ပစ်သွင်းပေးခဲ့တာပါ။ ဒဏ်ရာအနည်းငယ်ဘဲ ရသွားတာပါခင်ဗျာ။ ပေါင်မှာလို့ သိရပါတယ်”ဟု MDY-PDF မှ တော်လှန်ရေးရဲဘော်တစ်ဦးက ပြောသည်။
ရဲဘော်များ၏လုံခြုံရေးအရ သတင်းထုတ်ပြန်ချက် များ နောက်ကျမှုနောက်ကျရခြင်းအပေါ် ပြည်သူများနား လည်ပေးစေလိုကြောင်းလည်း ဖော်ပြထားသည်။
Public Service Announcement
MDY-PDF ပြောက်ကျားတပ်ဖွဲ့သည် မြို့ပေါ်မြေ အောက် စစ်ရေးလှုပ်ရှားမှုများလုပ်ဆောင်သကဲ့သို့ မကွေးတိုင်း ရေစကြိုမြို့နယ်တွင်လည်း ဒေသကာကွယ် ရေးတပ်ဖွဲ့များနှင့်ပူးပေါင်းကာ တောကျီးကန်းစစ်ဆင်ရေးများတွင် ပူးပေါင်းတိုက်ပွဲဝင်လျှက်ရှိသည်။
