Connect with us

Hi, what are you looking for?

LuduNwayOo

သတင်း

စစ်ကောင်စီတပ်က ပုလဲမြို့နယ် ကျေးရွာသုံးရွာသို့ စစ်ကြောင်းထိုးပြီး ဒေသခံများအား ရိုက်နှက်စစ်ဆေးနေ

ဒေသခံများ ဘေးလွတ်ရာထွက်ပြေးနေရပြီး ပြည်သူအချို့ ဖမ်းဆီးခံထားရကြောင်း သတင်းရရှိသည်။

(ရန်ကုန်မြို့တွင် တွေ့ရသော စစ်ကောင်စီတပ် အရာရှိတစ်ဦး၊ဓာတ်ပုံ - အီးပီအေ)
(ရန်ကုန်မြို့တွင် တွေ့ရသော စစ်ကောင်စီတပ် အရာရှိတစ်ဦး၊ဓာတ်ပုံ - အီးပီအေ)

စစ်ကိုင်းတိုင်း ပုလဲမြို့နယ်အတွင်း လယ်ဓမ္မအပါအဝင် ကျေးရွာသုံးရွာသို့ စစ်ကောင်စီက လေကြောင်းမှ အင်အားအမြောက်အများချသွားပြီး ဒေသခံများအား ရိုက်နှက်စစ်ဆေးနေသည်ဟု သတင်းရရှိသည်။

ပုံတောင်အနီးတွင် တည်ရှိပြီး ပုလဲ-ဂန့်ဂေါလမ်းဘေးရှိ လယ်ဓမ္မရွာ၊ပေပင်ရွာ ၊ထန်းကင်းကြီးကျေးရွာသို့ စစ်ကောင်စီတပ်ဖွဲ့ဝင်များ ယနေ့(သြဂုတ်လ ၂၁ရက်)ရောက်ရှိလာကာ ဒေသခံများအား ရိုက်နှက်စစ်ဆေးနေကြောင်း ပုလဲမြို့နယ်ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

Public Service Announcement

Public Service Announcement

Public Service Announcement
Public Service Announcement

” မနေ့က Mi 17 သုံးစီးနဲ့ လူလာချသွားတယ်။ အင်အားတော်တော်များတယ်။ ဒီနေ့တော့ ရွာသားအချို့ကို ရိုက်နှက် နှိပ်စက်ပြီး စစ်နေတယ်။ ဒေသခံတွေ တိမ်းရှောင်ဖို့ လိုနေတယ်”ဟု ပုလဲမြို့နယ်ပြည်သူ့ကာကွယ်ရေးတပ်ဖွဲ့၊ တပ်ရင်း(၆) အရာရှိ ကိုမောင်က ပြောသည်။

အထက်ပါ ကျေးရွာသုံးရွာကို စစ်​ကောင်စီက စစ်​ကြောင်းသုံးကြောင်းခွဲ၍ ဝင်ရောက်နေသည်ဟု ကိုမောင်က ပြောသည်။ ဒေသခံများ ဘေးလွတ်ရာထွက်ပြေးနေရပြီး ပြည်သူအချို့ ဖမ်းဆီးခံထားရကြောင်း သတင်းရရှိသည်။