တောင်ကိုရီးယားရောက်မြန်မာများက ယခုလအတွက် အမျိုးသားညီညွတ်ရေးအစိုးရ NUG ထံ အမေရိကန်ဒေါ်လာ တစ်သိန်းနှင့် ပြည်သူ့ကာကွယ်ရေးတပ်ဖွဲ့ (၁၈)ဖွဲ့ထံ ကျပ်သိန်း ၂၀ စီထောက် ပံ့လှူဒါန်းခဲ့ကြောင်း စစ်အာဏာသိမ်းမှုဆန့်ကျင်ရေးကော်မတီ (ကိုရီးယား)က သတင်းထုတ်ပြန်သည်။
တောင်ကိုရီးယားရောက်မြန်မာများစုပေါင်းထည့်ဝင်ငွေဖြင့် NUG ကို လစဉ် ဒေါ်လာတစ်သိန်း ထောက်ပံ့လှူဒါန်းခဲ့ရာ ယခုလသည် ဒဿမအကြိမ်မြောက်ဖြစ်ပြီး အညာဒေသရှိ ပြည်သူ့ကာ ကွယ်ရေးတပ်ဖွဲ့များအပါအဝင် PDF (၁၈)ဖွဲ့ကိုလည်း ထောက်ပံ့ပေးပို့ခဲ့ခြင်းဖြစ်သည်။
စစ်အာဏာသိမ်းမှုဆန့်ကျင်ရေး ကော်မတီ (ကိုရီးယား)၏ ဘဏ်အကောင့်သို့ ထည့်ဝင်လှူဒါန်းကြသော အလှူရှင်များနှင့် One Day Challenge မန်ဘာဝင်များက အမိမြန်မာနိုင်ငံအတွင်း စစ်အာဏာရှင်စနစ် အမြန်ဆုံး ချုပ်ငြိမ်းပပျောက်နိုင်စေရေးအတွက် စေတနာ ထက်သန်စွာဖြင့် လစဉ်လှူဒါန်းပေးပို့နေကြခြင်းဖြစ်သည်။
ယခုလ အတွင်း ပြည်သူ့ကာကွယ်ရေးတပ်ဖွဲ့ (တလုပ်)၊ ပုလောဒေသကာကွယ်ရေးတပ်ဖွဲ့ ၊ မြင်းခြံခရိုင်တပ်ရင်းအမှတ်-၂၊ ချောင်းဦးမြို့နယ် တော်လှန်ရေးတပ်၊ ကျားသစ်နက်ပျောက်ကျားတပ်ဖွဲ့ တပ်ရင်း(၄) ပုလဲ၊ ကျားဖြူတပ်ခွဲ(၁)၊ BURMESE CUERRILLA FORCE B.C.F(MYINGYAN)၊ စံရှားနှင့်ညီနောင်များသရက်ကန်းအနောက်ရွာ၊ ဒီပဲရင်းမြို့နယ် ပ.က.ဖ၊ အနောက်လွင်ပြင်တပ်ရင်း-၇၀၈ တပ်မဟာ-၇ ၊အနောက်ပိုင်းစစ်ဒေသ မြိုင်မြို့နယ်၊ PHOENIX (အထူးပျောက်ကျားတပ်ဖွဲ့)၊ ရွှေဘိုခရိုင် အမှတ်(၆) တပ်ရင်း၊ ရွှေဘိုခရိုင် အမှတ်(၇) တပ်ရင်း၊ ရွှေဘိုခရိုင် အမှတ်(၈) တပ်ရင်း၊ MATUPI SPECIAL TASK FORCE (MSTF)၊ ရွှေဘိုပြည်သူ့ကာကွယ်ရေးတပ် တပ်ရင်း၂၃၊ MYANMAR NATIONAL ARMED FORCE-MNAF၊ ဆော PDF တပ်ရင်း(၂)(We Are The One)၊ TRIPLE TWO TASK FORCE ၊ ဆားလင်းကြီး စသည့် PDF ၁၈ ဖွဲ့ကို ထောက်ပံ့ ပေးပို့ခဲ့ကြောင်း ထုတ်ပြန်သည်။
Public Service Announcement
စစ်အာဏာသိမ်းမှုဆန့်ကျင်ရေး ကော်မတီ (ကိုရီးယား)သည် စစ်တပ်၏ တရားမဝင်အာဏာသိမ်းမှုအပြီး ရက်ပိုင်းအကြာ ဖေဖော်ဝါရီ ၉ ရက်မှစတင်ကာ ယနေ့အချိန်အထိ စစ်အာဏာရှင် အမြန်ဆုံးအမြစ်ပြတ်ရေးအတွက် တောင်ကိုရီးယားရောက်မြန်မာများ၏ စုပေါင်းထည့်ဝင်ငွေဖြင့် တော်လှန်ရေးတွင် တစ်တပ်တစ်အားပါဝင်နေခြင်းလည်းဖြစ်သည်။
