မုန်းမြို့နယ်ထဲမှ စစ်ရေးဝင်ရောက်လှုပ်ရှားနေပြီး ဒေသခံပြည်သူတွေကို မကြာခဏဖမ်းဆီးသတ်ဖြတ်နေတဲ့ စစ်ကောင်စီတပ်ဟာ ဒေသခံတစ်ဦးကို ထပ်မံဖမ်းဆီးခဲ့တယ်လို့ ကေအဲန်ယူက ဆိုပါတယ်။
ကေအဲန်ယူ-ကရင်အမျိုးသားအစည်းအရုံး မူး(မုန်း)မြို့နယ်ထဲမှာဩဂုတ်လ(၂၉)ရက်က စစ်ကောင်စီရဲ့ ခလရ(၃၉)တပ်က ကေအဲန်ယူ-မူးမြို့နယ် စီမံအုပ်ချုပ်နယ်မြေအတွင်းရှိ ကနစိုးပင်ကျေးရွာသားတစ်ဦးကို ဖမ်းဆီးခဲ့ပြီး ဖမ်းဆီးခံရပြီးနောက်ပိုင်း ဘာသတင်းမှ မသိရှိရတော့ဘူးလို့ ကေအဲန်ယူက ပြောပါတယ်။
စစ်ကောင်စီရဲ့ ခလရ(၃၉)တပ်ဟာ ကျေးရွာတွေထဲမှာ ပြည်သူတွေရဲ့ပစ္စည်းတွေကို ခိုးယူတာတွေအပြင် ပြည်သူတွေရဲ့ အိမ်မွေးတိရိစ္ဆာန်စတာတွေကို ဖမ်းယူစားသောက်တာတွေရှိကြောင်း ကေအဲန်ယူက ဆိုထားပါတယ်။
ကေအဲန်ယူ-ခလယ်လွီထူ(ညောင်လေးပင်)ခရိုင် မူးမြို့နယ်ထဲမှာ စစ်ကောင်စီတပ်က ကျေးရွာတွေအပေါ် လက်နက်ကြီးပစ်ခတ်တာနဲ့ ဒေသခံပြည်သူလူထုတွေကို ဖမ်းဆီးထိုးကြိတ် ရိုက်နှက်တာတွေပြုလုပ်ခဲ့တာကြောင့် ဒေသခံပြည်သူတွေလူထုတွေဟာ ကျေးရွာတွေမှာမနေရဲကြတော့ပဲ နေရပ်ကိုစွန့်ပြီး ဘေးလွတ်ရာကို တိမ်းရှောင်နေကြရတာဖြစ်ပါတယ်။
Public Service Announcement
