မန္တလေးတိုင်း၊ မြင်းခြံမြို့နယ်ရှိ ကုက္ကဲရဲစခန်းကို ဒေသခံပြည်သူ့ကာကွယ်ရေးအဖွဲ့နှစ်ဖွဲ့ ပူးပေါင်းတိုက်ခိုက်ရာရဲအချို့ ထိခိုက်သေဆုံးနိုင်ကြောင်းသိရသည်။
ယမန်နေ့ (စက်တင်ဘာလ ၁၉ ရက်) ညနေ၆နာရီခန့်က မြင်းခြံမြို့နယ်ရှိ ကုက္ကဲရဲစခန်းကို နွားထိုးကြီး PDFနှင့်ရွှေခြံသားပြောက်ကျားတပ်ဖွဲ့-မြင်းခြံတို့ကပူးပေါင်းတိုက်ခိုက်ခဲ့ရာ ရဲ၃ဦးထိခိုက်သေဆုံးနိုင်ပြီး ၁ဦးပြင်းထန်ဒဏ်ရာရရှိသွားကြောင်း ရွှေခြံသားပြောက်ကျားတပ်ဖွဲ့-မြင်းခြံက သတင်းထုတ်ပြန်သည်။
“ရခတွေထွက်မပြေးအောင် အချင်းချင်းစကားများပြီး လက်နက်ကြီးကျည်ထွက်တာလို့ ရခ၊စခအသိုင်းအဝိုင်းကြား သတင်းလွှင့်ထားတယ်လို့ သိရတယ်။”ဟု မြင်းခြံလူထုလှုပ်ရှားမှုကော်မတီကလည်း အသိပေးသည်။
ဖြစ်စဥ်နှင့်ပတ်သက်၍ ရွှေခြံသားပြောက်ကျားတပ်ဖွဲ့-မြင်းခြံ၏ တာဝန်ရှိသူက “ဒရုန်းနှစ်စင်းနဲ့တိုက်ခိုက်ခဲ့တာပါ။ ကုက္ကဲရဲစခန်းထဲကစစ်သားတွေအထိအခိုက်များတယ်ဗျ။သူတို့ခြင်းခတ်နေတဲ့အချိန်ဖြစ်သွားတာပါ။ အခုအဲဒီရဲစခန်းမှာ ဆီမီးခုံက စခ တွေနေရာယူထားတယ်လို့သိရပါတယ်။”ဟု ပြောသည်။
Public Service Announcement
စက်တင်ဘာလ ၁၇ ရက် မွန်းလွဲ ၂ နာရီခန့်ကလည်း နွားထိုးကြီးမြို့နယ်နှင့် မြင်းခြံမြို့နယ်စပ်ရှိ ယုန်တိုးတောင်အနီးတွင် စစ်ကောင်စီတပ်အား ဒေသတွင်းပြည်သူ့ကာကွယ်ရေးအဖွဲ့များက မိုင်းဆွဲတိုက်ခိုက်ခဲ့ရာ ထိခိုက်သေဆုံးမှုများရှိခဲ့သည်။
