ကေအဲန်ယူတပ်မဟာ(၆)နယ်မြေ တောင်နီကျေးရွာအနီးမှာ စစ်ကောင်စီတပ်နဲ့ KNLA ပူးပေါင်းတပ်ဖွဲ့တွေအကြား ဒီကနေ့မှာတိုက်ပွဲဖြစ်ပွားလျက်ရှိရာ စစ်ကောင်စီဘက်က နှစ်ဦး သေဆုံးခဲ့တယ်လို့ ကော်ဘရာစစ်ကြောင်းက သတင်းထုတ်ပြန်ပါတယ်။
တောင်နီကျေးရွာအနီး တောင်ကုန်းတစ်ခုကို ကျူးကျော်အခြေပြုဖို့ကြိုးစားနေတဲ့ စစ်ကောင်စီတပ်မ(၄၄)လက်အောက်ခံ နည်းဗျူဟာ(၃)ကွပ်ကဲမှုရဲ့ ခမရ (၃)၊ ခမရ(၉)၊ ခမရ(၁၀၄) တပ်တွေကို KNLA တပ်ရင်း(၂၇) ကော်ဘရာစစ်ကြောင်းနဲ့ တပ်မဟာစစ်ကြောင်းရဲ့ တပ်ခွဲ (၂) ပူးပေါင်းတပ်ဖွဲ့တွေက ခုခံတိုက်ခိုက်လျက်ရှိတယ်လို့ ထုတ်ပြန်ထားပါတယ်။
အဲ့ဒီတိုက်ပွဲအတွင်း ပူးပေါင်းတပ်ဖွဲ့တွေရဲ့ လက်ဖြောင့်စနိုက်ဘာစစ်သည်တွေရဲ့ လက်ချက်နဲ့ ဒီကနေ့ စက်တင်ဘာ(၂၀)ရက်နေ့ နေ့လည်ပိုင်းမှာ စစ်ကောင်စီဘက်က နှစ်ဦးသေဆုံးပြီး ပူးပေါင်းတပ်ဖွဲ့တွေဘက်ကတော့ တစ်စုံတစ်ရာ ထိခိုက်မှုမရှိဘူးလို့ ကော်ဘရာစစ်ကြောင်းရဲ့ ထုတ်ပြန်ချက်အရ သိရပါတယ်။
