Connect with us

Hi, what are you looking for?

LuduNwayOo

သတင်း

ကျေးသီးနယ်တွင် ရှမ်းလက်နက်ကိုင်တပ်ဖွဲ့အချင်းချင်းတိုက်ပွဲဖြစ်၊ SSPP တပ်ကို RCSSက လာရောက်တိုက်ခိုက်ဟု ထုတ်ပြန်

မိနစ် ၂၀ ခန့်ထိတွေ့တိုက်ပွဲဖြစ်ပွားမှုအတွင်း ထိခိုက်သေဆုံးမှုမရှိဘဲ RCSSတပ်များ ပြန်လည်ဆုတ်ခွာသွားသည်ဟု ထုတ်ပြန်သည်။

RCSS ရဲဘော်များအား တွေ့ရစဥ်၊ဓာတ်ပုံ - SSPP Info
RCSS ရဲဘော်များအား တွေ့ရစဥ်၊ဓာတ်ပုံ - SSPP Info

ရှမ်းပြည်နယ် ကျေးသီးမြို့နယ် မိုင်းရဲကျေးရွှာအုပ်စု တွင် ရှမ်းပြည်တိုးတက်ရေးပါတီ(SSPP)နှင့် ရှမ်းပြည်ပြန်လည်ထူထောင်ရေးကောင်စီ(RCSS)တို့ ယနေ့ နံနက်က တိုက်ပွဲဖြစ်ပွားခဲ့ကြောင်း SSPPက သတင်းထုတ်ပြန်သည်။

မိုင်းရဲကျေးရွှာအုပ်စု ပန်ဟိုက်ကျေးရွှာအနီးရှိ နမ့်တောင်းချောင်းကူးတံတားအနီး၌ အခြေချလုပ်ရှားနေသည့် SSPP တပ်ကို RCSS က ယနေ့(စက်တင်ဘာ ၂၁ရက်) နံနက်အစောပိုင်း၌ လာရောက်ချောင်းမြောင်း တိုက်ခိုက်ခဲ့ကြောင်း ဖော်ပြထားသည်။

လဲချား – မိုင်းနောင် ကားလမ်းအရှေ့ဘက်၌ လုပ်ရှားနေသည့် RCSSတပ်ဖွဲ့သည် SSPP လှုပ်ရှားနေသည့် ကားလမ်းအနောက်ဘက်သို့ အင်အား ၂၀ခန့်ဖြင့် ဝင်ရောက် တိုက်ခိုက်ခဲ့ခြင်းဖြစ်သည်ဟု ဆိုသည်။

SSPP ရဲဘော်များအား တွေ့ရစဥ်၊ဓာတ်ပုံ - SSPP Info
SSPP ရဲဘော်များအား တွေ့ရစဥ်၊ဓာတ်ပုံ – SSPP Info

မိနစ် ၂၀ ခန့်ထိတွေ့တိုက်ပွဲဖြစ်ပွားမှုအတွင်း ထိခိုက်သေဆုံးမှုမရှိဘဲ RCSSတပ်များ ပြန်လည်ဆုတ်ခွာသွားသည်ဟု ထုတ်ပြန်သည်။

Public Service Announcement

Public Service Announcement

SSPPသည် ပြီးခဲ့သည့် စက်တင်ဘာ ၁၇ရက်နှင့် ၂၀ရက်က ကလည်း မိုးမိတ်မြို့နယ် ဟွေခမ်းတောင်၌ စစ်ကောင်စီတပ်နှင့် တိုက်ပွဲဖြစ်ပွားခဲ့ကြောင်း၊ စစ်ကောင်စီနှင့် SSPPတို့ မိုးမိတ်၌ စစ်ရေးတင်းမာနေချိန် RCSSက SSPPကို လာရောက်ပစ်ခတ်ခြင်းဖြစ်ကြောင်း ဖော်ပြထားသည်။

ရှမ်းလက်နက်ကိုင်တပ်များဖြစ်သည့် SSPP နှင့် RCSSတို့သည် အာဏာသိမ်းစစ်ကောင်စီတပ်နှင့် ဆွေးနွေးနေသည့် လက်နက်ကိုင်တပ်များဖြစ်ပြီး SSPP အနေဖြင့် ၀၊ မိုင်းလား လက်နက်ကိုင်များနှင့် ပူးပေါင်းပြီး စစ်ကောင်စီနှင့် နေပြည်တော်၌ တွေ့ဆုံဆွေးနွေးရန်ရှိကြောင်း ၎င်းတို့၏ မဟာမိတ်ဖြစ်သည့် ရက္ခိုင့်တပ်တော်(AA) ဒုစစ်ဦးစီးချုပ် ဒေါက်တာညိုထွန်းအောင်က စက်တင်ဘာ ၁၉ရက်တွင် ပြောဆိုထားသည်။

SSPP သည် ယခင်ကလည်း စစ်ကောင်စီခေါင်းဆောင်နှင့် သွားရောက်တွေ့ဆုံခဲ့ဖူးပြီး ယင်းတွေ့ဆုံမှုမတိုင်မီ စစ်ကောင်စီတပ်နှင့် စစ်ရေးတင်းမာနေသည့် သတင်းများ ထုတ်ပြန်ခဲ့ပြီး ယခုလည်း တိုက်ပွဲသတင်းများ၊ စစ်ရေးတင်းမာမှုသတင်းများ ထုတ်ပြန်လျက်ရှိသည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော် အခြေစိုက် ခမရ(၃၂၁)သည် မြစ်ကြီးနားအခြေစိုက် မြောက်ပိုင်းတိုင်းစစ်ဌာနချုပ် အတွက် အရေးကြီးသည့် တပ်စခန်းဖြစ်သကဲ့သို့ ရှေ့တန်းစခန်းများသို့ စစ်လက်နက်နှင့် ရိက္ခာ ထောက်ပံ့ပေးသည့် တပ်စခန်းဖြစ်သည်ဟု KIAက အသိပေးထားသည်။

ဘာသာပြန် ဆောင်းပါး

အဇက်ဒ်က ဇိုလန်း PDF အဖွဲ့ဝင်တွေကို စနိုက်ပါ လက်ဖြောင့်ရိုင်ဖယ် ပစ်ခတ်နည်းနဲ့ ခြေလျင်တပ်သားတွေအတွက် လိုအပ်တဲ့ လေ့ကျင့်မှုတွေ ထောက်ပံ့သင်ကြားပေးရုံသာ မကဘဲ ကင်းထောက်နဲ့ တခြားစစ်ရေး တာဝန်တွေကိုပါ တွဲယူထားတယ်လို့ ဆိုပါတယ်။

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။