Connect with us

Hi, what are you looking for?

LuduNwayOo

သတင်း

စစ်​တပ်ကဒီမိုက​ရေစီ​ရေးတက်ကြွလှုပ်ရှားသူ​တွေနဲ့တိုင်းရင်းသား​တွေအ​ပေါ်တုန်လှုပ်စရာ​ကောင်း​အောင်ရက်စက်တဲ့ပြစ်မှု​တွေကျူးလွန်​နေတယ်လို့ဂျိုးဘိုင်ဒန်​ပြော

ကုလသမဂ္ဂ အထွေထွေ ညီလာခံကို စက်တင်ဘာ ၂၀ ရက်နေ့က စတင်ကျင်းပခဲ့ပြီး မနေ့က အစီအစဉ်တွေမှာတော့ ဘိုင်ဒန်အပြင် ရုရှားနဲ့ စစ်မက် ဖြစ်ပွားနေတဲ့ ယူကရိန်း နိုင်ငံက သမ္မတ ဗိုလိုဒီမာ ဇီလန်စကီးကလည်း ရုပ်မြင်သံကြားကနေတဆင့် မိန့်ခွန်းပြောသွားတာ တွေ့ရပါတယ်။

(ကုလသမဂ္ဂအ​ထွေ​ထွေညီလာခံမှာ အ​မေရီကန်သမ္မတမိန့်ခွန်း​ပြော​နေစဥ်။ ။ဓါတ်ပုံ-ရိုက်တာ)
(ကုလသမဂ္ဂအ​ထွေ​ထွေညီလာခံမှာ အ​မေရီကန်သမ္မတမိန့်ခွန်း​ပြော​နေစဥ်။ ။ဓါတ်ပုံ-ရိုက်တာ)

မြန်မာနိုင်ငံမှာ စစ်ခေါင်းဆောင်တွေက ဒီမိုကရေစီရေး တက်ကြွလှုပ်ရှားသူတွေနဲ့ လူနည်းစု တိုင်းရင်းသားတွေအပေါ် တုန်လှုပ်စရာ ကောင်းလောက်တဲ့ ရက်စက်မှုမျိုးတွေ ကျူးလွန်နေတယ်လို့အမေရိကန် သမ္မတ ဂျိုးဘိုင်ဒန်က ကုလသမဂ္ဂ အထွေထွေ ညီလာခံ မိန့်ခွန်းထဲမှာ ထည့်သွင်း ပြောကြားသွားပါတယ်။

အာဏာသိမ်း မြန်မာစစ်တပ်က ပြည်သူတွေအပေါ် ရက်ရက်စက်စက် ကျူးလွန်နေတာတွေ အပါအဝင် ကမ္ဘာအနှံ့က လူ့အခွင့်အရေး ချိုးဖောက်မှုတွေကို မျက်ကွယ်ပြုမထားကြဖို့ အ​မေရီကန်သမ္မတက စက်တင်ဘာ ၂၁ ရက်​နေ့မှာ​ပြောသွားပါတယ်။

ဘိုင်ဒန်က “ကျွန်တော်တို့ဟာ ကမ္ဘာကြီးရဲ့ ခေတ်နောက်ပြန်ဆွဲတဲ့ အခြေအနေတွေကို ခွင့်ပြုထားလို့ မရသလို ကမ္ဘာတလွှားမှာ လူ့အခွင့်အရေးနဲ့ ပတ်သက်လို့ တတိတိ တိုက်စားဖျက်ဆီး ခံနေရတာတွေကို မျက်နှာလွှဲထားလို့ မရပါဘူး။ ကုလသမဂ္ဂရဲ့ အောင်မြင်ခဲ့တဲ့ ဆောင်ရွက်မှုတွေထဲမှာ လူ့အခွင့်အရေးဆိုင်ရာ ဘုံသဘောတူညီမှုတွေ ကြေညာနိုင်ခဲ့တာလည်း အပါအဝင် ဖြစ်ပါတယ်။ ဒါတွေဟာ ရှေ့မျိုးဆက်တွေက ကျွန်တော်တို့ အနေနဲ့ ကိုယ့်ကိုယ်ကိုယ် ဘယ်လို သတ်မှတ် တိုင်းတာမလဲ ဆိုတာကို စိန်ခေါ်ခဲ့တဲ့ စံသတ်မှတ်ချက်တွေလည်း ဖြစ်ပါတယ်”လို့ ဆိုတယ်။

(ကုလသမဂ္ဂအ​ထွေ​ထွေညီလာခံမှာ အ​မေရီကန်သမ္မတမိန့်ခွန်း​ပြော​နေစဥ်။      ။ဓါတ်ပုံ-ရိုက်တာ)
(ကုလသမဂ္ဂအ​ထွေ​ထွေညီလာခံမှာ အ​မေရီကန်သမ္မတမိန့်ခွန်း​ပြော​နေစဥ်။ ။ဓါတ်ပုံ-ရိုက်တာ)

“၁၉၄၈ ခုနှစ်မှာ ကတည်းက ကျွန်တော်တို့ အနေနဲ့ လူ့အခွင့်အရေးဆိုတာ ကျွန်တော်တို့အတွက် အခြေခံ အကျဆုံး ပိုင်ဆိုင်ရမယ့် ကိစ္စလို့ ရှင်းရှင်းလင်းလင်း လက်ခံခဲ့ကြတယ်။ ဒါပေမဲ့ မျက်မှောက်ခေတ် ၂၀၂၂ ခုနှစ်လို ကာလမျိုးမှာတောင် ကမ္ဘာကြီးရဲ့ အစိတ်အပိုင်းတိုင်းမှာ အခြေခံ လွတ်လပ်ခွင့်တွေက အန္တရာယ် ကျရောက်နေပါပြီ။ တရုတ်နိုင်ငံ၊ ရှင်းကျန်းဒေသက လူ့အခွင့်အရေး ချိုးဖောက်မှုတွေကို ကုလသမဂ္ဂနဲ့ အမေရိကန် အဆင့်မြင့် ကော်မရှင်တွေရဲ့ အစီရင်ခံစာတွေမှာ အသေးစိတ် ဖော်ပြထားပါတယ်။ မြန်မာနိုင်ငံမှာ စစ်ခေါင်းဆောင်တွေက ဒီမိုကရေစီရေး တက်ကြွလှုပ်ရှားသူတွေနဲ့ လူနည်းစု တိုင်းရင်းသားတွေအပေါ် တုန်လှုပ်စရာ ကောင်းလောက်တဲ့ ရက်စက်မှုမျိုးတွေ ကျူးလွန်နေတယ်။ အာဖဂန် နစ္စတန်မှာ တာလီဘန်တွေက အမျိုးသမီးတွေနဲ့ မိန်းကလေးငယ်တွေအပေါ် ပိုပြီး ဖိနှိပ်လာတယ်။ ဒီနေ့မှာတော့ ကျွန်တော်တို့ အနေနဲ့ ကိုယ်ပိုင် အခြေခံ လွတ်လပ်ခွင့်တွေအတွက် ဆန္ဒပြနေကြတဲ့ အီရန်က ရဲရင့်တဲ့ အမျိုးသမီးတွေ၊ နိုင်ငံသားတွေနဲ့အတူ ရပ်တည်ပေးကြရမှာ ဖြစ်ပါတယ်”လို့ ဘိုင်ဒန်ရဲ့ မိန့်ခွန်းထဲမှာ ထည့်သွင်း ပြောကြားသွားပါတယ်။

Public Service Announcement

Public Service Announcement

ကုလသမဂ္ဂ အထွေထွေ ညီလာခံကို စက်တင်ဘာ ၂၀ ရက်နေ့က စတင်ကျင်းပခဲ့ပြီး မနေ့က အစီအစဉ်တွေမှာတော့ ဘိုင်ဒန်အပြင် ရုရှားနဲ့ စစ်မက် ဖြစ်ပွားနေတဲ့ ယူကရိန်း နိုင်ငံက သမ္မတ ဗိုလိုဒီမာ ဇီလန်စကီးကလည်း ရုပ်မြင်သံကြားကနေတဆင့် မိန့်ခွန်းပြောသွားတာ တွေ့ရပါတယ်။

ဆက်စပ်သတင်းများ

နိုင်ငံတကာ

လက်ရှိ အစ္စရေးဟာ ရာဖားဟ်မှာ လေကြောင်းတိုက်ခိုက်မှုတွေ အပါအဝင် ကန့်သတ်စစ်ဆင်ရေးတချို့ လုပ်ဆောင်နေပေမယ့် မြေပြင်ထိုးစစ်ကြီး အဆင့်ထိ ရောက်နေပြီလို့ အမေရိကန်က သတ်မှတ်မထားသေးကြောင်းလည်း ဘိုင်ဒန်က ဆိုပါတယ်။

သတင်း

ရခိုင်ပြည်နယ်မြောက်ပိုင်းတွင် သတင်းတု၊ သတင်းမှားနှင့် အမုန်းစကားများ ပြန့်ပွားနေခြင်းအပေါ် ကုလသမဂ္ဂမြန်မာရုံးက စိုးရိမ်မကင်းဖြစ်မိကြောင်း ယနေ့(မေလ ၂ရက်)ထုတ်ပြန်သည်။

နိုင်ငံတကာ

အမေရိကန်က အဲဒီအဆိုကို ဗီတိုအာဏာသုံးပြီး ပယ်ချခဲ့မေယ့် အမေရိကန်ရဲ့ အနီးစပ်ဆုံး မဟာမိတ်တွေထဲက ပြင်သစ်၊ ဂျပန်နဲ့ တောင်ကိုရီးယားတို့ကလည်း ပါလက်စတိုင်းနိုင်ငံ ထူထောင်ရေး အဆိုကို ထောက်ခံခဲ့ကြောင်း သိရပါတယ်။

နိုင်ငံတကာ

IAEAဟာ အရင်ကတည်းက ဇာပေါ့ရစ်ဇီရာ ဓာတ်အားပေးစက်ရုံ တိုက်ခိုက်ခံရနိုင်တဲ့ အခြေအနေနဲ့ ပတ်သက်ပြီး နှစ်ဖက်စလုံးကို အကြိမ်ကြိမ် သတိပေးခဲ့ဖူးပါတယ်။