Connect with us

Hi, what are you looking for?

LuduNwayOo

သတင်း

မြန်မာစစ်တပ်၏ လက်နက်ပွဲစားများကိုချက်ချင်းအရေးယူပိတ်ဆို့ရန် EU ကို JFM တောင်းဆို

JFM သည် စစ်အာဏာသိမ်းကြိုးပမ်းမှုနောက်ပိုင်း မြန်မာစစ်တပ်ကို ငွေကြေး၊ လက်နက်များကို အထောက်အပံ့ပြုနေသည့် ကုမ္ပဏီ ၃၁ ခုကို အရေးယူပိတ်ဆို့ရန် ဖော်ထုတ်ထားသည်။

မြန်မာစစ်တပ်၏ လက်နက်ပွဲစားများကိုချက်ချင်းအရေးယူပိတ်ဆို့ရန် EU ကို JFM တောင်းဆို
မြန်မာစစ်တပ်၏ လက်နက်ပွဲစားများကိုချက်ချင်းအရေးယူပိတ်ဆို့ရန် EU ကို JFM တောင်းဆို

ဥရောပသမဂ္ဂ(EU)သည် မြန်မာစစ်တပ်၏ လက်နက်ပွဲစားများကို ချက်ချင်းအရေးယူပိတ်ဆို့ရန် Justice For Myanmar က တောင်းဆိုလိုက်သည်။

မြန်မာနိုင်ငံအပေါ် အီးယူ၏ နောက်ဆုံးအကြိမ်အရေးယူပိတ်ဆို့မှုမှာ ၇ လကျော်ရှိလာခဲ့ပြီး တရားမဝင်စစ်ကောင်စီ၏ အကြမ်းဖက်လုပ်ရက်များသည် ဆင်ခြင်မှုမရှိသော လေကြောင်းတိုက်ခိုက်မှုများ၊ လက်နက်ကြီးပစ်ခတ်မှုများ၊ နိုင်ငံရေးအကျဥ်းသားများကို ကွပ်မျက်မှုများနှင့် ကျောင်းသားကလေးငယ်များကို သတ်ဖြတ်ခြင်းတို့ကို ပိုမိုပြင်းထန်စွာလုပ်ဆောင်လာကြောင်း JFM က ယနေ့ထုတ်ပြန်သည်။

ပြီးခဲ့သည့်သီတင်းပတ်က အနည်းဆုံးကျောင်းသားကလေးငယ် ၁၁ ဦးကို သတ်ဖြတ်ခဲ့မှုသည် ယခင်နှစ် ဖေဖော်ဝါရီတွင် မြန်မာစစ်တပ်၏ အာဏာသိမ်းရန်ကြိုးပမ်းမှုစတင်ချိန်ကစ၍ တိုက်ခိုက်မှုတစ်ခုအတွင်း ကလေးငယ်များကို သတ်ဖြတ်မှု အမြင့်မားဆုံးမှတ်တမ်းဖြစ်ခဲ့ကြောင်း JFM ကဆိုသည်။

မြန်မာစစ်ကောင်စီ၏ ဆက်လက်ကျူးလွန်နေဆဲ ရက်စက်ကြမ်းကြုတ်သည့်ရာဇ၀တ်မှုများမှာ အီးယူအပါအ၀င် နိုင်ငံများထံမှ ငွေကြေးများ၊ လက်နက်များ၊ ဆက်စပ်ပစ္စည်းများကို ရရှိနေခြင်းကြောင့် ဖြစ်ပေါ်နေခြင်းဟု JFM က ပြောသည်။

JFM သည် စစ်အာဏာသိမ်းကြိုးပမ်းမှုနောက်ပိုင်း မြန်မာစစ်တပ်ကို ငွေကြေး၊ လက်နက်များကို အထောက်အပံ့ပြုနေသည့် ကုမ္ပဏီ ၃၁ ခုကို အရေးယူပိတ်ဆို့ရန် ဖော်ထုတ်ထားသည်။

လက်ရှိအချိန်အထိ အီးယူသည် အဆိုပါ ကုမ္ပဏီ ၃၁ ခုအနက် Htoo Group of Companies တစ်ခုကိုသာ အရေးယူပိတ်ဆို့ထားသည်။

အီးယူနှင့်ပတ်သက်ဆက်နွယ်နေသည့် ကုမ္ပဏီငါးခုစာရင်းကို JFM က ဖော်ထုတ်ခဲ့ပြီး အရေးပေါ်ဒဏ်ခတ်ပိတ်ဆို့ရန်တောင်းဆိုသည်။ အဆိုပါ ကုမ္ပဏီငါးခုမှာ Dynasty Group နှင့် လက်အောက်ခံကုမ္ပဏီများ၊ KT Group ၊ Ky-Tha Group နှင့် လက်အောက်ခံကုမ္ပဏီများ၊ Mega Hill General Trading ၊ Miya Win International နှင့် Myanmar Chemical & Machinery(MCM) တို့ ဖြစ်သည်။

You May Also Like

သတင်း

စစ်ကောင်စီ၏ အဓိကဝင်ငွေရလမ်းများအနက်တစ်ခုဖြစ်သော မြန်မာ့ရေနံနှင့်သဘာဝဓာတ်ငွေ့လုပ်ငန်း(MOGE)ထံ တောင်ကိုရီးယား၏ POSCO နိုင်ငံတကာကုမ္ပဏီ ရွှေသဘာဝဓာတ်ငွေ့စီမံကိန်းက ငွေကြေးစီးဝင်နေဆဲဖြစ်ကြောင်း အထူးအစီရင်ခံစာတင်သွင်းသူက ထောက်ပြသည်။

သတင်း

ဥရောပသမဂ္ဂ(EU)နှင့် အမေရိကန်တို့သည် ၂၀၂၀ ရွေးကောက်ပွဲ ၂ နှစ်ပြည့် နှစ်ပတ်လည်နေ့တွင် တရားမဝင်အာဏာသိမ်းစစ်ကောင်စီနှင့် ၎င်းနှင့်ပတ်သက်ဆက်နွှယ်နေသူများကို အရေးယူဒဏ်ခတ်ကြောင်း ကြေညာခဲ့ခြင်းဖြစ်သည်။

သတင်း

အာဏာရှင်အဖွဲ့အစည်း၏ အကြမ်းဖက်မှု အထူးသဖြင့် လေကြောင်းတိုက်ခိုက်မှုများ ဆင့်ကာဆင့်ကာပြုလုပ်ခြင်း နှင့် အရပ်သားပြည်သူများကို သတ်ဖြတ်ခြင်းကို ပံ့ပိုးပေးသည့် သူများအပေါ် အမေရိကန်အစိုးရ ထပ်တိုးအရေးယူမှုများ လုပ်ဆောင်ခြင်းဖြစ်ကြောင်း ဖော်ပြသည်။

သတင်း

ယင်းနောက် နိုင်ငံတကာရာဇဝတ်မှုများ ကျူးလွန်နေသူများကို ထိရောက်သော အပြစ်ပေး အရေးယူမှုများ မပြုလုပ်နိုင်ပါက ကမ္ဘာကြီး၌ လုံခြုံရေးနှင့် အသက်ရှင်သန်ခွင့်ကို ခြိမ်းခြောက်နေခြင်းကိုလည်း CRPH ဥက္ကဋ္ဌက သတိပေးခဲ့ကြောင်း ဖော်ပြသည်။