Connect with us

Hi, what are you looking for?

LuduNwayOo

သတင်း

ကုလလက်အောက်ခံအဖွဲ့အစည်းများ တရားမဝင် စစ်အုပ်စုနှင့် ထိတွေ့ဆက်ဆံခြင်းမပြုရန် အရပ်ဘက်အဖွဲ့ ၆၀၀ ကျော် ကုလအတွင်းရေးမှူးချုပ်ထံ စာပို့

ကုလသမဂ္ဂအထွေထွေအတွင်းရေးမှူးချုပ်ထံ လိပ်မူသော စာ၌ ကုလသမဂ္ဂအဖွဲ့အစည်းများသည် မြန်မာစစ်အုပ်စုကို တရားဝင်မှုရရှိစေရေး လုပ်ဆောင်နေမှုများကို ရပ်တန့်ရမည်ဟု ဖော်ပြသည်။

(ကုလသမဂ္ဂအ​ထွေ​ထွေညီလာခံဖွင့်ပွဲတွင် မိန့်ခွန်း​ပြောကြား​နေ​​​သော အတွင်း​ရေးမှူးချုပ်နှင့် မြန်မာအရပ်ဘက်အဖွဲ့အစည်း ၆၃၈ ဖွဲ့၏​ပေးစာ။ ဓါတ်ပုံ-ရိုက်တာ)
(ကုလသမဂ္ဂအ​ထွေ​ထွေညီလာခံဖွင့်ပွဲတွင် မိန့်ခွန်း​ပြောကြား​နေ​​​သော အတွင်း​ရေးမှူးချုပ်နှင့် မြန်မာအရပ်ဘက်အဖွဲ့အစည်း ၆၃၈ ဖွဲ့၏​ပေးစာ။ ဓါတ်ပုံ-ရိုက်တာ)

▪︎မြန်မာ့အကျပ်အတည်းကို အတွင်းရေးမှူးချုပ်ကိုယ်တိုင်ကြားဝင်ဆောင်ရွက်ရန်လည်း တောင်းဆို

ကုလသမဂ္ဂနှင့် လက်အောက်ခံအဖွဲ့အစည်းများအနေဖြင့် စစ်အုပ်စုနှင့် ထိတွေ့ဆက်ဆံနေခြင်းကို ရပ်တန့်ရန် အရပ်ဘက်လူထုအဖွဲ့အစည်း ၆၃၈ က ယနေ့ ထုတ်ပြန်တောင်းဆိုသည်။

ကုလသမဂ္ဂအထွေထွေအတွင်းရေးမှူးချုပ်ထံ လိပ်မူသော စာ၌ ကုလသမဂ္ဂအဖွဲ့အစည်းများသည် မြန်မာစစ်အုပ်စုကို တရားဝင်မှုရရှိစေရေး လုပ်ဆောင်နေမှုများကို ရပ်တန့်ရမည်ဟု ဖော်ပြသည်။

ထို့အပြင် မြန်မာနိုင်ငံရှိ အကျပ်အတည်းကို ဖြေရှင်းရန်အတွက် အခြေခံမူများအပေါ် ရပ်တည်သော ညှိနှိုင်းပူးပေါင်းဆောင်ရွက်သည့် ကုလသမဂ္ဂ၏ တုံ့ပြန်ဆောင်ရွက်မှုကို ကုလသမဂ္ဂအတွင်းရေးမှူးချုပ်ကိုယ်တိုင် ကြားဝင်ဆောင်ရွက်ပေးပါရန် အရပ်ဘက်လူထုအဖွဲ့အစည်းများက တောင်းဆိုသည်။

ရာထူးခန့်အပ်လွှာများ ပေးအပ်ခြင်း၊ သဘောတူစာချုပ်များနှင့် နားလည်မှု စာချွန်လွှာများ လက်မှတ်ရေးထိုးခြင်းတို့ကို မြန်မာနိုင်ငံ၏ တရားဝင်အစိုးရဖြစ်သော အမျိုးသားညီညွတ်ရေး အစိုးရ၊ တိုင်းရင်းသားလက်နက်ကိုင်တော်လှန်ရေးအဖွဲ့များနှင့် လုပ်ဆောင်ရမည်ဟု ဆက်လက်တောင်းဆိုသည်။

မကြာသေးမီက ကုလသမဂ္ဂ အေဂျင်စီများ၊ ရန်ပုံငွေအဖွဲ့များ၊ အစီအစဥ်များနှင့် မြန်မာနိုင်ငံအတွင်း လုပ်ကိုင်နေကြသော အခြားအစုအဖွဲ့ များသည် တရားဝင်မှုမရှိနေသော မြန်မာစစ်အုပ်စုနှင့် သဘောတူ စာချုပ်အသစ်များ ထပ်မံချုပ်ဆိုခြင်း နှင့် ခန့်အပ်လွှာများပေးအပ်ခြင်းတို့ လုပ်ဆောင်ခဲ့သည့်အပေါ် အပြင်းထန်ဆုံး ရှုတ်ချကြောင်းလည်း အတွင်းရေးမှူးချုပ်ထံ ပေးစာ၌ ဖော်ပြသည်။

You May Also Like

သတင်း

စစ်တပ်ဟာ ၂၀၂၁ ဖေဖော်ဝါရီ အာဏာသိမ်းဖို့ကြိုးပမ်းစဥ်ကစလို့ ဖြတ်လေးဖြတ်မဟာဗျူဟာကို ကျင့်သုံးခဲ့ရာ မြို့နယ်ပေါင်း ၂၀ ကျော်ကို အင်တာနက်ဖြတ်တောက်တာ၊ နိုင်ငံသားဆိုင်ရာအခန်းကဏ္ဍဆုတ်ယုတ်​စေတာ အပါအဝင် များပြားလှတဲ့အရေးယူကန့်သတ်မှုတွေကို လုပ်ခဲ့ပါတယ်။

သတင်း

ယနေ့(နိုဝင်ဘာ ၂၈ ရက်)နံနက်၇ နာရီ ၄၅မိနစ်ခန့်တွင် ပျူစောထီးများပါဝင်သည့် စစ်ကောင်စီတပ်သည် ဇီးပြားရဲစခန်းမှ ထွက်လာပြီး လမ်းတစ်လျှောက်တွင် ဒေသကာကွယ်ရေးတပ်ဖွဲ့များနှင့် ထိတွေ့ပစ်ခတ်မှုများ ဖြစ်ပွားခဲ့သည်။

သတင်း

စစ်ကောင်စီတပ်သည် ပြီးခဲ့သည့် နိုဝင်ဘာလ ၂၃ ရက်ကလည်း ပေါက်မြို့နယ်စသိန်းရွာအား မီးရှို့ဖျက်ဆီးခဲ့ရာ အိမ်ခြေ ၂၄၁လုံးမီးလောင်ပျက်စီးခဲ့ပြီး ဒေသတွင်းအဖွဲ့များနှင့်လည်း တိုက်ပွဲဖြစ် ပွားခဲ့သေးသည်။

သတင်း

စစ်ကောင်စီတပ်သည် မြစ်တော်ရွာ၌အဘိုးအိုတစ်ဦးကို ပစ်သတ်သွားကြောင်း Khin U Special Force Organization-KSO အဖွဲ့က ပြောသည်။