ကျဆုံးခဲ့သည့် ဗိုလ်အောင်မြေအတွက် သွေးကြွေး ဆပ်သည့်အနေဖြင့် အောင်မြေစစ်ဆင်ရေး မန္တလေးမြို့အနှံ့ပြုလုပ်မည်

အကြမ်းဖက်စစ်ကောင်စီ၏ ဖမ်းဆီးနှိပ်စက်မှုကြောင့် ကျဆုံးခဲ့သည့် ဗိုလ်အောင်မြေအတွက် သွေးကြွေး ဆပ်သည့်အနေဖြင့် အောင်မြေစစ်ဆင်ရေးကို မန္တလေးမြို့အနှံ့၌ပြုလုပ်မည်ဖြစ် သောကြောင့် ပြည်သူများအနေဖြင့် စစ်ကောင်စီနှင့်ပတ်သက်သည့်နေရာများကို ရှောင်ရှားရန် Anonymous Force Mandalay အဖွဲ့ခေါင်းဆောင် ဗိုလ်တိုက်ဂါးက ပြောကြားသည်။

” သူနဲ့က ညီအစ်ကိုလိုဆက်ဆံရေးရှိတာရော သူ့စိတ်ဓာတ်ကိုရော လေးစားလို့ဗျ။ သူ့မှာတော်လှန်စိတ်အပြည့်ရှိတယ်။ သူနဲ့က တော်လှန်ရေးအရှိန်မြှင့်တင်ဖို့တိုင်ပင်ပြီးမှ ကျသွားတော့ ကျန်တဲ့တာဝန်တွေကို ကျွန်တော်ကပဲ ဆက်ကြိုးစားရမှာမို့ဗျ။သူမကျခင်ကတည်းက ကတိပေးထားတယ်။ သူမိရင်လည်း မဖော်ဖို့ ၊ကျွန်တော်မိရင်လည်း မဖော်ဖို့ ။ကျွန်တော်ကျရင်လည်း သူလက်စားချေမှာဖြစ်သလို သူကျသွားရင် ကျွန်တော်လက်စားချေဖို့ကတိပြုထားတယ်ဗျ “ဟု ဗိုလ်တိုက်ဂါးကပြောသည်။

အောင်မြေစစ်ဆင်ရေးကို စက်တင်ဘာ ၂၄ ရက်မှ စတင်ပြုလုပ်မည်ဖြစ်ပြီး တော်လှန်ရေးပြီးချိန်အထိ ဆက်လက်လုပ်ဆောင်မည်ဟု ၎င်းက ဆိုသည်။

အောင်မြေစစ်ဆင်ရေး၏ ပထမဆုံးပွဲကို စက်တင်ဘာ ၂၄ ရက်က ၅၅×၁၃၃ စံပြလမ်းထောင့်ရှိ (ဇ)ရုံးအတွင်း လက်ပစ်ပုံးပစ်၍ တိုက်ခိုက်ခဲ့ရာ Error ဖြစ်၍ မပေါက်ကွဲခဲ့ကြောင်း ၎င်းက ဆိုသည်။

Public Service Announcement

“Mission အတွက် လိုအပ်တဲ့ စရိတ်တွေ အရမ်းနည်းနေလို့ ကူညီပေးဖို့လည်း အထူးတောင်းဆိုချင်ပါတယ်” ဟု ဗိုလ်တိုက်ဂါးက ပြောသည်။

Myanmar Revolution Rangers Force (MRRF) အဖွဲ့ခေါင်းဆောင် ဗိုလ်အောင်မြေကို ဩဂုတ် ၁ ရက်တွင် အကြမ်းဖက်စစ်ကောင်စီက ဖမ်းဆီးသတ်ဖြတ်ခဲ့ကြောင်း စစ်အုပ်စုဘက်က သတင်းထုတ်ပြန်ထားသည်။