မကွေးတိုင်း၊ မြိုင်မြို့နယ်၊ ကျောက်ခွက်ကျေးရွာအနီး၌ မိုင်းဆွဲတိုက်ခိုက်ခံရသည့်ဖြစ်စဥ်တွင် တပ်ကြပ်ကြီးအပါအဝင်နှစ်ဦးသေဆုံးပြီးအမိန့်စာနှင့်အတူ ရုပ်အလောင်းများအား မြေမြှုပ်သွားကြောင်း ဒေသတွင်းသတင်းရင်းမြစ်များက ပြောသည်။
ယမန်နေ့ စက်တင်ဘာလ ၂၅ ရက်နေ့က မြိုင်မြို့နယ်၊ ကျောက်ခွက်ကျေးရွာသို့အဝင်တွင် မြိုင်ပကဖနှင့်ဒေသတွင်းတော်လှန်ရေးအဖွဲ့များ၏ မိုင်းဆွဲတိုက်ခိုက်မှုကြောင့် တပ်ကြပ်ကြီးအပါအဝင်နှစ်ဦးသေဆုံးပြီးအများအပြား ထိခိုက်ဒဏ်ရာရသွားကြောင်း နွေဦးတော်လှန်ရေး-မြိုင်က ထုတ်ပြန်သည်။
သေဆုံးသွားသော တပ်ကြပ်ကြီးအလောင်းအား ပိုက်ဆံ ၆၄၅၀ ကျပ်(နှစ်ရာတန်တစ်ရာတန်ငါးဆယ်တန်အကြွေများ)နှင့် အမိန့်ပြန်တမ်းစာတစ်ခုပါ အတူမြုပ်နှံထားခဲ့ကြောင်း နွေဦးတော်လှန်ရေး-မြိုင်က ဓါတ်ပုံနှင့်တစ်ကွဖော်ပြသည်။
ယမန်နေ့ (စက်တင်ဘာလ ၂၅ ရက်)နံနက် ၁၁နာရီ ၃၅ မိနစ်ခန့်က မြိုင်မြို့နယ်ကျောက်ခွက်ကျေးရွာသို့စစ်ကြောင်းထိုးလာသော အင်အား ၆၀ခန့်ပါ စစ်ကောင်စီတပ်နှင့်ပျူမျုးအား မိုင်းပွိုင့်အကြီး ၂ပွိုင့်ဖြင့် တိုက်ခိုက်ခဲ့ကြောင်း မြိုင် (ပကဖ) အဖွဲ့က အသိပေးသည်။
Public Service Announcement
ထိုသို့တိုက်ခိုက်ရာတွင် စစ်ကောင်စီတပ်ဖွဲ့ဝင် သုံးဦးသေဆုံးပြီး ၈ ဦးထက်မနည်း ဒဏ်ရာပြင်းထန် စွာရရှိသွားကြောင်း မြိုင်(ပကဖ)အဖွဲ့က အသိပေးထားသည်။
