Connect with us

Hi, what are you looking for?

LuduNwayOo

သတင်း

CDM ကျောင်းဆရာအား လူမဆန်စွာခေါင်းဖြတ်သတ်သည့် စစ်ကောင်စီ၏ လုပ်ရပ်အား NUG ပညာရေးဝန်ကြီးဌာန ပြင်းထန်စွာရှုတ်ချ

ပညာရေးဝန်ကြီးဌာနသည် ဆရာဦးစောထွန်းမိုးကဲ့သို့သော နွေဦးတော်လှန်ရေးတွင် အကြမ်းဖက်စစ်အာဏာရှင်၏ လူမဆန်စွာရက်စက် ကြမ်းကြုတ်မှုများကို ခုခံတော်လှန်ရင်း ကျဆုံးခဲ့ရသောဆရာများကို မော်ကွန်းဝင်တော်လှန် ပညာသူရဲကောင်းများ အဖြစ်မှတ်တမ်းတင် အလေးအမြတ်ပြုကြာင်း ဖော်ပြထားသည်။

CDM ကျောင်းဆရာအား လူမဆန်စွာခေါင်းဖြတ်သတ်သည့် စစ်ကောင်စီ၏ လုပ်ရပ်အား NUG ပညာရေးဝန်ကြီးဌာန ပြင်းထန်စွာရှုတ်ချ
CDM ကျောင်းဆရာအား လူမဆန်စွာခေါင်းဖြတ်သတ်သည့် စစ်ကောင်စီ၏ လုပ်ရပ်အား NUG ပညာရေးဝန်ကြီးဌာန ပြင်းထန်စွာရှုတ်ချ

စစ်ကောင်စီ၏ဖိနှိပ်မှုကို တွန်းလှန်နေသည့် ဆရာ၊ဆရာမများအား ကူညီနိုင်ရေးအစွမ်းကုန် ဆောင်ရွက်မည်ဟု ဖော်ပြ

မကွေးတိုင်း၊ ပေါက်မြို့နယ် တောင်ပိုင်း၊ သစ်ညီနောင်ရွာနေ ဆရာဦးစောထွန်းမိုးအား စစ်ကောင်စီတပ်က လူမဆန်စွာခေါင်းဖြတ်သတ်ဖြတ်ခြင်းအပေါ် ပြင်းထန်စွာ ရှုတ်ချကြောင်း အမျိုးသားညီညွတ်ရေးအစိုးရ(NUG)က ထုတ်ပြန်သည်။

ပညာမိုးဘော်ဒါအုပ်ဖြစ်သူ ဆရာဦးစောထွန်းမိုးသည် အမှန်တရားနှင့် တရားမျှတမှု ရရှိနိုင်ရေးအတွက် အာဏာဖီဆန်လှုပ်ရှားမှု (CDM)တွင်ပါဝင်ခဲ့သည့်အပြင် ကြားကာလပညာရေးကို အကောင်အထည်ဖော်ဆောင်ရွက် ပေးနေသော ဆရာတစ်ဦးဖြစ်သည်ဟု ဆိုသည်။

အောက်တိုဘာ ၁၇ရက်က ပေါက်မြို့နယ်တောင်မြင့်ရွာတွင် ဆရာဦးစောထွန်းမိုးကို စစ်ကောင်စီတပ်က ဖမ်းဆီးပြီး ဦးခေါင်းနှင့် ခြေလက်များကို အပိုင်းပိုင်းဖြတ်၍ ရက်ရက်စက်စက် သတ်ဖြတ်သွားသည့်အပြင် တောင်မြင့်ရွာ၊ အလယ်တန်းကျောင်း တံခါးတွင် ဆရာဦးစောထွန်းမိုး၏ ဦးခေါင်းကို လူမဆန်စွာ ချိတ်ဆွဲထားခဲ့သည်ဟု ဆိုသည်။

ထို့သို့ တုန်လှုပ်ခြောက်ခြားဖွယ်ကောင်းသော လူသားဂုဏ်သိက္ခာ ညှိုးနွမ်းစေသည့် ရာဇဝတ်မှုကို ကျူးလွန်ခံရသည့် အဖြစ်အပျက်အတွက် ကျန်ရစ်သူမိသားစုနှင့် ထပ်တူဝမ်းနည်းရကြောင်း ပညာရေးဝန်ကြီးက ထုတ်ပြန်ခဲ့သည်။

Public Service Announcement

Public Service Announcement

အာဏာသိမ်းစစ်ကောင်စီသည် ကျေးရွာများကို မီးရှို့၊ ဓါးပြတိုက်နေသည့်အပြင် ရွာသားများကို အကြမ်းဖက် နှိပ်စက် သတ်ဖြတ်ခြင်း၊ ကျေးရွာစာသင်ကျောင်းများကို မီးရှို့ခြင်းများလုပ်ဆောင်နေသည့်အပြင် ကြားကာလပညာရေးကို အကောင်အထည်ဖော်နေသည့် ရဲဝံ့စွန့်စား စီဒီအမ်ဆရာများနှင့် အပြစ်မဲ့ကျောင်းသား၊ ကျောင်းသူကလေးသူငယ်များအား လူမဆန်စွာ သတ်ဖြတ်နေခြင်းကို ပညာရေးဝန်ကြီးဌာနက ပြင်းထန်စွာရှုံ့ချကြောင်း ဖော်ပြထားသည်။

ပညာရေးဝန်ကြီးဌာနသည် ဆရာဦးစောထွန်းမိုးကဲ့သို့သော နွေဦးတော်လှန်ရေးတွင် အကြမ်းဖက်စစ်အာဏာရှင်၏ လူမဆန်စွာရက်စက် ကြမ်းကြုတ်မှုများကို ခုခံတော်လှန်ရင်း ကျဆုံးခဲ့ရသောဆရာများကို မော်ကွန်းဝင်တော်လှန် ပညာသူရဲကောင်းများ အဖြစ်မှတ်တမ်းတင် အလေးအမြတ်ပြုကြာင်း ဖော်ပြထားသည်။

ထို့အပြင် ရာဇဝတ်မှုများကို လူမဆန်စွာကျူးလွန်နေသော အကြမ်းဖက်စစ်ကောင်စီသည် စီဒီအမ်ဆရာ၊ ဆရာမများအပေါ်ဖိနှိပ်မှုများပြုလုပ်လျက်ရှိရာ ရဲရဲဝံ့ဝံ့ တွန်းလှန်ရင်ဆိုင်နေသော ကြားကာလပညာရေး အကောင်အထည်ဖော်နေသည့် ဆရာ၊ ဆရာမများ ကိုကူညီပေးနိုင်ရေး တော်လှန်ရေးအင်အားစုများ၊ ကြားကာလပညာရေးကို အကောင်အထည်ဖော်နေသော ပြည်သူများနှင့်အတူ အစွမ်းကုန်ပူးပေါင်းဆောင်ရွက်သွားမည်ဖြစ်ကြောင်းလည်း အသိပေးထားသည်။

ဆက်စပ်သတင်းများ

ဗီဒီယို

မန္တလေးတိုင်း ၊မတ္တရာမြို့ နယ်ထဲက စစ်ကောင်စီတပ်စခန်းတွေကို ထိုးစစ်ဆင်ရာမှာ သုံးပတ်တာအတွင်း စခန်း ၃၀ နီးပါး ကို သိမ်းယူပြီးပြီလို့ မန္တလေး PDF က အသိပေးပါတယ်။

သတင်း

ချင်းပြည်နယ် မင်းတပ်မြို့နယ်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့၍ အရပ်သားပြည်သူ သေဆုံးထိခိုက်မှုထပ်မံ ဖြစ်ပေါ်ခဲ့ကြောင်း မင်းတပ်ဒေသသတင်းရင်းမြစ်က အသိပေးထားသည်။

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။

သတင်း

မန္တလေးတိုင်း၊ မြင်းခြံ​မြို့အထွက် မြင်းခြံ - တောင်သာလမ်းပိုင်းရှိ တိုးဂိတ်၌ တပ်စွဲထားသော စစ်ကောင်စီတပ်သားများ တိုက်ခိုက်ခံရမှုအတွင်းစစ်အုပ်စုဝင်များ ထိခိုက်သေဆုံးမှာရှိကြောင်း ဒေသကာကွယ်ရေးအဖွဲ့များက ဇူလိုင် ၁၇ရက်တွင် သတင်းထုတ်ပြန်သည်။