ကချင်ပြည်နယ် မိုးမောက်မြို့နယ် လုံဂျာတောင်၌ တပ်စွဲထားသည့် ကချင်လွတ်လပ်ရေးတပ်မတော် (KIA) တပ်ရှိရာသို့ စစ်ကောင်စီတပ်က ထိုးစစ်ဆင်လာ၍ ကြားဖြတ်တိုက်ခိုက်ခဲ့ကြောင်း ကချင်လွတ်လပ်ရေးအဖွဲ့(KIO)၏ လိုင်ဇာTV ဗမာတိုင်းရင်းသားဘာသာ အစီအစဉ်၌ သတင်းဖော်ပြ သည်။
KIA အမှတ်(၃)တပ်မဟာ အမှတ်(၁၅)တပ်ရင်း နယ်မြေ မိုးမောက်အထက် လုံဂျာဘွမ်(တောင်) အနီး၌ အောက်တိုဘာ ၂၂ရက် နေ့လည် ၁၂နာရီခန့်က တိုက်ပွဲဖြစ်ပွားခဲ့သည်ဟု ဆိုသည်။
စစ်ကောင်စီ၏ ခလရ(၂၃၉)၊ ခမရ(၄၃၇)တပ်နှင့် တပ်မ (၈၈) ပူးပေါင်းတပ် အင်အား ၁၀၀ ခန့်ပါဝင်သည့် စစ်ကြောင်းက KIA တပ်စွဲထားသည့် နေရာသို့ ထိုးစစ်ဆင်လာ၍ လုံဂျာဘွမ်အနီး KIAက စောင့်ကြိုတိုက်ခိုက်ရာ တိုက်ပွဲဖြစ်ပွားခဲ့သည်ဟု စစ်မြေပြင်သတင်းကို ဖော်ပြသည်။
စစ်ကောင်စီတပ်က လက်နက်ကြီးများ ပစ်ခတ်တိုက်ခိုက်သကဲ့သို့ ညနေပိုင်း၌ တိုက်လေယာဉ်ဖြင့် ဗုံးကြဲလာကြောင်း လိုင်ဇာ TV သတင်းက ဆိုသည်။
Public Service Announcement
တိုက်ပွဲတွင် နှစ်ဖက်ထိခိုက်ကျဆုံးအခြေအနေကို ဖော်ပြထားခြင်းမရှိပေ။
KIA အမှတ်(၃) တပ်မဟာနယ်မြေတွင် စစ်ကောင် စီတပ်က ခြေလျင်သာမက ရေကြောင်းများဖြင့် လည်း စစ်အင်အား၊ လက်နက်အသုံးအဆောင်များ ဖြည့်တင်းခြင်းလုပ်ဆောင်နေ၍ ထိတွေ့တိုက်ပွဲ မကြာခဏ ရှိခဲ့သည်ဟု ဆိုသည်။
