Connect with us

Hi, what are you looking for?

သတင်း

မန္တလေးမှာ စစ်ကောင်စီတပ် ညအချိန် အိမ်စီးကားကို ဝိုင်းပစ်လို့ ယာဉ်မောင်းသေဆုံး

စစ်ကောင်စီတပ်ဟာ ကားတွေကို တားဆီးစစ်ဆေးချိန် လမ်းသွားလမ်းလာတွေကို လာရာလမ်းအတိုင်းပြန်လှည့်ကြဖို့ ဆဲဆိုကြိမ်းမောင်းခဲ့တယ်လို့သိရပါတယ်။

စစ်ကောင်စီတပ်ညအချိန် မှောင်ရိပ်ကိုအားပြုပြီး မန္တလေးမှာ စစ်ဆေးပုံ
စစ်ကောင်စီတပ်ညအချိန် မှောင်ရိပ်ကိုအားပြုပြီး မန္တလေးမှာ စစ်ဆေးပုံ

မန္တလေးမြို့ပေါ်မှာ မနေ့ကညပိုင်းက စစ်ကောင်စီတပ် တားဆီးစစ်ဆေးချိန် မရပ်ပေးလို့ဆို့ကာ အိမ်စီးကားတစ်စီးကို ဝိုင်းပစ်ခတ်တာကြောင့် ယာဉ်မောင်းအမျိုးသား ၁ ဦးသေဆုံးခဲ့ရပါတယ်။

မနေ့က ညပိုင်း ၁၀ နာရီခန့်က ချမ်းအေးသာစံမြို့နယ်. ၇၃ လမ်း ၊ ၃၅ လမ်းထောင့် မှာ မီးပွိုင့်ကို မီးဖြတ်ပြီး ကားတွေကို စစ်ကောင်စီတပ်က တားဆီးစစ်ဆေးခဲ့တယ်လို့ဒေသခံအချို့က ပြောပြပါတယ်။

ဒီလို စစ်ဆေးချိန်မှာ ဖြတ်သန်းမောင်းသွားတဲ့ကားကို စစ်ကောင်စီတပ်သားတွေ ဝိုင်းပစ်တာကြောင့် ယာဉ်မောင်း သေဆုံးခဲ့ရတာပါ။

ပစ်ခတ်ခံရတဲ့ ကားဟာ လမ်းဘေးယာဉ်ထိန်းရုံးကို ဝင်တိုက်ပြီး ရပ်တန့်သွားတယ်လို့ မျက်မြင်တွေ့လိုက်ရသူ ၁ ဦးက ပြောပါတယ်။

Public Service Announcement

Public Service Announcement

“မီးပွိုင့်မှာ အမှောင်ချပြီး စစ်နေတာ ရုတ်တရက်ဆိုတော့ ကားသမားက မမြင်ဘူး” လို့အခင်းဖြစ်စဉ်ကိုတွေ့လိုက်ရသူက ပြောပါတယ်။

စစ်ကောင်စီတပ်ဟာ ကားတွေကို တားဆီးစစ်ဆေးချိန် လမ်းသွားလမ်းလာတွေကို လာရာလမ်းအတိုင်းပြန်လှည့်ကြဖို့ ဆဲဆိုကြိမ်းမောင်းခဲ့တယ်လို့သိရပါတယ်။

စစ်ကောင်စီလော်လီတွေကတော့ စစ်တပ်က စစ်ဆေးချိန် Crown အမျိုးအစား အိမ်စီးကားဟာ မရပ်တန့်ဘဲ မောင်းပြေးတာကြောင့် ခြောက်လှန့်ပစ်ခတ်ရာမှာ လမ်းဘေးယာဉ်ထိန်း နားနေဆောင်ကို ဝင်တိုက်ပြီး ယာဉ်မောင်းသေသွားတာလို့ သတင်းဖြန့်ကြပါတယ်။

ဆက်စပ်သတင်းများ

သတင်း

မန္တလေးမြို့မှာ မိုးသည်းထန်စွာ ရွာသွန်းနေချိန် ၂၁ မိုင်အနီး ဗဟိုပြုပြီး အင်အား ၄.၀ အဆင့်ရှိ အင်အားအနည်းငယ်ရှိတဲ့ မြေငလျင်တစ်ခု လှုပ်ခတ်သွားကြောင်း သတင်းရရှိပါတယ်။

သတင်း

မန္တလေးမြို့မှာ မိုးသည်းထန်စွာ ရွာသွန်းလို့ ရေကြီးရေလျှံတာ၊ သစ်ပင်လဲပြိုတာနဲ့ ယာဥ်တွေ လမ်းချော်တိမ်းမှောက်တာတွေ ဖြစ်ပွားခဲ့ကြောင်း ဒေသခံတွေက ပြောပါတယ်။

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။

သတင်း

မန္တလေးမြို့၊ မဟာအောင်မြေမြို့နယ်က သမိုင်းဝင် စီးတော်မြင်းဝန်ကျောင်း မီးလောင်ကျွမ်းမှုဖြစ်ပွားပြီး သံဃာ ၂ ပါး ဒဏ်ရာရကာ ကျောင်းအဆောင်တွေနဲ့ ကား ၃ စီးထက်မနည်း မီးလောင်ပျက်စီးခဲ့ပါတယ်။