မန္တလေးတိုင်း၊ ညောင်ဦးခရိုင်ထဲက င့ါသရောက် မြို့နယ်ခွဲရဲ့ ရဲစခန်း စီးနင်းတိုက်ခိုက်မှုမှာ တောင်သာ ပြောက်ကျားတပ် (TTA) ရဲ့ ဒုခေါင်းဆောင် ကျဆုံးသွားတယ်လို့ အဲဒီအဖွဲ့က ထုတ်ပြန်ပါတယ်။
ကျဆုံးသွားတဲ့ပြောက်ကျားတပ် ဒုခေါင်းဆောင်ဟာ အသက် ၂၁ နှစ်အရွယ် မန္တလေးတိုင်း ပုသိမ်ကြီးမြို့နယ် စိုက်ပျိုးရေးသိပ္ပံကျောင်းက ပထမနှစ်ကျောင်းသားဖြစ်တယ်လို့သိရပါတယ်။
ငါ့သရောက်မြို့နယ်ခွဲ ရဲစခန်းကို မနေ့ကညနေပိုင်း မြင်းခြံခရိုင် တပ်ရင်း(၃) ပြည်သူ့ကာကွယ်ရေးတပ်ဖွဲ့နဲ့ပူးပေါင်းတပ်တွေ ဝင်စီးခဲ့တာလို့သိရပါတယ်။
စီးနင်းတိုက်ခိုက်မှုမှာ ရဲစခန်းမှူး ရဲအုပ် အေးကျော် အပါအဝင် ရဲ ၁၀ ဦးကျော်သေဆုံးသလို လက်နက်တွေသိမ်းဆည်းရမိခဲ့ပါတယ်။
Public Service Announcement
စခန်းအတွင်းကနေ တိုက်ပွဲဝင် သေနတ် ၅ လက် နဲ့ ခြောက်လုံးပြူး ၁ လက်ကို သိမ်းဆည်းရမိခဲ့တာပါ။
