လက်နက်ခဲယမ်းများနှင့်အတူ CDM ဝင်လာသည့် စစ်သားကို NUG က ကျပ်သိန်းလေးဆယ်ဝန်းကျင်ပေးအပ်

CDM ဝင်လာသည့်စစ်သားကို NUG ကာကွယ်ရေးဝန်းကြီးဌာနက မြန်မာငွေကျပ် သိန်း လေးဆယ်ဝန်းကျင်တန်ဖိုးနှင့်ညီမျှတဲ့ ဘတ် ငါးသောင်း ကိုပေးအပ်လိုက်သည်။

ကရင်အမျိုးသားအစည်းအရုံး တပ်မဟာ(၆)နယ်မြေတွင် စစ်ကောင်စီတပ်မှ တပ်သားတစ်ဦး လက်နက်ခဲယမ်းနှင့်အတူ ကော်ဘရာစစ်ကြောင်းထံ CDM ဝင်ရောက်လာခဲ့သည်ဟု ကော်ဘရာစစ်ကြောင်းမှ သတင်းထုတ်ပြန်ထားသည်။

စစ်ကောင်စီ၏ တပ်မ(၄၄)လက်အောက်ခံ ခမရ(၂)မှ တပ်ဖွဲ့ဝင်တစ်ဦးသည် MA(3)သေနတ်တစ်လက်၊ ကျည်ဘောက်လေးခု၊ ကျည်ဆံတောင့်(၁၀၀)တောင့်နှင့်အတူ ကရင်အမျိုးသားလွတ်မြောက်ရေးတပ်မတော်၏ တပ်ရင်း(၂၇) ကော်ဘရာပူးပေါင်းစစ်ကြောင်းထံသို့ နိုဝင်ဘာ(၅)ရက်တွင် CDM ဝင်ရောက်ခဲ့သည်ဟု ထုတ်ပြန်ချက်တွင်ဖော်ပြသည်။

တပ်မဟာ(၆)နယ်မြေဖြစ်သော လူခို့(ညောင်ချောင်း)ဒေသအတွင်းသို့ ကျူးကျော်ရောက်ရှိနေသည့် စစ်ကောင်စီတပ် ခမရ(၂)မှ တပ်သားဟိန်းဇော်ဦးသည် ကော်ဘရာပူးပေါင်းစစ်ကြောင်းထံသို့ ဆက်သွယ်ခိုလှုံကာ CDM ဝင်ရောက်ခဲ့ခြင်းဖြစ်ပြီး အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှ ဘတ်(၅၀၀၀၀) ချီးမြင့်သဖြင့် ကော်ဘရာစစ်ကြောင်းမှူး ဗိုလ်ဒါဘောမှ ကိုယ်စားပေးအပ်ခဲ့သည်ဟု ထုတ်ပြန်ချက်အရ သိရသည်။

Public Service Announcement