မန္တလေးတိုင်း၊ မြို့သာ – မြင်းခြံလမ်းပေါ်တွင် စစ်ကောင်စီတပ်ကားတစ်စီးအား မိုင်းဆွဲတိုက်ခိုက်ခဲ့ကြောင်း ရွှေခြံသားပြောက်ကျားတပ်ဖွဲ့က သတင်းထုတ်ပြန်သည်။
နိုဝင်ဘာ ၆ ရက် နံနက် ၁၁ နာရီ ၄၀မိနစ်ခန့်က မြင်းခြံမြို့နယ်၊ နဘူးအိုင်ရွာမှ မြင်းခြံမြို့သို့ထွက်ခွာလာသော စစ်ကားတစ်စီးကို မြို့သာ-မြင်းခြံလမ်းပေါ် ထန်းတောကြီးကျေးရွာအနီးတွင် မိုင်းဆွဲတိုက်ခိုက်ခဲ့ခြင်းဖြစ်ကြောင်း ရွှေခြံသားပြောက်ကျားတပ်ဖွဲ့က အသိပေးသည်။
အဆိုပါ ယာဥ်ပေါ်ပါ စစ်ကောင်စီတပ်ဖွဲ့ဝင်များထိခိုက်သေဆုံးမှုရှိကြောင်း ရွှေခြံသားပြောက်ကျားတပ်ဖွဲ့၏ ထုတ်ပြန်ချက်တွင် ဖော်ပြသည်။
“ကုက္ကဲအကျော်မှာအုံးဆိုပြီးကွဲတာပါ။ ဟိုက ဆက်တိုက်ပစ်တော့တာပဲ။”ဟု မြင်းခြံမြို့နယ်ခံတစ်ဦးက ပြောသည်။
ပြည်သူများအနေဖြင့် စစ်ကောင်စီယာဥ်တန်းများနှင့် ကပ်မလိုက်ကြရန် ရွှေခြံသားပြောက်ကျားတပ်ဖွဲ့က သတိပေးသည်။
ဖြစ်စဥ်နှင့်ပတ်သက်၍ ရွှေခြံသားပြောက်ကျားတပ်ဖွဲ့ထံ ဆက်သွယ်မေးမြန်းထားပြီး ပြန်လည်ဖြေကြားခြင်းမရှိသေးပေ။
=