'/%3E%3C/svg%3E){kind=small}
နွေဦးတော်လှန်ရေးအတွင်း ဖမ်းဆီးခံရတဲ့ နိုင်ငံရေးအကျဉ်းသားလူငယ်တစ်ဦး နှလုံးရပ်ပြီး အိုးဘိုထောင်ထဲမှာ ပြီးခဲ့တဲ့ ရက်ပိုင်းက ဆုံးပါးသွားတယ်လို့ သိရပါတယ်။
နိုဝင်ဘာလ ၇ ရက် ညပိုင်း ၈ နာရီခန့်မှာ ဆုံးပါးသွားတာလို့ မန္တလေးရဲ့တော်လှန်ရေးမြေပြင်ကင်းထောက်ဖေ့ဘွတ်ခ်စာမျက်နှာ VOMDY က အသိပေးဖော်ပြပါတယ်။
ဆုံးပါးသွားတဲ့ နိုင်ငံရေးအကျဉ်းသားအမည်ဟာ အိမ့်သူထက် လို့သိရပြီး မဟာအောင်မြေမြို့နယ် ၊ရွှေဘုန်းရှိန်ရပ်ကွက်မှာနေထိုင်သူဖြစ်ကာ ဆူပူအောင်လှုံဆော်မှု ရာဇသတ်ကြီး ပုဒ်မ ၅၀၅ (ခ) နဲ့မတရား ဖမ်းဆီးခံထားရသူဖြစ်ပါတယ်။
ပြီးခဲ့တဲ့ စက်တင်ဘာလအတွင်းကတော့ အိုးဘိုထောင်ထဲမှာ နိုင်ငံရေးအကျဉ်းသားတစ်ဦး လုံလောက်တဲ့ ဆေးဝါးကုသခွင့်မရလို့ ဆုံးပါးခဲ့ပါသေးတယ်။
Public Service Announcement
နိုင်ငံရေးအကျဉ်းသားတွေအပေါ် စစ်အုပ်စုရဲ့ ထောင်တွင်းဖိနှိပ်မှု တွေ ရှိနေတယ်လို့ ထောင်တွင်းကနေ လွတ်မြောက်လာတဲ့ နိုင်ကျဉ်းတွေက ထုတ်ဖော်ပြောဆိုထားကြပါတယ်။
