Connect with us

Hi, what are you looking for?

LuduNwayOo

သတင်း

စာရေးဆရာ အကြည်တော် ကွယ်လွန်

ယနေ့ (နိုဝင်ဘာလ ၉ ရက်နေ့) ည ၈ နာရီ ၂၃ မိနစ်အချိန်တွင် နှလုံးအခုန်ရပ်ကာ ရန်ကုန်မြို့ ပင်လုံဆေးရုံ၌ ကွယ်လွန်သွားခဲ့ကြောင်း မိသားစုဝင်များက အသိပေးသည်။

စာရေးဆရာ အကြည်တော် ကွယ်လွန်
စာရေးဆရာ အကြည်တော် ကွယ်လွန်

မြန်မာနိုင်ငံတွင် ထင်ရှားသည့် ဟာသစာရေးဆရာတစ်ဦးဖြစ်သော အကြည်တော်သည် ယနေ့ညပိုင်းက ကွယ်လွန်သွားခဲ့​သည်။

ယနေ့ (နိုဝင်ဘာလ ၉ ရက်နေ့) ည ၈ နာရီ ၂၃ မိနစ်အချိန်တွင် နှလုံးအခုန်ရပ်ကာ ရန်ကုန်မြို့ ပင်လုံဆေးရုံ၌ ကွယ်လွန်သွားခဲ့ကြောင်း မိသားစုဝင်များက အသိပေးသည်။

ဆရာအကြည်တော်သည် လေပြွန်ကင်ဆာသံသယကြောင့် ၂၀၂၂ ခုနှစ် ၊ စက်တင်ဘာ နောက်ဆုံးပတ်အတွင်း ထိုင်းနိုင်ငံ ဘန်ကောက်မြို့သို့ သွားရောက်ဆေးကုသမှုခံယူခဲ့ရသည်။

အောက်တိုဘာ ၁၃ရက်နေ့တွင် ထိုင်းမှ မြန်မာနိုင်ငံသို့ ပြန်လာခဲ့ပြီးနောက် ရုတ်တရက်ကျန်းမာရေးဆိုးရွားလာသဖြင့် ပင်လုံဆေးရုံသို့ တက်ရောက်ကုသမှုခံယူနေရင်း ယနေ့ ည ၈ နာရီ မိနစ်၂၀ ကျော်တွင် ကွယ်လွန်သွားခဲ့သည်။

သူမကွယ်လွန်မီ လအနည်းငယ်က ကိုယ်တိုင်ရွတ်ဆိုထားသည့် ကဗျာနှင့်ဂီတ ပေါင်းစပ်ထားသော ကဗျာဂီတအယ်လ်ဘမ်ကိုထုတ်ဝေခဲ့သည်။

ဆရာအကြည်တော်သည် ကွယ်လွန်ချိန်၌ အသက်(၅၀နှစ်) သာရှိသေးသည်။

အကြည်တော် သည် ၁၉၈၈ ခုနှစ်မှစ၍ကိုကိုကြီးကလောင်အမည်ဖြင့် စာပေလောကသို့ စတင် ဝင်ရောက်ခဲ့သည်။ ၂၀၀၃ ခုနှစ်တွင် အကြည်တော် အမည်ဖြင့် လုံးချင်းဝတ္ထုများ စတင်ရေးသားခဲ့သည်။

ဘီလူးဟာသဝတ္ထုလုံးချင်းဖြင့် နာမည်ရလာခဲ့​သော၎င်းသည် ဟာသဝတ္ထုပေါင်းများစွာ ရေးသားခဲ့ပြီး ကဗျာနှင့် သီချင်းများကိုလည်း ရေးသားသီဆိုခဲ့သည်။

၎င်း၏ ဟာသဝတ္ထုများအား ရုပ်ရှင်ဇာတ်ကားကြီးများအဖြစ် အသွင်ပြောင်းရိုက်ကူးခဲ့ပြီး အကြည်တော်ကိုယ်တိုင် ဇာတ်ညွှန်းရေးသားခဲ့သည်။

You May Also Like

သတင်း

စစ်ကောင်စီအာဏာသိမ်းပြီးနောက် ပြည်သူ့လွှတ်တော်၊ တိုင်းဒေသကြီးနှင့် ပြည်နယ်လွှတ်တော် ၁၅ဦးထက်မနည်း အသက်ဆုံးရှုံးခဲ့ရပြီးယင်းအနက်အချို့မှာ စစ်ကောင်စီ၏ ဖမ်းဆီးခံရစဉ် သတ်ဖြတ်ခံရခြင်းဖြစ်သည်။

နိုင်ငံတကာ

ဒီဇင်ဘာ ၃၁ ရက် မနက်ပိုင်းမှာ ပုပ်ရဟန်းမင်းကြီးဟောင်း ကွယ်လွန်သွားတယ်ဆိုတဲ့ သတင်းကို လေးလံတဲ့ စိတ်နှလုံးနဲ့ အသိပေး ကြေညာလိုကြောင်း ဗာတီကန် နန်းတော် ပြန်ကြားရေးဌာန အကြီးအကဲ မက်တီယို ဘရူနီက ထုတ်ပြန်ပါတယ်။

နိုင်ငံတကာ

ပီလီဟာ နိုဝင်ဘာ လကုန်ပိုင်းက အသက်ရှူလမ်းကြောင်း ပိုးဝင်တဲ့ ဝေဒနာကြောင့် ဆာအိုပေါ်လိုမြို့က ဆေးရုံတစ်ခုကို တက်ရောက်ခဲ့ရပါတယ်။ နောက်တော့ သူအရင်က ဖြစ်ဖူးတဲ့ အူမကြီး ကင်ဆာရဲ့ ရှုပ်ထွေးတဲ့ နောက်ဆက်တွဲ ဆိုးကျိုးတွေကိုပါ ခံစားလာရပါတယ်။

သတင်း

ဦးမြင့်ကြည်သည် အသက်(၇၇)နှစ်အရွယ်ရှိပြီး စစ်ကိုင်းတိုင်းရှိ ၎င်း၏ နေအိမ်၌ ကွယ်လွန်​ခဲ့ခြင်းဟု ဒီချုပ်ပါတီဝင်တစ်ဦးက ပြောသည်။