Connect with us

Hi, what are you looking for?

သတင်း

စစ်​ကောင်စီတပ်က ​မြောင်နယ်မှနနွင်းကိုင်းရွာကိုမီးရှို့ပြီးဆက်လက်တပ်စွဲထား

အိမ်ခြေလေးရာရှိသည့်အနက် အများစု မီးလောင်သွားပြီး ရွာကို ဝင်၍မရသေးသောကြောင့် အိမ်ခြေအတိအကျမသိရသေးဟု ပြည်သူ့ကာကွယ်ရေးရဲဘော်တစ်ဦးကပြောသည်။

(မြောင်ဒေသစစ်ဘေးရှောင်များ ။ ဓါတ်ပုံ-CDSOM)
(မြောင်ဒေသစစ်ဘေးရှောင်များ ။ ဓါတ်ပုံ-CDSOM)

မြောင်မြို့နယ်နနွင်းကိုင်းကျေးရွာတစ်ရွာလုံးနီးပါးကို မီးရှို့ဖျက်ဆီးခဲ့သည့် စစ်ကောင်စီတပ်သည် ပြန်ထွက်မသွား​သေးဘဲ ရွာတွင် အထိုင်ချတပ်စွဲထားကြောင်း ဒေသခံများကပြောသည်။

“ပထမက အင်အား တစ်ရာလောက်နဲ့ လာတာ။ အခုက အင်အားထပ်တိုးလာတယ်။ ၁၅၀လောက်ဖြစ်နေပြီ။ ရွာမှာ တပ်စွဲထားလိုက်ကြပြီ။ လုံးဝ ဝင်မရတော့ဘူး”ဟုနနွင်းကိုင်းရွာဒေသခံတစ်ဦးကပြောသည်။

မန္တလေးမှထွက်ခွာလာပြီးဆန်အိတ်၁၅၀၀၀ကျော်တင်ဆောင်လာသောစစ်​ကောင်စီတပ်သင်္ဘာကို မြောင်မြို့နယ် ပြည်သူ့ကာကွယ်ရေးနှင့်လုံခြုံရေးတပ်ဖွဲ့ (CDSOM)ကနိုဝင်ဘာ ၆ရက်နေ့ခင်းပိုင်းတွင် နနွင်းကိုင်းဆိပ်ကမ်းကပ်ခိုင်းပြီးဖမ်းဆီး၍စစ်​ဘေး​ရှောင်ပြည်သူများကို ဆန်အိတ်များယူ​ဆောင်​စေခဲ့သည်။စစ်​ကောင်စီတပ်က ဆန်နှင့်ရိက္ခာတင်သင်္ဘာ ဖမ်းဆီးခံရပြီး​နောက် နိုဝင်ဘာ ၇ ရက်တွင်နနွင်းကိုင်းရွာသို့စစ်​ကြောင်းထိုးလာပြီး ​နေအိမ်များကိုမီးရှို့ဖျက်ဆီးကာ အကြမ်းဖက်၍ ရွာတွင်တပ်စွဲထားခြင်းဖြစ်သည်။

(မြောင်ဒေသစစ်ဘေးရှောင်များ ။ ဓါတ်ပုံ-CDSOM)
(မြောင်ဒေသစစ်ဘေးရှောင်များ ။ ဓါတ်ပုံ-CDSOM)

အိမ်ခြေလေးရာရှိသည့်အနက် အများစု မီးလောင်သွားပြီး ရွာကို ဝင်၍မရသေးသောကြောင့် အိမ်ခြေအတိအကျမသိရသေးဟု ပြည်သူ့ကာကွယ်ရေးရဲဘော်တစ်ဦးကပြောသည်။

Public Service Announcement

Public Service Announcement

Public Service Announcement
Public Service Announcement

” မနေ့က ရွာထဲကနေ ပြည်သူပိုင်ပစ္စည်းတွေကို ကားနှစ်စီးနဲ့ တိုက်သယ်သွားတယ်။ အခုက ဆယ်ရွာထက်မနည်းကို မီးရှို့မယ်လို့သတင်းတွေထွက်နေတယ်”ဟုပြည်သူ့ကာကွယ်ရေးရဲဘော်တစ်ဦးကပြောသည်။

စစ်ကောင်စီတပ်သည်နနွင်းကိုင်းရွာနှင့် ကပ်လျက်ရှိသော ရွှေတချောင်းရွာ၊ ဆူလေကုန်းရွာတို့ကိုလည်း မီးရှို့ဖျက်ဆီးခဲ့သည်။ မြောင်မြို့နယ်တစ်နယ်လုံးတွင် စစ်ဘေးရှောင်နေရသူ နှစ်သောင်းနီးပါးရှိနေပြီဟု CDSOMက သတင်းထုတ်ပြန်ထားသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

နေအိမ်၃၀ခန့် မီးလောင်ပျက်စီးပြီး စစ်​ကြောင်းထနောင်းပင်လဲရွာမှာတပ်စွဲ​နေ

သတင်း

ကချင်ပြည်နယ်၊ ဗန်းမော်မြို့နယ် ၃မိုင်ကျေးရွာရှိ ကချင်နှစ်ခြင်းခရစ်ယာန်အဖွဲ့ချုပ်(KBC) ဘုရားကျောင်းနဲ့ လူနေအိမ်များကို မီးရှို့ဖျက်ဆီးခဲ့တဲ့ အာဏာသိမ်းစစ်တပ်ရဲ့ လုပ်ရပ်ကို ပြင်းပြင်းထန်ထန် ကန့်ကွက်ရှုတ်ချကြောင်း ကချင်လူ့အခွင့်အရေးစောင့်ကြည့်အဖွဲ့(KHRW)က ဒီကနေ့ အောက်တိုဘာ ၁၅ရက်မှာ ထုတ်ပြန်ပါတယ်။

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

Facebook