ကြာအင်းဆိပ်ကြီးမြို့နယ် ဘုရားသုံးဆူ-သံဖြူဇရပ်လမ်းပေါ်တွင်ရှိသော လွတ်ရှမ်းကျေးရွာအတွင်းသို့ ယနေ့ နံနက်အစောပိုင်းကစ၍ စစ်ကောင်စီတပ်က လက်နက် ကြီးနှင့်အဆက်မပြတ်ပစ်ခတ်ခဲ့ပြီး လေကြောင်းကပါ တိုက်ခိုက်ခဲ့သည်ဟု ဒေသခံများထံမှ သိရသည်။
ကေအဲန်ယူ-ကရင်အမျိုးသားအစည်းအရုံး တပ်မဟာ(၆)နယ်မြေ ဝင်းရေမြို့နယ်အတွင်းတွင်ရှိသည့် လွတ်ရှမ်းကျေးရွာတွင် ယနေ့ နိုဝင်ဘာလ(၁၅)ရက် မနက်အစောပိုင်းကစပြီး စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော်(KNLA)တို့အကြား ထိတွေ့ပစ်ခတ်မှုဖြစ်ခဲ့သည်ဟု သိရသည်။
ဒေသခံများ၏ ပြောဆိုချက်အရ လွတ်ရှမ်းကျေးရွာတွင် တပ်စွဲထားသော စစ်ကောင်စီဂိတ်စခန်းကို KNLA ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့ရာကနေ ထိတွေ့တိုက်ပွဲများဖြစ်ခဲ့ပြီး စစ်ကောင်စီတပ်ဘက်က သံဖြူဇရပ်အမြောက်တပ်နှင့် အနန်းကွင်းမှာရှိသော စစ်ကောင်စီဗျူဟာကနေ လက်နက်ကြီးဖြင့် အဆက်မပြတ်ပစ်ခတ်ခဲ့သည်ဟု သိရသည်။
ထို့အပြင် စစ်ကောင်စီဘက်က လေကြောင်းဖြင့်ပါ တိုက်ခိုက်မှုများ လုပ်ဆောင်ခဲ့သည်ဟု ကနဦးသတင်းအရ သိရသည်။
Public Service Announcement
လက်ရှိအချိန်ထိလည်း ပစ်ခတ်သံများဆက်လက်ရှိနေသေးပြီး ပစ်ခတ်မှုကြောင့် ထိခိုက်မှုအခြေအနေများအား ဆက်လက်စုံစမ်းနေဆဲဖြစ်သည်။
