ဖားကန့်ကျောက်ဝိုင်းအနီးတွင် ယမန်နေ့(နိုဝင်ဘာလ ၂၂ရက်) ညနေက အမျိုးသားတစ်ဦး သေနတ်ဖြင့်အနီးကပ်ပစ်ခတ်အသတ်ခံရသည်။
ဖားကန့်မြို့နယ် လုံခင်းကျေးရွာမှ အမျိုးသားတစ်ဦးသည် ယမန်နေ့ည ၇နာရီခန့်တွင် လုံးခင်းကျောက်ဝိုင်းအနီး သေနတ်ဖြင့် ပစ်သတ်ခံရခြင်းဖြစ်ကြောင်း ဒေသခံများကပြောသည်။
“ဆိုင်ကယ်နဲ့အိမ်ပြန်လာတာကိုနောက်ကနေဆိုင်ကယ်နဲ့လိုက်လာပြီး ခေါင်းကိုတည်ပစ်သွားတာ။ နေရာမှာတင်သေဆုံးသွားတယ်” ဟုလုံးခင်းကျေးရွာဒေသခံတစ်ဦးကပြောသည်။
သေဆုံးသူသည် အသက် ၂၈နှစ်အရွယ်အမျိုးသားတစ်ဦးဖြစ်သည်။ မည်သည့်အတွက်ကြောင့်အသတ်ခံရသည်နှင့် မည်သူကသတ်ဖြတ်သွားသည်ကို မသိရသေးပေ။
ဖားကန့်တွင် လုယက်မှုများ၊လုပ်ကြံသတ်ဖြတ်မှုများမကြာခဏဖြစ်နေကြောင်းဒေသခံများကပြောသည်။