ဖားကန့်တွင် ယမန်နေ့က တိုက်ပွဲ၌စစ်ကောင်စီကပစ်ခတ်သည့် လက်နက်ကြီးသည် စစ်ဘေးရှောင်များ ခိုလှုံနေသည့် ဆန်ခါကျေးရွာဓမ္မာရုံတည့်တည့်ကိုကျရောက်ပေါက်ကွဲခဲ့ကြောင်းဒသခံများကပြောသည်။
လတ်တလောဒေသတွင်းစစ်ရေးအခြေအနေကြောင့်နေအိမ်ကိုစွန့်ခွာက ဘုန်းကြီးကျောင်းဓမ္မာရုံတွင် ခိုလှုံနေစဥ် စစ်ကောင်စီတပ်က ဘုန်းကြီးကျောင်းဝန်းကျင်ကိုလက်နက်ကြီးဖြင့် ပစ်ခတ်ခဲ့ခြင်းဟု ဒေသခံများကပြောသည်။
“ဓမ္မာရုံထဲမှာကလေးတွေလည်းရှိတယ်။ရမ်းသမ်းပစ်နေတာ တစ်ချိန်လုံးပဲ။ စစ်ဘေးရှောင်ရာချီအထိရှိတယ်။လူတွေမထိတာ တော်တော် ကံကောင်းတယ်”ဟု ဖားကန့်ဒေသခံတစ်ဦးကပြောသည်။
စစ်ကောင်စီက လက်နက်ကြီးဖြင့်ပစ်ခတ်နေ၍ပြည်သူများလုံခြုံရေးသတိဖြင့် နေကြရန်ဖားကန့်မြို့နယ်ပြည်သူ့လွှတ်တော်ကိုယ်စားလှယ်ဦးအောင်ဟိန်းမင်းကသတိပေး ထားသည်။
Public Service Announcement
ဖားကန့်မြို့နယ်၊လုံခင်းကျေးရွာအုပ်စု မှော်ပုံကျေးရွာအနီးတွင် စစ်ကောင်စီတပ်ဖွဲ့ဝင် သုံးဦးကို KIA ၊ PDF ပူးပေါင်းအဖွဲ့က ယမန်နေ့(ဒီဇင်ဘာလ ၅ရက်)နေ့လည်က ဖမ်းဆီးလိုက်ပြီးနောက် စစ်ကောင်စီကနောက်မှလိုက်လာပြီးထိုးစစ်ဆင်လာဖြစ်ကြောင်း တော်လှန်ရေးအင်အားစုများကပြောသည်။
လက်ရှိတွင် ဖားကန့်မြို့နယ်အတွင်း KIA ၊ PDF ပူးပေါင်းအဖွဲ့နှင့် စစ်ကောင်စီတပ်တို့ကြားစစ်ရေးတင်းမာနေသည်။
