ကရင်အမျိုးသားအစည်းအရုံး(KNU) တပ်မဟာ(၅)နယ်မြေ ဖာပွန်ခရိုင် လူသောမြို့နယ်ရှိ ထော်မူပလယ်မဲ စစ်ကောင်စီတပ်စခန်းအား ဒီဇင်ဘာ ၂၁ရက် နံနက်က ခြုံခိုတိုက်ခိုက်ခဲ့ရာ စစ်ကောင်ဏီတပ်မှ သုံးဦးသေဆုံးပြီး တစ်ဦးဒဏ်ရာရရှိခဲ့ကြောင်း တပ်မဟာ(၅)က သတင်းထုတ်ပြန်သည်။
ဒီဇင်ဘာ ၂၁ရက်က တပ်မဟာ(၅)နှင့် စစ်ကောင်စီတပ် တိုက်ပွဲလေးကြိမ်ဖြစ်ပွားခဲ့ရာ နံနက် ၉နာရီခွဲတွင်လည်း ထော်မူပလယ်မဲ့ စခန်းကို တိုက်ခိုက်ခဲ့ခြင်းဖြစ်သည်ဟု ဆိုသည်။
ဒီဇင်ဘာ ၂၁ရက် နံနက် ၁၀နာရီကျော်အချိန်တွင် လူနာပြန်လည်ပို့ဆောင်နေ့သည့် စစ်ကောင်စီ တပ်အား ဒွယ်လိုးမြို့နယ်အတွင်းရှိ ထီးဂေလေါ်နှင့် မြေနီကုန်းအကြား၌ ခြုံခိုတိုက်ခိုက်ခဲ့ကြောင်း ထုတ်ပြန်ခဲ့ပြီး ယင်းတိုက်ပွဲ၌ စစ်ကောင်စီတပ်မှ ထိခိုက်ကျဆုံးအခြေအနေ မသိရသေးကြောင်း ဖော်ပြသည်။
ယင်းနေ့ နံနက်အစောပိုင်းကလည်း မြေနီကုန်းနှင့် ကူးဆိပ်အကြားရှိ အကြမ်းဖက်စစ်ကောင်စီတပ်အား တစ်ကြိမ် တိုက်ခိုက်ခဲ့သည်ဟု ဆိုသည်။
Public Service Announcement
ထို့ပြင် မွန်းလွဲပိုင်း၌ ဘူးသိုမြို့နယ်ရှိ ကောကာ့ထာ့ဒေသတွင် စစ်ကောင်စီတပ်ကို တပ်မဟာ(၅)က ခြုံခိုတိုက်ခိုက်ခဲ့သည်ဟု ထုတ်ပြန်သည်။
အဆိုပါ တိုက်ခိုက်မှုများအတွင်း KNLAတပ်မဟာ(၅)ရဲဘော်များ ထိခိုက်ကျဆုံးမှုမရှိဟု အသိပေးထားသည်။
တပ်မဟာ(၅)နယ်မြေတွင် စစ်ကောင်စီတပ်စခန်းနှင့် စစ်ကြောင်းများကို KNUတပ်မဟာ(၅) တပ်ဖွဲ့ဝင်များက ပြောက်ကျားနည်းဖြင့် တိုက်ခိုက်မှုများနေ့စဉ်လုပ်ဆောင်လျက်ရှိရာ စစ်ကောင်စီတပ်က သေဆုံးထိခိုက်မှုများ ရှိခဲ့သည်။
