စစ်ကိုင်းတိုင်း အင်းတော်မြို့နယ် မဲဇာကျေးရွာအနီး၌ ဒီဇင်ဘာ ၂၇ရက် နံနက်ပိုင်းက တိုက်ပွဲဖြစ် ပွားခဲ့ရာ စစ်ကောင်စီတပ်က လေကြောင်းမှ တိုက် ခိုက်ခဲ့ကြောင်း ကချင်လွတ်လပ်ရေးတပ်မတော် (KIA) သတင်းပြန်ကြားရေးဌာနက သတင်းဖော်ပြသည်။
မဲဇာတောင်တွင် တပ်စွဲနေရာယူနေသည့် စစ်ကောင်စီတပ်က စစ်ရေးလှုပ်ရှားမှု ပြုလုပ်လာစဉ် KIA/KPDF ပူးပေါင်းတပ်နှင့် ထိပ်တိုက်တွေ့ဆုံခဲ့၍ နှစ်ဖက်ပြင်းထန်စွာ ဖြစ်ပွားခဲ့သည်ဟု ဆိုသည်။
စစ်ကောင်စီတပ်က ဂျက်လေယာဉ်အသုံးပြု ဗုံးကြဲတိုက်ခိုက်ခဲ့ကြောင်း ဖော်ပြခဲ့ပြီး နှစ်ဖက်ထိခိုက်ကျဆုံး အခြေအနေကို ဖော်ပြမထားပေ။
အင်းတော်တွင် တပ်စွဲနေရာယူထားသည့် စစ်ကောင်စီတပ်ကလည်း အနီးဝန်းကျင်သို့ လက်နက်ကြီး ရမ်းသမ်းပစ်ခတ်မှု ဆက်တိုက်လုပ်ဆောင်ခဲ့ပြီး အရပ်သားပြည်သူများ နေအိမ်အနီး ကျရောက် ပေါက်ကွဲခဲ့သည်ဟု KIAက ဆိုသည်။
Public Service Announcement
အင်းတော်ဒေသခံ PDFက မဲဇာရွာအနီး တိုက်ပွဲ စစ်ကောင်စီတပ်က သေဆုံးထိခိုက်များပြားခဲ့ကြောင်း ယမန်နေ့တွင် ပြောကြားထားသည်။
ရှမ်းမြောက် KIA တပ်မဟာ(၆)၊ တပ်ရင်း(၃၆) နယ်မြေတစ်ဝိုက် မုံးကိုးဒေသတွင်လည်း စစ်ကောင်စီတပ်က ဒီဇင်ဘာ ၂၆ရက်တွင် ထိုးစစ်ဆင်တိုက်ခိုက်မှုလုပ်ဆောင်ခဲ့ပြီး ဗုံးကြဲတိုက်ခိုက်မှုလည်းရှိခဲ့ကြောင်း KIAသတင်းပြန်ကြားရေးဌာနက ဖော်ပြသည်။
