နေပြည်တော်၊ ရန်ကုန်နဲ့မန္တလေးမှာ နှစ်သစ်ကူးညအတွက် ညမထွက်ရအမိန့် စစ်ကောင်စီရုတ်သိမ်း

နေပြည်တော်၊ ရန်ကုန်နဲ့ မန္တလေးမြို့ကြီးတွေမှာ နှစ်သစ်ကူး ပွဲကျင်းပဖို့ဆိုပြီး စစ်ကောင်စီ က ဒီဇင်ဘာလ၃၁ ရက် တစ်ညသာ ညမထွက်ရအမိန့်ကို ရုတ်သိမ်းလိုက်ပါတယ်။

နှစ်သစ်ကူးပွဲကိုနေပြည်တော်မှာဆိုရင် ရေပန်းဥယျာဉ် ၊ရန်ကုန် မှာ ပြည်သူရင်ပြင်နဲ့ မန္တလေးမှာ မန္တလာသီရိအားကစားကွင်း တွေမှာ စည်ကားအောင်ကျင်းပဖို့စစ်ကောင်စီက စီစဉ်ထားတာပါ။

လူစည်ကားအောင် စတိတ်ရှိုးအပြင် မီးရှုး မီးပန်းပစ်ဖောက်မယ့်အစီအစဉ်တွေကို စစ်ကောင်စီက စီစဉ်ထားပြီး ညမထွက်ရအမိန့်ကိုပါ တပါတည်း ခေတ္တရုတ်သိမ်းပေးပါသေးတယ်။

ဒီလို ညမထွက်ရအမိန့်ကို ရုတ်သိမ်းပြီး နှစ်သစ်ကူးပွဲကျင်းပတာဟာ မူမမှန်ဘူးလို့ တော်လှန်ရေးအဖွဲ့တွေက ထုတ်ဖော်ပြောဆိုထားကြပါတယ်။

Public Service Announcement

ပြီးခဲ့တဲ့ ရက်ပိုင်းက ရန်ကုန် ကျောက်မြောင်းပွဲဈေးမှာ ဗုံးပေါက်ကွဲတာမျိုး ရှိခဲ့ပြီး စစ်ကောင်စီက PDF လက်ချက်လို့စွပ်စွဲထားပါတယ်။

ဒါကြောင့် လာမယ့်နှစ်သစ်ကူးမှာ လူစည်ကားရာနေရာတွေမှာပေါက်ကွဲမှု ဖြစ်နိုင်ခြေရှိပြီး တော်လှန်ရေးကို ပုံဖျက်တာတွေရှိလာနိုင်တယ်လို့လည်း တော်လှန်ရေးအင်အားစုတွေက အသိပေးထားကြပါတယ်။

ရန်ကုန်မြို့အခြေစိုက် အမေရိကန်သံရုံးနဲ့ ဗြိတိန်သံရုံးတွေကလည်း အထင်ကရ ရုံးပိတ်ရက်တွေမှာ ပစ်မှတ်ထားတိုက်ခိုက်မှုတွေ ဖြစ်လာနိုင်လို့လူစည်ကားရာနေတွေကိုရှောင်ရှားကြဖို့ ပြီးခဲ့တဲ့ ရက်ပိုင်းကသတိပေးထားပါတယ်။