Connect with us

Hi, what are you looking for?

LuduNwayOo

သတင်း

ကျားသစ်နက်စစ်ကြောင်း သင်တန်းဆင်းပွဲတွင် NUG လက်နက်များတပ်ဆင်ပေးအပ်

အမျိုးသားညီညွတ်ရေးအစိုးရအနေဖြင့် မကြာသေးမီကလည်း ကော်ဘရာ စစ်ကြောင်းနှင့် ဒေါနစစ်ကြောင်း၏ စစ်သင်တန်းဆင်းပွဲများ၌ ရဲဘော်များအား လက်နက်များ ပေးအပ်ခဲ့သည်။

ဓာတ်ပုံ - ကျားသစ်နက် စစ်ကြောင်း
ဓာတ်ပုံ - ကျားသစ်နက် စစ်ကြောင်း

တောင်ပိုင်းစစ်ဒေသ၊ စစ်ဒေသခွဲအမှတ် (၃)ရှိ ပြည်သူ့ကာကွယ်ရေးတပ်မတော် ကျားသစ်နက်စစ်ကြောင်း၏ မွမ်းမံသင်တန်းဆင်းပွဲအခမ်းအနားကို ယနေ့ ကျင်းပခဲ့ရာ အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနက လက်နက်များ တပ်ဆင်ပေးအပ်ခဲ့သည်ဟု တောင်ပိုင်းစစ်ဒေသက သတင်းထုတ်ပြန်သည်။

အဆိုပါ သင်တန်းဆင်းပွဲ အခမ်းအနားတွင် သင်တန်းဆင်းရဲဘော်များသည် သင်တန်းကွင်းတွင် ချီတက်နေရာယူကာ အလေးပြု သစ္စာဆိုခဲ့ပြီး စစ်ဒေသခွဲအမှတ် (၃)ရှိ တာဝန်ရှိသူများမှ အမျိုးသားညီညွတ်ရေးအစိုးရ၊ ပြည်ထောင်စုဝန်ကြီးချုပ်ပေးပို့သည့် သဝဏ်လွှာနှင့် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီး ပေးပို့သည့် သဝဏ်လွှာများကို ဖတ်ကြားခဲ့ကြောင်း ထုတ်ပြန်သည်။

ကျားသစ်နက်စစ်ကြောင်း၏ မွမ်းမံသင်တန်းဆင်းရဲဘော်များမှ လက်နက်ကိုင်တွယ် ဖြုတ်တတ်မှုများ အပါအဝင် စစ်ရေးဆိုင်ရာ လှုပ်ရှားမှုများ ၊ VIP ကာကွယ်မှု သက်တော်စောင့်များ၏ ဗျူဟာများ နှင့် စစ်ပွဲအတွင်း အရေးပေါ် အခြေအနေများတွင် လူနာသယ်ယူရန် နည်းလမ်းများ စသည်တို့ကို သရုပ်ဖော်ပြသခဲ့ကြသည်ဟု ဆိုသည်။

တောင်ပိုင်းစစ်ဒေသ၊ စစ်ဒေသခွဲ အမှတ် (၃)မှ ဒု-စစ်ဒေသမှူး စောရှားမှ ဂုဏ်ပြုမိန့်ခွန်းပြောကြားခဲ့ပြီး ကာကွယ်ရေးဝန်ကြီးဌာနမှ တပ်ဆင်ပေးသည့် လက်နက်များ ပေးအပ်ခဲ့ကြောင်း၊ ထို့ပြင် ပြည်ထောင်စုဝန်ကြီးချုပ်မှ ပေးပို့သည့် ဂုဏ်ပြုငွေ (၁၀) သိန်းကျပ်ကိုလည်း သင်တန်းဆင်းရဲဘော်များအား ပေးအပ်ခဲ့ကြောင်း ထုတ်ပြန် သည်။

အမျိုးသားညီညွတ်ရေးအစိုးရအနေဖြင့် မကြာသေးမီကလည်း ကော်ဘရာ စစ်ကြောင်းနှင့် ဒေါနစစ်ကြောင်း၏ စစ်သင်တန်းဆင်းပွဲများ၌ ရဲဘော်များအား လက်နက်များ ပေးအပ်ခဲ့သည်။

You May Also Like

သတင်း

ဇန်နဝါရီ ၂၅ ရက်ကလည်း ယမ်းချက်ရင်း မတော်တဆဖြစ်ကာ ရဲဘော်တစ်ဦး မီးလောင်ဒဏ်ရာပြင်းထန်ပြီး တစ်ဦးမှာ လက်နှင့်မျက်နှာ အနည်းငယ်ထိခိုက်ခဲ့ကြောင်းသိရသည်။

သတင်း

ယနေ့ တိုက်ပွဲအတွဗင်း ရန်သူ့တပ်သားနှင့်ပျုစောထီး (၂၀)ဦးခန့် သေဆုံးခဲ့ပြီး ပြည်သူ့ကာကွယ်ရေးရဲဘော်(၂)ဦး ကျဆုံးခဲ့ကြောင်း အသိပေးထားသည်။

သတင်း

ဖြစ်စဥ်အရ ဇန်နဝါရီ ၃၀ ရက် ညနေ ၆နာရီ ၁၅ မိနစ်ခန့်တွင် ခလရ (၂၇၄)တပ်ရင်းမှ ထိုးစစ်ဆင် လာသည့် စစ်ကောင်စီတပ်သားများထဲမှ တပ်သားတစ်ဦးသည် ဂန့်ဂေါခရိုင်တပ်ရင်း (၈) ကင်းပုန်းဝပ်နေသော နေရာသို့ နယ်ကျွံလာခဲ့ခြင်းဟု ဆိုသည်။

သတင်း

ထို့ပြင် နိုင်ငံ့ဝန်ထမ်း CDMသူရဲကောင်းများဖြစ်သည့် နေ့စားဝန်ထမ်းများ (အချိန်ပိုင်းနည်းပြ၊ သရုပ်ပြများ အပါအဝင်)ကို ယနေ့မှစ၍ အမြဲတမ်းဝန်ထမ်းများအဖြစ် အတည်ပြုခန့်ထားကြောင်း ကြေညာသည်။