ဖားကန့်မြို့ နယ်၊ မှော်ဆီစာရွာရှိနယ်မြေရဲစခန်း ယနေ့(ဇန်နဝါရီ ၂၅) ညတွင် ဒရုန်းဖြင့်တိုက်ခိုက်ခံရပြီး မီးလောင်ပျက်စီးသွားကြောင်း ဒေသခံများကပြောသည်။
ဖားကန့်မြို့နယ် မှော်ဆီစာကျေးရွာရှိစစ်ကောင်စီရဲစခန်းကို ယနေ့(ဇန်နဝါရီ ၂၅ရက်) ည ၈နာရီခွဲတွင် KIA နှင့် PDF ပူးပေါင်းအဖွဲ့က ဒရုန်းဖြင့် တိုက်ခိုက်ခြင်းဖြစ်သည်ဟုဒေသခံအချို့ကပြောပေမယ့် People’s Spring ကသီးခြားအတည်မပြုနိုင်ပါဘူး။
“ရဲစခန်းမီးလောင်သွားတယ်။KIA နဲ့PDF ပူးပေါင်းအဖွဲ့က ချတာလို့ကြားတယ်။ စစ်ကောင်စီက ရမ်းသမ်းပစ်ခတ်နေတယ်” ဟုဒေသခံတစ်ဦးက ယနေ့ည ၁၀ နာရီကျော်တွင်ပြောသည်။
မီးလောင်သွားသော ရဲစခန်းသည်ဖားကန့်ဒေသ၌အရေးပါသော နယ်မြေရဲစခန်းတစ်ခုဖြစ်သည်။သို့သော် KIAနှင့်PDF ပူးပေါင်းအဖွဲ့က လာတိုက်ခိုက်မည်ကို ကြောက်ရွံကာယင်းစခန်း၌ ရဲတပ်ဖွဲ့ဝင်များမနေရဲတော့ဘဲ စစ်ကောင်စီတပ်ထဲတွင် သွားရောက်နေထိုင်ကြသည်ဟု ဒေသခံများကပြောသည်။
Public Service Announcement
ဇန်နဝါရီလ ၄ရက်ကလည်း ဖားကန့်ထွေအုပ်ရုံး RPG ဖြင့်အပစ်ခံရပြီး ဝန်ထမ်းတစ်ဦးသေဆုံးခဲ့သည်။
