Connect with us

Hi, what are you looking for?

သတင်း

အုပ်ချုပ်ရေးမှူးမိသားစုဝင် ၇ ဦး အစုလိုက်အသတ်ခံရမှု ပုလော PDF ရှုတ်ချ

အမျိုးသမီးတွေနဲ့အသက်မပြည့်သေးတဲ့ ကလေးငယ်တွေပါ ပါဝင်တဲ့အတွက် အစုလိုက် အပြုံလိုက် လူမဆန်စွာ သတ်ဖြတ်မှုဖြစ်တယ်လို့ ပုလော PDF က ဆိုထားပါတယ်။

အုပ်ချုပ်ရေးမှူးမိသားစုဝင် ၇ ဦး အစုလိုက်အသတ်ခံရမှု ပုလော PDF ရှုတ်ချ
အုပ်ချုပ်ရေးမှူးမိသားစုဝင် ၇ ဦး အစုလိုက်အသတ်ခံရမှု ပုလော PDF ရှုတ်ချ

တနင်္သာရီတိုင်း၊ မြိတ်ခရိုင်၊ ပုလောမြို့နယ် မှာ စစ်ကောင်စီခန့် အုပ်ချုပ်ရေးမှူး မိသားစု ၇ ဦး သတ်ဖြတ်ခံရတဲ့ဖြစ်စဉ်ကို ပြင်းပြင်းထန်ထန် ရှုတ်ချတယ်လို့ ပုလော PDF က ပြောလိုက်ပါတယ်။

အမျိုးသမီးတွေနဲ့အသက်မပြည့်သေးတဲ့ ကလေးငယ်တွေပါ ပါဝင်တဲ့အတွက် အစုလိုက် အပြုံလိုက် လူမဆန်စွာ သတ်ဖြတ်မှုဖြစ်တယ်လို့ ပုလော PDF က ဆိုထားပါတယ်။

ဖေဖော်ဝါရီလ ၁၁ ရက် ည ၈ နာရီခွဲက ပုလောမြို့နယ် ၊ပလောက်မြို့ ၊ကျောက်လုံးကြီးကျေးရွာအုပ်စု ၊အလယ်ကုန်းကျေးရွာ ရဲ့ စစ်ကောင်စီခန့် အုပ်ချုပ်ရေးမှူး ဦးမြင့်အောင်ရဲ့ နေအိမ်ကို လက်နက်ကိုင် လူတစ်စု ရောက်လာပြီး ကလေးငယ်တွေ အပါအဝင် မိသားစုဝင် ၇ ဦးကိုသတ်ဖြတ်သွားတာပါ။

Public Service Announcement
Public Service Announcement

လူသတ်မှု ဖြစ်ပွားခဲ့တာကို ကြားသိရပြီး အစုလိုက် အပြုံလိုက် လူမဆန်စွာ သတ်ဖြတ်သွားတဲ့ လူသတ်မှုနဲ့ပတ်သက်မှုမရှိဘူးလို့ ပုလော PDF က ဒီနေ့ မှာ ထုတ်ပြန်အသိပေးလာပါတယ်။

Public Service Announcement

Public Service Announcement

ပုလော PDF ဟာ ပြည်သူ့ကာကွယ်ရေးတပ်မတော် ၊ NUG အစိုးရ လက်အောက်ခံတပ်ဖြစ်ပြီး အရပ်သားတွေ ၊အမျိုးသမီးတွေနဲ့ ကလေးသူငယ်တွေအပေါ် မည်သို့ ပြုမှုဆက်ဆံရမှာကိုလေ့ကျင့်သင်ကြားထားပြီးဖြစ်တယ်လို့လည်း ထုတ်ပြန်ချက်မှာ ဖော်ပြထားတာတွေ့ရပါတယ်။

စစ်ကောင်စီလော်ဘီ လူမှုကွန်ရက်မှာတွေမှာ လူသတ်မှုကို PDF က ကျုးလွန်တာလို့ စွပ်စွဲထားကြပါတယ်။

လူသတ်မှုဖြစ်ပွားတဲ့ညမှာ အုပ်ချုပ်ရေးမှူး ဦးမြင့်အောင်ဟာ နေအိမ် မှာ ရှိမနေဘဲ. ဦးမြင့်အောင်ရဲ့ ဇနီး ၊သမီးနဲ့ မြေးမြစ်သူ ကလေးငယ်တွေအပါအဝင် မိသားစု ၇ ဦးလုံးအသတ်ခံရတာပါ။

ဆက်စပ်သတင်းများ

သတင်း

တနင်္သာရီတိုင်း သရက်ချောင်းမြို့နယ်နဲ့ ပုလောမြို့နယ်တွေက ကျေးရွာတွေကို အာဏာသိမ်းစစ်တပ်က ဒရုန်း၊ လက်နက်ကြီးတွေနဲ့တိုက်ခိုက်မှုဆက်လက်ပြုလုပ်ခဲ့လို့ အရပ်သား ပြည်သူတွေ ဒဏ်ရာရတာ နေအိမ်တွေပျက်စီးတာ ရှိခဲ့ကြောင်း ကရင်အမျိုးသားအစည်းအရုံး(KNU) မြိတ်ထားဝယ်ခရိုင် တပ်မဟာ(၄)က သတင်းထုတ်ပြန်ပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

သတင်း

ပြည့်သူ့ကာကွယ်​ရေးတပ်မ​တော်(PDF)၊အထူးတိုင်းစစ်ဌာန သုံ့ပန်းစခန်းမှာ ပေးအပ်တဲ့တာဝန်တွေကို ကျေပွန်အောင်ထမ်းဆောင်ခဲ့တဲ့ စစ်သုံ့ပန်း ၁၆ ဦးကို သူတို့ရဲ့ဆန္ဒအလျောက် ပြည်သူ့ကာကွယ်ရေးတပ်မတော်သားတွေအဖြစ် တာဝန်ထမ်း‌ ဆောင်ခွင့် ပြုလိုက်တယ်လို့အမျိုးသားညီညွတ်ရေးအစိုးရ (NUG)ကာကွယ်ရေးဝန်ကြီးဌာနက သတင်းထုတ်ပြန်ပါတယ်။

သတင်း

စစ်တပ်က အင်း​တော်မှာပြည်သူ ၁ဦးကိုသတ်ပြီး ၁ ဦးကိုဖမ်း​​ခေါ်သွား