Connect with us

Hi, what are you looking for?

သတင်း

ကသာတွင် သက်ကြီးရွယ်အိုတစ်ဦးကို စစ်ကောင်စီတပ် ဖမ်းဆီးရိုက်နှက်

ထွက်ပြေးလွတ်​​​မြောက်လာသူမှာ အသက် (၇၀)အရွယ် သက်ကြီးရွယ်အိုတစ်ဦးဖြစ်သည်။ရပ်မိ၊ ရပ်ဖများအဖြစ် လိမ်လည်ခေါ်ခြင်းဖြစ်ကာ ပြည်သူ့ကာကွယ်ရေးတပ်ဖွဲ့များကို ငွေကြေးထောက်ပံ့သူဟု စစ်ကောင်စီက စွပ်စွဲပြီး ရိုက်နှက်ခဲ့ခြင်းဟု သိရသည်။

(မိုးတားလေးတိုက်နယ်ရွာတွင် စစ်တပ်၏ မီးရှို့မှုကြောင့် မီးလောင်နေသည့် နေအိမ်တစ်လုံးကို မီးငြှိမ်းသတ်နေသည်ကို ၂၀၂၁နိုဝင်ဘာ ၉ရက်က တွေ့ရစဉ်။ဓာတ်ပုံ-ပေးပို့)
(မိုးတားလေးတိုက်နယ်ရွာတွင် စစ်တပ်၏ မီးရှို့မှုကြောင့် မီးလောင်နေသည့် နေအိမ်တစ်လုံးကို မီးငြှိမ်းသတ်နေသည်ကို ၂၀၂၁နိုဝင်ဘာ ၉ရက်က တွေ့ရစဉ်။ဓာတ်ပုံ-ပေးပို့)

စစ်ကိုင်းတိုင်း ကသာမြို့နယ် မိုးတားလေးကျေးရွာတပ်စွဲထားသည့် စစ်ကောင်စီတပ်က ၎င်းတို့အား ရပ်မိ၊ ရပ်ဖငါးဦး လာတွေ့ရန် ခိုင်းစေ၍ သက်ကြီးရွယ်အို ငါးဦးက သွားတွေ့ရာ တစ်ဦးကို ရိုက်နှက်နှိပ်စက်ခဲ့ကြောင်း ပြည်သူ့ကာကွယ်ရေးတပ်ဖွဲ့မှ တာဝန်ရှိသူတစ်ဦးက ပြောသည်။

မိုးတားလေးရွာနှင့် ထိစပ်နေသော မြေနုကျေးရွာမှ ရပ်မိ၊ ရပ်ဖငါးဦးကို စစ်ကောင်စီတပ်က ဖေဖော်ဝါရီ ၁၄ရက်တွင် ခေါ်တွေ့ပြီး တစ်ဦးကို ဖမ်းဆီးရိုက်နှက်ခဲ့​ခြင်းဟု သတင်းရရှိသည်။

“မြေနုရွာက ရပ်မိ၊ရပ်ဖ ငါးယောက်လာဆိုလို့ သွားတာ။ တစ်ယောက်ကို ဖမ်းပြီး ရိုက်နှက်တယ်။ လေးယောက်ကို ​ပြန်လွှတ်တယ်။ အဖမ်းခံထားရတဲ့သူကို သတ်မယ်ဆိုပြီး ပြောလို့ ညဘက် ထွက်ပြေးလာခဲ့လို့ အသတ်မခံရတာ”ဟု ကသာမြို့နယ် ပြည်သူ့ကာကွယ်ရေးတပ်ဖွဲ့မှ တာဝန်ရှိသူက ပြောသည်။

ထွက်ပြေးလွတ်​​​မြောက်လာသူမှာ အသက် (၇၀)အရွယ် သက်ကြီးရွယ်အိုတစ်ဦးဖြစ်သည်။ရပ်မိ၊ ရပ်ဖများအဖြစ် လိမ်လည်ခေါ်ခြင်းဖြစ်ကာ ပြည်သူ့ကာကွယ်ရေးတပ်ဖွဲ့များကို ငွေကြေးထောက်ပံ့သူဟု စစ်ကောင်စီက စွပ်စွဲပြီး ရိုက်နှက်ခဲ့ခြင်းဟု သိရသည်။

Public Service Announcement

Public Service Announcement

“သူ့ကို တိုင်ထားတာလို့ သိရတယ်။ ရိုက်နှက်ခံရတဲဲ့ ဒဏ်ရာတွေ ရထားပေမယ့် အသက်အန္တရာယ်တော့ စိုးရိမ်စရာမရှိပါဘူး။ အခုတော့ အန္တရာယ်ကင်းတဲ့နေရာကို ပို့ထားပြီးပါပြီ”ဟု ပြည်သူ့ကာကွယ်ရေးရဲဘော်တစ်ဦးက ပြောသည်။

စစ်ကောင်စီတပ်သည် မိုးတားလေးကျေးရွာကို ဇန်နဝါရီ ၁၈ ရက်က လေကြောင်းမှတိုက်ခိုက်ပြီးနောက်ပိုင်း ရွာတွင် တပ်စွဲထားခြင်းဖြစ်သည်။ထိုရက်မတိုင်ခင်က မိုးတားလေး ကျေးရွာအနီးရှိ တိုက်ကုန်းရွာပတ်ဝန်းကျင်တွင် စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်များ တိုက်ပွဲအပြင်အထန်ဖြစ်ခဲ့သည်။

အဆိုပါ တိုက်ပွဲတွင် စစ်ကောင်စီဘက်က အရာရှိအချို့အပါအဝင် ၅၀ဦးအထက် သေဆုံးပြီးနောက် မိုးတားလေးကျေးရွာကို လေကြောင်းမှ ဗုံးကြဲတိုက်ခိုက်ခြင်းဖြစ်ကြောင်း ကသာမြို့နယ် ပြည်သူ့အုပ်ချုပ်ရေးအဖွဲ့မှ တာဝန်ရှိသူတစ်ဦးက People’s Spring သို့ပြောသည်။

စစ်ကောင်စီ၏ လေကြောင်းမှ ပစ်ခတ်မှုကြောင့် မိုးတားလေးကျေးရွာမှ ဒေသခံအရပ်သားခုနစ်ဦး သေဆုံးခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။