Connect with us

Hi, what are you looking for?

သတင်း

စစ်ကောင်စီက အ​ခေါက်​ရွှေကို ပြင်ပ​ပေါက်​ဈေးထက်ကျပ် ကိုး​သောင်း​လျှော့​ရောင်းခိုင်း

ဖေ​ဖော်ဝါရီ ၂၂ ရက်တွင်ပြင်ပပေါက်ဈေးကွက်တွင်အခေါက်ရွှေတစ်ကျပ်သား ၂,၈၆၀,၀၀၀ပေါက်ဈေးရှိ​သော်လည်းစစ်​ကောင်စီကာ၂,၇၉,၀၀၀ကျပ်ဖြင့်​ရောင်းချရန်သတ်မှတ်ခဲ့ခြင်းဖြစ်သည်။

စစ်ကောင်စီက အ​ခေါက်​ရွှေကို ပြင်ပ​ပေါက်​ဈေးထက် ကျပ် ကိုး​သောင်း​လျှော့​ရောင်းခိုင်း
စစ်ကောင်စီက အ​ခေါက်​ရွှေကို ပြင်ပ​ပေါက်​ဈေးထက် ကျပ် ကိုး​သောင်း​လျှော့​ရောင်းခိုင်း

အ​ခေါက်​ရွှေတစ်ကျပ်သားလျှင်ပြင်ပ​ဈေးကွက်တွင် ကျပ် ၂၈သိန်းခွဲ​ကျော်ရှိ​နေ​သော်လည်း စစ်​ကောင်စီကကျပ်ကိုး​သောင်း​ကျော်​လျှော့ ရောင်းချရမည်ဟုယနေ့ဖိအား​ပေးသတ်မှတ်လိုက်သည်။

ဖေ​ဖော်ဝါရီ ၂၂ ရက်တွင်ပြင်ပပေါက်ဈေးကွက်တွင်အခေါက်ရွှေတစ်ကျပ်သား ၂,၈၆၀,၀၀၀ပေါက်ဈေးရှိ​သော်လည်းစစ်​ကောင်စီကာ၂,၇၉,၀၀၀ကျပ်ဖြင့်​ရောင်းချရန်သတ်မှတ်ခဲ့ခြင်းဖြစ်သည်။

ယခငမစစ်ကောင်စီကအခေါက်ရွှေတစ်ကျပ်သား ၂၅သိန်းဖြင့်သာ အမြင့်ဆုံးရောင်းချရမည်ဟု သတ်မှတ်ထားရာမှ ဖေဖော်ဝါရီ ၂၂ရက်မှ စ၍ အထက်ပါနှုန်းအတိုင်းသာရောင်းချရမည်ဖြစ်သည်ဟု စစ်ကောင်စီ၏ ရွှေနှင့်ငွေကြေးဈေးကွက်စောင့်ကြည့်ထိန်းသိမ်း၊ ကြပ်မတ်ရေး လုပ်ငန်းကော်မတီက ဖိအား​ပေး၍သတ်မှတ်လိုက်ခြင်းဖြစ်သည်။

သို့​သော်စစ်ကောင်စီသတ်မှတ်လိုက်သည့်ဈေးနှုန်းမှာလက်တွေ့ ဈေးကွက်အတွင်း အမှန်တကယ်သက်ရောက်မှုမရှိနိုင်ကြောင်း ၊ စစ်​ကောင်စီကို ဆန့်ကျင့်သည့် ရွှေလုပ်ငန်းရှင်များနှင့်ရွှေဆိုင်ပိုင်ရှင်များကို အနိုင်ကျင့်ရန်အတွက်သာ ဖြစ်နိုင်​ကြောင်း ရွှေဆိုင်ပိုင်ရှင်တစ်ဦးကပြောသည်။

Public Service Announcement

Public Service Announcement

“ဈေးကွက်မှာဖြစ်နေတဲ့ ဈေးကို အမိန့်အာဏာနဲ့ သတ်မှတ်ရင် မှောင်ခိုဈေးကွက်ကပေါ်လာမှာပဲ။ ၁၀၀ တန်ပစ္စည်းကို ၈၀နဲ့ရောင်းခိုင်းတာ ဘယ်လို့လုပ် ဖြစ်နိုင်မှာလဲ”ဟု အထက်ပါရွှေဆိုင်ပိုင်ရှင်ကပြောသည်။

​မြန်မာနိုင်ငံတွင် စစ်အုပ်စုအာဏာသိမ်းပြီး ရွှေဈေးနည်းတူ ဒေါ်လာဈေးကိုလည်း တစ်ဒေါ်လာ ၂၁၀၀ကျပ်သတ်မှတ်ခဲ့သည်။ သို့​သော်ပြင်ပပေါက်ဈေးတွင် တစ်ဒေါ်လာကို ၂၈၅၀ကျပ် ယနေ့ပေါက်ဈေးရှိနေသည်။

စစ်အုပ်စုအာဏာမသိမ်ခင်ကည​ရွှေ တစ်ကျပ်သားလျှင် ၁၃ သိန်းကျပ် ၊ ​၁ ​ဒေါ်လာလျှင် ၁၃၀၀ ကျပ်​ကျော်သာရှိခဲ့သည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။