နှစ်ရက်အတွင်း စစ်ကောင်စီတပ်သား ၁၀ဦး ကျော်သေ
နှစ်ရက်အတွင်း စစ်ကောင်စီတပ်သား ၁၀ဦး ကျော်သေစစ်ကိုင်းတိုင်း အင်းတော် – ကသာလမ်းပိုင်းလမ်းလုံခြုံရေးယူရန်လာသည့် စစ်ကောင်စီတပ်သားများနှင့် ယာဉ်တန်းအား ကချင်လွတ်လပ်ရေးတပ်မတော် (KIA)နှင့် ကချင်ဒေသပြည်သူ့ကာကွယ်ရေးတပ် (KPDF)ပူးပေါင်းအဖွဲ့က ကြားဖြတ်တိုက်ခိုက်ခဲ့ရာ စစ်ကောင်စီတပ်က သေဆုံးထိခိုက်ရှိခဲ့ကြောင်း အင်းတော် PDF ရဲဘော်တစ်ဦးက ပြောသည်။
“၂၀ရက်နေ့မှာ KIA က အကိုတွေပြောတာပေါ့နော်။ ၅ယောက်လောက် ပစ်လဲသွားကြတာတဲ့။ နောက်ထပ် ၂၁ရက်နေ့မှာကျတော့ သူတို့ရှေ့မှာ မြင်တာ လေးယောက်လောက်ပစ်လဲသွားတာ နောက်ပြီး ဒဏ်ရာနဲ့ သူတို့လူတွေကို အကူအညီလှမ်းတောင်းနေတာ ကယ်ပါအုံးလှမ်းပြောနေတာတွေကို ကြားနေရတယ်တဲ့”ဟု ၎င်းက ဆိုသည်။
စစ်ကောင်စီတပ် ယာဉ်တန်းလုံခြုံရေးယူရန်လာသည့်စစ်ကောင်စီတပ်များနှင့်စစ်ကောင်စီယာဉ်တန်းအား KIAနှင့်KPDFတပ်ဖွဲ့များမှ မတ်လ၂၀ရက်နှင့်၂၁ရက် တို့တွင် ကြားဖြတ်တိုက်ခိုက်ခဲ့သည်ဟုဆိုသည်။
“အင်းတော် – ကသာလမ်းပိုင်းက ၁၈မိုင်ပဲရှိတာ။ ခဏပဲသွားရတာ။ သူတို့ ပထမရက်က ယာဉ်တန်းမလာခင် လမ်းပိုင်းတွေမှာ သူတို့အရင်ဦးဆုံး လုံခြုံရေးချတာ။ အဲဒီ လုံခြုံရေးချတဲ့ဟာတွေကိုမှ ကြားဖြတ်တိုက်ခိုက်တာ။ နောက်ထပ် ၂၁ရက်နေ့ကျတော့ ယာဉ်တန်းလာတဲ့အခါ ပြန်တိုက်ခိုက်ပြန်တာပေါ့”ဟု အင်းတော် PDF ရဲဘော်က ပြောသည်။
Public Service Announcement
အဆိုပါ တိုက်ခိုက်မှုကြောင့် စစ်ကောင်စီတပ်က သေဆုံးသူ ၁၀ဦးကျော်ရှိပြီး သေဆုံး၊ ဒဏ်ရာရခဲ့သည့် စစ်ကောင်စီတပ်ဖွဲ့ဝင်များအား ကသာ အခြေစိုက် (၃၀၉)တပ်သို့ ခေါ်ဆောင်သွားကြောင်း Indaw Revolution က ဖော်ပြသည်။ KIA၊ KPDF ရဲဘော်များဘက်က ထိခိုက်မှုမရှိ ပြတ်လည် ဆုတ်ခွာနိုင်ခဲ့ကြောင်း အသိပေးထားသည်။
