▪︎ပြည်သူရာချီသေဆုံးခဲ့သောပဇီကြီးရွာစစ်တပ်၏လေကြောင်းတိုက်ခိုက်မှုအပြီး ၂ ရက်အကြာတွင် ကာကွယ်ရေးဦးစီးချုပ်ရုံးရေကစားမဏ္ဍပ်တွင်ရေကစားခဲ့ကြခြင်းဖြစ်
သင်္ကြန်အကြိုနေ့တွင် နေပြည်တော်၌ စစ်ကောင်စီ၏ ကာကွယ်ရေးဦးစီးချုပ်ရုံး ရေကစားမဏ္ဍပ်သို့သွားရောက်ခဲ့သည့်ပိုင်တံခွန်၊ G Fatt နှင့် Floke Rose တို့ကို ပြည်သူများက ပြင်းပြင်းထန်ထန်ဝေဖန်နေသည်။
အာဏာရှင်ဆန့်ကျင်ရေးလှုပ်ရှားမှုများတွင်ပါဝင်ခဲ့သောကြောင့် မတရားဖမ်းဆီးခံရတာ တစ်နှစ်ခန့်အကျဉ်းကျခဲ့သည့် ပိုင်တံခွန် ၊ နွေဦးတော်လှန်ရေးကာလတွင်သူရဲကောင်းတံဆိပ် သီချင်းဖြင့် ပြည်သူများ၏အားပေးမှုရရှိခဲ့သည့် G Fatt နှင့် Floke Rose တို့သည်စစ်အုပ်စု၏ ကာကွယ်ရေးဦးစီးချုပ်ရုံး(ကြည်၊ရေ၊လေ) မိသားစုရေကစားမဏ္ဍပ်၌ ပျော်ရွှင်စွာရယ်မောနေသည့် ဓာတ်ပုံများယနေ့ ပြန့်နှံ့ခဲ့ခြင်းဖြစ်သည်။ ၎င်းတို့နှင့်အတူ အာဏာသိမ်းစစ်တပ်ကို အမာခံထောက်ခံ၍ ဝါဒဖြန်ချီရေးလုပ်ပေးနသော ယုန်လေးကိုလည်းအတူတွေ့ရသည်။ထိုအပြင် ရက်ပ်ပါအဆိုတော် Ice cold ကိုလည်းဓါတ်ပုံများတွင်တွေ့ရသည်။
အဆိုပါ အနုပညာရှင်များ၏ အကောင့်များကို Follow လုပ်ထားသူများအနေဖြင့် Unfollowလုပ်ပေးရန် ဖေ့စ်ဘွတ်ခ်အသုံးပြုသူများက တိုက်တွန်းနေကြသည်။ ပရိတ်သတ်များကို ၎င်းတို့ကို Like လုပ်ထား ၊ Follow လုပ်ထားခြင်းကိုပြန်လည်ပယ်ဖျက်ထားသောပုံများနှင့်လည်း ဖေစ်ဘွခ်ဖြန့်ဝေနေကြသည်ကိုတွေ့ရသည်။
“Floke Rose၊ ပိုင်တံခွန် နဲ့ Gfatt တို့ စကစရဲ့ ကာချုပ်ရုံးသကြင်္န်မှာ တွေ့လိုက်ရတာ အတော့်ကိုရွံဖို့ကောင်းလွန်းတယ် ။မြန်မာဘီယာ ထည့်ထားနဲ့ခွက်ကိုင်ပြီးလူသတ်သမားတွေကိုလက်ဆွဲလိုက်နှုတ်ဆက်နေကြတာ အားနာပုံလေးတောင်တစ်စက်မရှိပျော်ပျော်ရွှင်ရွှင်ပါပဲ။ကန့်ဘလူကကလေးတွေ ရက်တောင်မလည်သေးဘူးငါတို့ကို ထပ်သတ်နိုင်ဖို့ မင်းတို့ကပါ ထပ်ပြီးသွားပံ့ပိုးနေကြပြီနိုင်ငံရေး ၊ တော်လှန်ရေး စောက်ကြီးစောက်ကျယ် သီချင်းတွေထုတ်ပြီး မြန်မာဘီယာခွက်ကြီးကိုင်ထားတဲ့ လူသတ် အားပေး hypocrite တွေ။” ဟု တော်လှန်ရေးရဲဘော်တစ်ဦးက ရေးသားထားသည်။
Public Service Announcement
“ခံဝန်ဘာညာထိုးထားရလို့ဆိုတာ သာမန်အနေထားဆိုရင် နည်းနည်းတော့နားလည်ပေးလို့ရသေးတယ် ။ဒါပေမယ့်ဗျာ အပြစ်မဲ့ပြည်သူ ရာနဲ့ချီ ပြီးအကြောင်းမဲ့သက်သက် တိုက်ခိုက်ခံရပြီးတာမှ ရက်လည်နေထိမရောက်သေးဘူး။— ။ရွံလွန်းလို့” ဟု ပြည်သူတစ်ဦးကလည်းရေသားသည်။
ကန့်ဘလူမြို့နယ် ၊ဇပင်ကြီး ရွာတွင်စစ်တပ်က ဧပြီ ၁၁ ရက်တွင်လေကြောင်းမှ တိုက်ခိုက်မှုကြောင့် ပြည်သူ ၁၆၈ ဦးသေဆုံးပြီး ၊ဒဏ်ရာပြင်းထန်း၍အသက်အန္တရာယ်ရှိသူ ၁၇ ဦး ရှိနေသည်။ကယ်ဆယ်ရေးလုပ်ငန်းများကိုပြုလုပ်နေဆဲဖြစ်ပြီး သေဆုံးသူ အရေအတွက်ထပ်တိုးနိုင်သေးကြောင်း အမျိုးသားညီညွတ်ရေူအစိုးရက ယနေ့ထုတ်ပြန်သည်။
စစ်အုပ်စုက ပြည်သူ ရာချီသေကြေအောင် ဗုံးကြဲပြီး ၂ ရက်အကြာတွင် အထက်ပါအနုပညာရှင်များက စစ်ကောင်စီ၏ကာကွယ်ရေးဦးစီးချုပ်ရုံးရေကစားမဏ္ဍပ်တွင် ရေကစားသွားသဖြင့် ပြည်သူများကဒေါသထွက်နေကြခြင်းဖြစ်သည်။
အဆိုပါဓာတ်ပုံများနှင့် ယင်းအနုပညာရှင်များ၏ ဖျော်ဖြေမှုပုံရိပ်များကိုစစ်ကောင်စီကိုထောက်ခံသည့် အကောင့်များကတင်ထားသည်ကိုလည်းတွေ့ရသည်။
ယင်းအကြောင်းအရာပြန့်နှံ့နေခြင်းသည်စစ်တပ်၏ လေကြောင်းတိုက်ခိုက်မှူကြောင့် ကန့်ဘလူ၌ လူတစ်ရာကျော်အသက်ဆုံးရှုံးခဲ့သော ကိစ္စကို ဖုံးလွှမ်းစေရန် လုပ်ဆောင်ခြင်းဖြစ်သည်ဟု ဖေ့စ်ဘွတ်ခ်အသုံးပြုသူများက သုံးသပ်ထားသည်။
နှင်းဆီလက်ဆောင် ပေ့ခ်ျတွင်လည်း ဝမ်းနည်းမှုကို ကိုယ်စားပြုသည့် နှင်းဆီအနက်ရောင်များကို ပိုင်တံခွန် ၊ G Fatt ၊ Floke Rose တို့အတွက်ပေးထားသည်ကိုတွေ့ရသည်။
” ပိုင်ဆံခွန် အတွက်ဘောဖြေးဖြေး ရှမောရင် ရိုင်ရယ်ဒီသောက် ” ၊ ” စစ်တပ်ဘောကို ပြေးရှူပြီးကြောင်တောင်တောင်တွေ လုပ်နေတာက မင်း ” ” ကျပ်မပြည့်တဲ့ ယုန်စုတ်တော့ မပြောလိုဘူးတိရစ္ဆာန် တွေနဲ့အနေများပြီး ဉာဏ်မမှီတော့တဲ့ပိုင်ကြီးနဲ့ဂျီဖုတ်အတွက် ” စသည့်စာသားများဖြင့် နှင်းဆီအနက်များပေးပို့ထားခြင်းဖြစ်သည်။
ပိုင်တံခွန်သည် ၂၀၂၂ မတ်လတွင် အကျဉ်းထောင်မှပြန်လည်လွတ်မြောက်လာခဲ့ပြီး အနုပညာလှုပ်ရှားမှုများ ပြန်လည်လုပ်ကိုင်နေခြင်းဖြစ်သည်။
G Fatt သည်လွတ်မြောက်နယ်မြေနှင့် ပြည်ပသို့ပင်သွားရောက်နေထိုင်ခဲ့ပြီးနောက် စစ်ကောင်စီထံ ခံဝန်ထိုးကာ ပြန်လည်ဝင်ရောက်ခဲ့ကြောင်း သတင်းများထွက်ပေါ်လာပြီးနောက် ပရိသတ်များရှေ့သို့ ပထမဆုံးပြန်လည်ပေါ်ထွက်လာခြင်းဖြစ်သည်။
” လိပ်ပြာလုံမှ ဝတ်ရဲတဲ့ အင်္ကျီ မို့ မင်းတို့ သုံးယောက် အတွက် ငါ လက်ဆောင်ဝယ်ပေးလိုက်တယ် “ဆိုတဲ့ စကားနဲ့ အတူ ပိုင်တံခွန် ၊ Floke Rose နဲ့ G Fatt အတွက် ” သုည ” ချပ်ဝတ်နီ (၃) ထည် လက်ဆောင် လာဝယ်ပေးသွားပါတယ်။ အိမ်ရှေ့ကို အရောက်ပို့ပေးဖို့လည်း တောင်းဆိုထားပါတယ်။ သူတို့ မဝတ်ရဲဘူးဆိုရင်တော့ အင်္ကျီ မဝယ်နိုင်တဲ့ CDM ဝန်ထမ်း (၃) ဦးကို လက်ဆောင်ပြန်ပေးမှာဖြစ်ပါတယ်။ ” ဟု PDF Loikaw ၏ ဖေ့စ်ဘွတ်ခ်၌ရေးသားထားသည်။
ချပ်ဝတ်နီ အင်္ကျီများမှာ ကရင်နီပြည်နယ်တွင် တိုက်ပွဲဝင်နေသောရဲဘော်များဝတ်ခဲ့သောယူနီဖောင်းများ၏ အင်္ကျီ အစများဖြင့် ဒီဇိုင်လုပ်၍ တော်လှန်ရေးရန်ပုံငွေအတွက်ရောင်းချပေး နေသော လူကြိုက်များသည့်ခေါင်းစွပ်အင်္ကျီများဖြစ်သည်။
