ပြည့်သူ့ကာကွယ်ရေးတပ်မတော်(မန္တလေး)-MPDF ဦးဆောင်သော ပူးပေါင်းတပ်ဖွဲ့က နောင်ချိုမြို့အနီးရှိစစ်ကောင်စီတပ်၏ တပ်မ (၁၁၄)နှင့် (၁၁၅)တို့ကိုယနေ့ နေ့ခင်းပိုင်းတွင် ပစ်ခတ်တိုက်ခိုက်ခဲ့ကြောင်း နောင်ချိုမြို့ခံများက ပြောသည်။
“မနက် ၁၀နာရီလောက်ကဖြစ်နေတာ။ လက်နက်ကြီးသံတွေ ခုထိကိုကြားနေရတယ်”ဟု နောင်ချိုမြို့ခံ တစ်ဦးက ဧပြီ ၂၂ ရက် နေ့လည် ၂ နာရီတွင် ပြောသည်။
MPDF က စစ်တပ်၏ တပ်မ ၁၁၄ နှင့် ၁၀၇ တို့ကို ရှော့တိုက်ဒုံးများဖြင့်ပစ်ခတ် တိုက်ခိုက်ပြီးနောက် စစ်တပ်နှင့်တိုက်ပွဲလည်းဖြစ်ပွားခဲ့ကြောင်းဒေသခံအချို့ကပြောသည်။ရှော့တိုက်ဒုံးဖြင့် ၄ ချက်ပစ်ခတ်သံကြားရပြီး စစ်တပ်ကိုထိမှန်ကြောင်းလည်း ဒေသခံအချိူ့ကပြောသည်။
တိုက်ခိုက်မှုတွင် စစ်တပ်သေဆုံးထိခိုက်မှုအခြေအနေကိုမူ မသိရသေးပေ။
Public Service Announcement
စစ်တပ်တိုက်ခိုက်ခံရပြီးနောကိနံနက် ၁၁နာရီခန့်တွင်စစ်ရဟတ်ယာဥ် နှစ်စီးဖြင့် တိုက်ခိုက်ခံရသော တပ်မ (၁၁၄)၊(၁၁၅)အနီး ဆင်းသက်ခဲ့ကြောင်း ဒေသခံများက ပြောသည်။
ထိုသို့ တိုက်ပွဲဖြစ်ပွားမှုကြောင့် နောင်ချိုမြို့ပေါ်တွင် လက်တလောငြိမ်သက်နေပြီး စျေးဆိုင်များ အားလုံးပိတ်သိမ်းထားကြောင်း ၎င်းတို့က ပြောသည်။
တိုက်ခိုက်ခံရသောတပ်မ ၁၁၄ နှင့် ၁၁၅ သည်နောင်ချိုမြို့နှင့် ကားဖြင့်သွားလျှင်မိနစ်ပိုင်းအတွင်းရောက်ကြောင်းဒေသခံများကပြောသည်။
MPDF နှင့် စစ်ကောင်စီတပ်တို့သည် ဧပြီ ၅ ရက်မှ စ၍တိုက်ပွဲများပြင်းထန်နေရာ ယနေ့အထိ့တိုက်ပွဲများအပြင်းအထန်ဖြစ်ပွားလျှက်ရှိသည်။ဧပြီ ၅ ရက်မှ ဧပြီ ၁၄ ရက်အထိ့တိုက်ပွဲများတွင် စစ်တပ်က လေကြောင်း၊လက်နက်ကြီးအများအပြူအသုံးပြုသလို စစ်သားအင်အား ၉၀၀ ကျော်အသုံးပြုတိုက်ခိုက်သော်လည်းတိုက်ပွဲများတွင် စစ်တပ်မှ အရာရှိများအပါအဝင် ၇၅ ဦးထက်မနည်းသေဆုံးခဲ့ပြီး လက်နက်ခဲယမ်းများသိမ်းဆည်းရမိခဲ့ကြောင်း MPDF က ဧပြီ ၁၅ ရက်တွင်ထုတ်ပြန်ခဲ့သည်။တိုက်ပွဲများတွင် PDF အချို့လည်းကျဆုံးခဲ့သည်။
ဧပြီ ၁၅ ရက်နောက်ပိုင်းတွင်လည်းယနေ့အချိန်ထိတိုက်ပွဲများအပြင်းအထန်ဖြစ်ပွားနေခြင်းဖြစ်သည်။
