ရှမ်းပြည်နယ် မြောက်ပိုင်း၊ နောင်ချိုမြို့နယ်ထဲမှာ စစ်ကောင်စီတပ်နဲ့ မန္တလေး PDF တို့ကြား ၁၈ ရက်အတွင်း တိုက်ပွဲကြီး တိုက်ပွဲငယ် ၂၀ ကျော် ဖြစ်ပွားခဲ့ပါတယ်။
NUG အစိုးရ ကာကွယ်ရေးဝန်ကြီးဌာနရဲ့ စာရင်းအရ ဧပြီလ ၅ ရက်ကနေ ဧပြီလ ၂၂ ရက်အထိ တိုက်ပွဲကြီး ၄ ပွဲနဲ့ တိုက်ပွဲငယ် ၁၈ ပွဲ ဖြစ်ပွားတာလို့သိရပါတယ်။
တိုက်ပွဲဖြစ်ပွားတဲ့ ဒေသဟာ ရှမ်း ပြည်နယ်နဲ့ မန္တလေးတိုင်းအစပ် နောင်ချိုနဲ့ ပြင်ဦး လွင် အကြားမှာဖြစ်ပွားတာပါ။
တိုက်ပွဲအတွင်း စစ်ကောင်စီဘက်က ခြေလျင် ၊ခြေမြန်တပ်တွေ သုံးပြီး အင်အား ၉၀၀ ခန့်နဲ့ တိုက်သလို လေကြောင်းပစ်ကူ ၊လက်နက်ကြီး ပစ်ကူပါ သုံးခဲ့တယ်လို့ NUG ကာကွယ်ရေးဝန်ကြီးဌာနက ဆိုပါတယ်။
Public Service Announcement
တိုက်ပွဲကာလအတွင်း အရပ်သား ၇ ဦး ဆုံးပါးပြီး PDF တပ်ဖွဲ့ဝင် ၁၁ ဦးကျဆုံးတယ်လို့ NUG က ထုတ်ပြန်ပါတယ်။
စစ်ကောင်စီတပ်ဖွဲ့ဝင် ၁၀၀ နီးပါး အကျအဆုံးရှိပြီး ဧပြီလ ၂၂ ရက်က တိုက်ပွဲမှာ အိမ်စီးကားနဲ့ သတင်းလာထောက်လှမ်းတဲ့ ခလရ (၁၄၇) တပ်ရင်းမှူး ဒုဗိုလ်မှူးကြီး မြတ်မင်းထွန်းကို အသေဖမ်းမိခဲ့တယ်လို့လည်း NUG က ဆိုထားပါတယ်။
စစ်ကောင်စီဘက်ကတော့ နောင်ချိုမြို့နယ်ထဲက တိုက်ပွဲတွေနဲ့ပတ်သက်ပြီး တစုံတရာ ထုတ်ပြန်တာမရှိပါဘူး။
