မန္တလေး ၊ အမရပူရမြို့နယ် ထဲက စစ်ကိုင်း − မန္တလေး ကားလမ်းပေါ်မှာရှိတဲ့ Denko စက်သုံးဆီဆိုင်ဟာ ဒီနေ့မနက်အစောပိုင်းက ဓားပြတိုက်ခံလိုက်ရပါတယ်။
မနက် ၂ နာရီခွဲ ဝန်းကျင်မှာ ဆိုင်ကယ် ၂ စီးနဲ့အမျိုးသား ၃ ဦးရောက်လာပြီး ဓားပြတိုက်သွားတာလို့ စစ်ကောင်စီဘက်က သတင်းထုတ်ထားပါတယ်။
အဲဒီအမျိုးသား ၃ ဦးဟာ ဆီဖြည့်မယ်ဆိုပြီး ဆိုင်ထဲဝင်ကာ ဆိုင်မန်နေဂျာအပါအဝင် ဝန်ထမ်း ၃ ဦးကို ဓားထောက်ပြီး ကြိုးတုပ်ကာ ဆီရောင်းရငွေ ကျပ်သိန်း ၂၅၀ ကို လုယက်သွားတယ်လို့ သိရပါတယ်။
ဒါအပြင် ဆိုင်ရဲ့ CCTV မှတ်တမ်းစက်တွေကို တပါတည်းယူဆောင်သွားတယ်လို့ စစ်အုပ်စုရဲ့သတင်းထုတ်ချက်မှာတွေ့ရပါတယ်။
Public Service Announcement
ဓားပြတိုက်ခံရတဲ့ ဆိုင် ဟာ စစ်ကိုင်း − မန္တလေး လမ်းပိုင်း လူစည်ကားရာ နေရာမှာ တည်ရှိတာလည်းဖြစ်ပါတယ်။
