Connect with us

Hi, what are you looking for?

LuduNwayOo

သတင်း

ပေါက်မြို့နယ်တွင် စစ်ကောင်စီရိက္ခာသယ်ယာဥ်တန်းအား ပစ်ခတ်တိုက်ခိုက်

မိုင်းဆွဲတိုက်ခိုက်မှုအား မြိုင်ပကဖ တပ်ရင်း(၁) ခွဲ(၁) ၊ကမ္မကာကွယ်ရေးတပ်ဖွဲ့(KMDF) ၊ တပ်ရင်း (၁) ၊တပ်ခွဲ (၂)တို့ ပူးပေါင်းလုပ်ဆောင်ခဲ့ကြောင်း အသိပေးထားသည်။

(စစ်ကောင်စီ​၏ ရိက္ခာသယ်ယာဉ်တန်းအား ပြည်သူ့ရဲဘော်များ တိုက်ခိုက်နေစဉ်)
(စစ်ကောင်စီ​၏ ရိက္ခာသယ်ယာဉ်တန်းအား ပြည်သူ့ရဲဘော်များ တိုက်ခိုက်နေစဉ်)

မကွေးတိုင်း၊ ပေါက်မြို့မှ စစ်ကောင်စီ​၏ ရိက္ခာသယ်ယာဥ်တန်းအား အနီးကပ်ပစ်ခတ်တိုက်ခိုက်ရာ ထိခိုက်သေဆုံးမှုရှိကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့(ပကဖ)က ပြောသည်။

ယမန်နေ့ (ဇွန်လ ၅ရက်) နံနက် ၁၀နာရီခန့်က ပေါက်မြို့မှ ရိက္ခာသယ်လာသော ယာဉ်တန်းနှင့် လုံခြုံရေးလိုက်ပါလာသော ဆိုင်ကယ်များအား လယ်လမ်းနှင့် သရဖီကျေးရွာအနီးတွင် တိုက်ခိုက်ခဲ့ရာ အနီးကပ်တိုက်ခိုက်မှုကြောင့် စစ်ကောင်စီတပ်သားနှင့် ပျူစောထီး ၁၃ဦး သေဆုံးကြောင်း မြိုင်(ပကဖ)က ပြောသည်။

ထို့အပြင် ကားအချို့​၏ ဘီးများအားပစ်ဖောက် တိုက်ခိုက်ခဲ့ကြောင်းလည်း မြိုင်(ပကဖ) ခေါင်းဆောင် ကိုလက်ယျာက ပြောသည်။

“သူတို့တွေက သေနတ်တွေနဲ့ဘေးကနေ ဆိုင်ကယ်နဲ့လိုက်တာ။ ဝပ်နေတဲ့ ကျွန်တော်တို့အဖွဲ့တွေက တက်ပစ်တာ။ ကား ၁၆စီးလောက်က ဒရိုင်ဘာတွေက ဆင်းပြေးတယ်။ ပျူတွေက ပြန်ခံပစ်တယ်။ ၁၃ ယောက်က နေရာမှာတင် ပွဲချင်းပြီးပဲ။ မနေ့ကည​ကမှောင်မှ အလောင်းလာကောက်သွားတယ်။”ဟု မြိုင်(ပကဖ)ခေါင်းဆောင် ကိုလက်ယျာက ပြောသည်။

Public Service Announcement

Public Service Announcement

စစ်ကောင်စီတပ်သည် ယမန်နေ့ညတွင် အလောင်းလာကောက်ခြင်း၊ ထိခိုက်ပျက်စီးသည့်ကားများအား လာရောက်သယ်ယူခြင်းများ ပြုလုပ်ပြီး ပေါက်နှင့်ပခုက္ကူမြို့နယ်ဘက်သို့ ထွက်ခွာသွားကြောင်း ဒေသတွင်းသတင်းရင်းမြစ်များက ပြောသည်။ စစ်​ကောင်စီတပ်​သေဆုံးထိခိုက်မှု အ​ခြေအ​နေကို People’s Spring ကသီးခြားအတည်မပြုနိုင်ပါ။

Public Service Announcement
Public Service Announcement

မြိုင်ပကဖ ကထုတ်ပြန်​သောရုပ်သံမှတ်တမ်းတွင် ရိက္ခာတင်လာ​သောယာဥ်တန်းကို PDFများက အနီးကပ်လိုက်လံတိုက်ခိုက်​သည်ကိြ​တွေ့ရသည်။ထို့အပြင် လက်နက်သွားကောက်သော ရဲဘော်တစ်ဦး ထိခိုက်ဒဏ်ရာရရှိသွားပြီး စိုးရိမ်ရသည့်အ​ခြေအနေရှိကြောင်း၊ စစ်ကောင်စီတပ်မှ အင်အားများ၍ လက်နက်များကောက်ယူနိုင်မှု မရှိကြောင်း လည်း အသိပေးထားသည်။

အဆိုပါ တိုက်ခိုက်မှုအား မြိုင်(ပကဖ)တပ်ရင်း-၁ သည် ပေါက်ဗိုလ်တစ္ဆေအဖွဲ့နှင့် ပူးပေါင်း၍ တိုက်ခိုက်ခဲ့ကြောင်း အသိပေးထားသည်။

ယမန်နေ့ (ဇွန်လ ၅ ရက်) နံနက် ၈နာရီခွဲခန့်ကလည်း အဆိုပါ ယာဉ်တန်းအတွက် ကင်းယူလာသော စစ်သားနှင့်ပျူများပါသော ယာဉ်တစ်စီးအား မိုင်းဆွဲတိုက်ခိုက်ခဲ့ကြောင်း မြိုင်(ပကဖ)က ပြောသည်။

အဆိုပါ တိုက်ခိုက်မှုကြောင့် စစ်သားနှင့်ပျူများ ထိခိုက်ဒဏ်ရာရရှိသွားကြောင်း မြိုင်(ပကဖ) ကဆိုသည်။ သို့သော် စစ်ကောင်စီတပ်သားများ ထိခိုက်သေဆုံးမှုများနှင့် ပတ်သက်ပြီး လူထုနွေဦးက သီးခြားအတည်မပြုနိုင်ပေ။

မိုင်းဆွဲတိုက်ခိုက်မှုအား မြိုင်ပကဖ တပ်ရင်း(၁) ခွဲ(၁) ၊ကမ္မကာကွယ်ရေးတပ်ဖွဲ့(KMDF) ၊ တပ်ရင်း (၁) ၊တပ်ခွဲ (၂)တို့ ပူးပေါင်းလုပ်ဆောင်ခဲ့ကြောင်း အသိပေးထားသည်။

ဆက်စပ်သတင်းများ

သတင်း

မန္တလေးတိုင်း၊ သပိတ်ကျင်းမြို့နယ်၊ ချောင်းကြီးကျေးရွာကို စစ်ကောင်စီက လေကြောင်းတိုက်ခိုက်ခဲ့ရာ ဒေသခံပြည်သူ ၇ဦး သေဆုံးကြောင်း ဒေသခံများက ပြောသည်။

သတင်း

မွန်ပြည်နယ်၊ ကျိုက်မရောမြို့နယ်၊ နှစ်နေရာကို စစ်ကောင်စီတပ်ကလေကြောင်းမှဗုံးကြဲတိုက်ခိုက်သဖြင့်ဒေသခံပြည်သူ ၁၅ဦး ထက်မနည်းသေဆုံးကြောင်း ​ဒေသခံများကပြောသည်။

သတင်း

ချင်းပြည်နယ် မင်းတပ်မြို့နယ်တွင် စစ်ကောင်စီက ယမန်နေ့ညပိုင်းနှင့် ယနေ့(ဇူလိုင်၁၉) နံနက် တွင် လေကြောင်းတိုက်ခိုက်မှု ထပ်မံပြုလုပ်ခဲ့ကြောင်း မင်းတပ်ဒေသသတင်းရင်းမြစ်က အသိပေးသည်။

သတင်း

မန္တလေးတိုင်း၊ မတ္တရာမြို့နယ်တိုက်ပွဲမှ ထွက်ပြေးလာသော စစ်ကောင်စီတပ်သား နှစ်ဦးကို လက်နက်ခဲယမ်းနှင့်အတူ ဖမ်းဆီးရမိကြောင်း ရွှေဘိုခရိုင်အမှတ်(၁၈)တပ်ရင်းက သတင်းထုတ်ပြန်သည်။