▪︎ဒေသခံပြည်သူ ထောင်ချီထွက်ပြေးတိမ်းရှောင်နေရ
စစ်ကိုင်းတိုင်း၊ ခမ်းပတ်မြို့တိုက်ပွဲသို့ စစ်ကောင်စီတပ်က လေကြောင်းမှ စစ်ကူပို့သော စစ်သားများကို PDF များက ယနေ့မနက်တွင် ကြားဖြတ်တိုက်ခိုက်ရာ စစ်သားများ ထိခိုက်သေဆုံးမှုများပြားပြီး အထိနာခဲ့ကြောင်း ဒေသခံအချို့ကပြောသည်။
တမူးမြို့နယ်အတွင်းရှိ၊ ခမ်းပတ်မြို့မှ ရဲစခန်းနှင့် စစ်ကောင်စီတပ်စခန်းများကို ဒေသခံကာကွယ်ရေးတပ်များက ဇူလ်ုင် ၂၂ ရက်ညကဝင်ရောက်တိုက်ခိုက်ခဲ့ခြင်းဖြစ်သည်။
စစ်ကောင်စီတပ်စခန်းနှင့် ရဲစခန်းကို နာရီပေါင်းများစွာတိုက်ခိုက်ခံရပြီးနောက် ဇူလိုင် ၂၃ ရက်တွင် ကလေးမြို့မှ စစ်သားများကို Mi-17 ရဟတ်ယာဥ်ဖြင့် ပို့ဆောင်ခဲ့သည်။ စစ်ကူပို့ရာတွင် PDF များကတိုက်မည်စိုး၍ မြို့ပေါ်နှင့် မြို့နားအနီးဝန်းကျင်တွင် မချဘဲ ခမ်းပတ်မြို့ အထက်ဘက် ဆိုင်ကယ်ဖြင့် ၁ နာရီခန့်သွားရသောနေရာတွင် ချပေးခဲ့ခြင်းဖြစ်သည်။ လေကြောင်းမှ လာသောစစ်သားများသည် ခမ်းပတ်မြို့ဘက်သို့ အလာ ယနေ့နံနက်တွင် တော်လှန်ရေးအဖွဲ့များက လမ်း၌ ဖြတ်တိုက်ခဲ့ရာ သေဆုံးဒဏ်ရာရသူများကြောင်းဒေသခံအချို့က ပြောသည်။
“ဒီမနက်တိုက်ပွဲမှာစစ်ကောင်စီဘက်သေဆုံးက၁၆ ဦးထက်မကရှိနေတယ်လို့ကြားရပါတယ်။ ဒီမနက်တိုက်ပွဲက တိန်းကယားကျေးရွာတစ်ဝိုက်မှာဖြစ်သွားတယ်။ PDFဘက်လည်းထိခိုက်ဒဏ်ရာရတဲ့သူတွေရှိတယ်ကျဆုံးတာတော့မကြားသိသေးဘူး။”ဟု ဒေသခံတစ်ဦးကပြောသည်။
Public Service Announcement
သို့သော်စစ်ကောင်စီတပ်သေဆုံးထိခိုက်မှုအခြေအနေကကိုPeople’s Spring အနေဖြင့် သီးခြားအတည်ပြုနိုင်ခြင်းမရှိသေးပေ။
ယနေ့ မွန်းလွဲ ၂ နာရီ ဝန်းကျင်တွင် စစ်ကောင်စီ ရဟတ်ယာဥ် က မြို့အနီးဝန်းကျင်ကိုထပ်မံ ပျံသန်းနေသဖြင့် မြို့ကို စစ်တပ်က လေကြောင်းမှတိုက်ခိုက်မည်ကို ဒေသခံများကစိုးရိမ်နေသည်။ယခုတိုက်ပွဲသည် ခမ်းပတ်မြို့ပေါ်တွင် ဖြစ်ပွားသောပထမဆုံးတိုက်ပွဲဖြစ်သည်။ ယနေ့ ညနေပိုင်းတွင် တိုက်ပွဲမှာအနည်းငယ်ငြိမ်သက်နေကြောင်းသိရသည်။
တိုက်ပွဲဖြစ်ပွားသောကြောင့် ခမ်းပတ်မြို့ခံများတောထဲတောင်ထဲတွင် ဒေသခံပြည်သူဦးရေ ၃၀၀၀ကျော်ပုန်းခိုနေရပြီး လူဦးရေ ၂၀၀၀ခန့်မှာ အိန္ဒိယနိုင်ငံဘက်ကို ထွက်ပြေးတိမ်းရှောင်နေသည်ဟု ဒုက္ခသည်အရေးကူညီနေသူများကပြောသည်။ တချို့မှာကလေးမြို့ပေါ်ကို ထွက်ပြေးတိမ်းရှောင်နေရသည်ဟုလည်းသိရသည်။
စစ်ကောင်စီတပ်က လေကြောင်းမှ စစ်ကူပို့သည့်အပြင် မော်လိုက်မြို့မှလည်း စစ်သား၊ ပျူစောထီး၊SNA (ရှမ်းနီတပ်) စုစုပေါင်းအင်အား ၈၀ခန့်ကိုလည်း တွန်းပင်၊မော်ကူး၊မဟော်ဂနီကျောက်မီးသွေးလမ်းအတိုင်းအသုံးပြုကာ အင်အားဖြည့်တင်းခဲ့ကြောင်းဒေသခံအချို့ကပြော သည်။
“စစ်ဘေးရှောင်အများစုကကျေးရွာဘက်ကိုရှောင်လိုက်ပေမယ့်စစ်ကောင်စီတပ်ကကျေးရွာဘက်ကနေခမ်းပတ်ကိုတက်လာတာဖြစ်လို့ထပ်ရှောင်ဖို့အခက်ခဲ့တွေနဲ့ရင်ဆိုင်နေရပါတယ်။ အထူးသဖြင့်နန်ကတိတ်ရွာ၊နန်းခေါက်ခေါက်ရွာ၊ ကျွန်းတော့ရေရှင်ရွာဘက်တစ်ကျော့လုံး ပေါ့”ဟုဒေသခံတစ်ဦးကပြောသည်။
တိုက်ပွဲအတွင်း စစ်ကောင်စီဘက်က ပစ်ခတ်ခဲ့သည့် လက်နက်ကြီးကျည်ကြောင့် ဒေသခံတစ်ဦးသေဆုံးခဲ့သည်။ ထိုတိုက်ပွဲကို တမူးခရိုင် PDFတပ်ရင်း၊ ချင်းကာကွယ်ရေးတပ် -CNDFနှင့် ဒေသခံကာကွယ်ရေးတပ်များကပူးပေါင်းတိုက်ခိုက်နေခြင်းဖြစ်သည်။
စစ်ကောင်စီက ဖုန်းလိုင်းများဖြတ်တောက်ထားကြောင်းလည်းဒေသခံအချို့ကပြောသည်။
