စစ်ကိုင်းတိုင်း၊ ရွှေဘိုမြို့နယ်တွင် စစ်ကောင်စီအား ခုခံတိုက်ခိုက်ရန် ပြင်ဆင်နေသည့် ရဲဘော် နှစ်ဦး မိုင်းမတော်တဆမှုကြောင့်ကျဆုံးခဲ့ကြောင်း နဂါးနီ-အာဠာဝက Shwebo PDF အဖွဲ့က ပြောသည်။
ဇူလိုင် ၂၃ ရက်က ရွှေဘိုမြို့အနောက်ဘက် (၃)မိုင်ခန့်အကွာက မြင်းချင်းနှင့် ဇီးကုန်း ပျူစောထီးရွာမှ စစ်အုပ်စု စစ်ကြောင်းထိုးမည်ဟုသတင်းရ၍ နဂါးနီ-အာဠာဝက Shwebo PDF အဖွဲ့က သွားရောက် မိုင်းဆင်ခဲ့သည်။
ထိုသို့မိုင်းဆင်နေစဥ် မတော်ဆပေါက်ကွဲ၍ တပ်ဖွဲ့ဝင် အသက်(၁၈)နှစ်အရွယ် ရဲဘော်လူပေနှင့် အသက်(၂၈)နှစ်အရွယ် ရဲဘော်ရွှေဘတို့ ရဲဘော် နှစ်ဦး ကျဆုံးခဲ့ခြင်းဖြစ်ကြောင်း နဂါးနီ-အာဠာဝက Shwebo PDFအဖွဲ့၏ ခေါင်းဆောင် ကိုလမင်းက ပြောသည်။
“ကျွန်တော်တို့ ဘက်ကတော့ အတက်နိုင်ဆုံး အမှားနည်းအောင် မိုင်းအပေါ်မှာ လိုအပ်ချက်ကို အဖြေရှာပြီး မိုင်းနဲ့ပက်သက်တဲ့ အချက်အလက်တွေ ပိုပြီးသိအောင်၊ ကျဆုံးသွားတဲ့ ရဲဘော်နှစ်ဦးအတွက် ပိုကြိုးစားပြီး သွေးကြွေးပြန်ဆပ်သွားပါ့မယ်။”ဟု Shwebo PDF အဖွဲ့၏ ခေါင်းဆောင်က ပြောသည်။
Public Service Announcement
ကျဆုံးရဲဘော်များ၏ ရုပ်အလောင်းများအား ကောင်းမွန်စွာသင်္ဂြိုလ်ပေးခဲ့ကြောင်း သိရသည်။
နဂါးနီ-အာဠာဝက Shwebo PDF တပ်ဖွဲ့သည် ရွှေဘိုမြို့နယ်အတွင်း စစ်ကောင်စီအား ခုခံတိုက်ခိုက်နေသောအဖွဲ့ဖြစ်သည်။
